Nuwe kruin op horison

Hoofredaksie – Namibië se gemiddeld van nuwe gevalle van Covid-19 het Vrydag die piek van die tweede golf van die pandemie verbygesteek.Met die 480 nuwe gevalle wat Saterdag vir die vorige dag bevestig is, het die syfer na 485 opgeskuif. Die vorige kruin was ‘n gemiddeld van 480 gevalle per dag op 30 Desember.Gister se aankondiging van die data vir Saterdag is teen saktyd nog ingewag.Woensdag is ‘n rekord van 717 nuwe gevalle op een dag aangekondig. Op dieselfde dag is ‘n nuwe rekord van 3 129 toetsmonsters verwerk. Van die toetse was 23% positief; effens minder as Dinsdag se positiwiteitskoers van 30%.Volgens Republikein se data het die eerste golf verlede jaar ongeveer 16 dae geneem om ‘n kruin van gemiddeld 257 per dag te bereik. Die tweede brander het ná sowat 25 dae gepiek. Teoreties kan dit tot einde Junie neem voor die huidige golf begin eb.Sterftes wat direk of indirek aan die virus toegeskryf word, het die afgelope weke ook rekordafmetings afgeneem.Mei se dodetol het tot 221 gestyg teen ‘n gemiddeld van sewe sterftes per dag. In Junie is reeds 16 sterftes aangeteken.Gemeet oor sewe dae, is teen 31 Mei gemiddeld tien sterftes per dag aangeteken. Dieselfde dag was die dodelikste nog met 16 sterftes, gevolg deur 14 sterftes op 26 Mei. Tien sterftes elk is aangeteken op 24, 27 en 28 Mei.Vrydag was die hoogste daaglikse gemiddeldes per distrik soos volg:Windhoek 240 nuwe gevalle per dag, Rehoboth 44, Swakopmund 28, Oshakati 24, Gobabis 20, Walvisbaai 16, Lüderitz 12, Keetmanshoop 11, Okahandja 9, Otjiwarongo 9, Mariental 7, Eenhana 6, Onandjonkwe 6, Rundu 6, Katima Mulilo 5. – republikein@republikein.com.na

Nuwe kruin op horison

Kommentaar

Republikein 2025-12-16

Meld asseblief aan om kommentaar te lewer

Nuwe kruin op horison

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.