Nuwe ingenieursliggaam kom

Augetto Graig''n Nuwe vereniging, die Namibiese Vereniging van Ingenieurs (NASE), word volgende Donderdag amptelik in Windhoek bekendgestel. Die nuwe organisasie sal met vrywillige lede werk om ''n gemeenskap van ingenieurs en soortgelyke professionele lui in die land te vorm. Dit sal ook liefdadigheid bevorder deur die organisasie Ingenieurs Sonder Grense Namibië deel daarvan te maak.Volgens die stigter, mnr. Charles Mukwaso, is die vereniging nodig om die ongelukkigheid tussen ingenieurs en verwante professies in Namibië te takel. Baie is teleurgesteld in die instellings wat veronderstel is om hulle te ondersteun en die gebrek aan goed georganiseerde liggame wat ''n bevorderlike omgewing vir plaaslike professionele ingenieurs skep, volgens Mukwaso.Hy sê die Namibiese Raad vir Ingenieurswese (ECN) is ''n statutêre liggaam en as gevolg daarvan is dit die regulerende liggaam wat verslag doen aan die regering. Nie-winsgewende vrywillige of nie-statutêre organisasies soos NASE is ondersteunende organisasies wat daarop gemik is om ''n gunstige omgewing vir die professie te ontwikkel, en deur groei en bevordering van daardie dissipline by te dra tot die kennis, beginsels en toeganklikheid tot nuwe en bestaande beroepe. “Dit is nie deur ''n wet van die parlement gestig nie, maar deur die vryheid van assosiasie van professionele mense met ''n gemeenskaplike belang,” sê hy.Tans hoop NASE om elkeen wat op die gebied van die ingenieurswese werk, insluitend ingenieurs, tegnici, vakmanne en ambagsmanne, te lok om lid te word. Huidig is lidmaatskap beperk tot Namibiese burgers, maar NASE oorweeg dit om selfs buitelanders wat in Namibië werk of studeer vanaf 2017 te akkommodeer.Onder meer beplan NASE om gegradueerdes by te staan na die voltooiing van hul studies, insluitende ondersteuning met registrasie by die ECN. “Ons sal ook werk vir die uitwissing van diskriminasie op alle vlakke in alle tegniese velde en al die lede help om ongehinderd in hul loopbane te presteer. Ons sal die behoeftes en griewe van Namibië se ingenieurs- en tegniese gemeenskap hanteer en professionele registrasieliggame aanspreeklik hou indien en wanneer nodig. Ons sal ook brûe bou tussen die bedryf en lede ten einde geleenthede vir lede te ontsluit,” sê Mukwaso.Volgens statistiek van die ECN het Namibië tans omtrent 1 700 tegnici, tegnoloë en professionele ingenieurs wat by die raad geregistreer is.

Nuwe ingenieursliggaam kom

Kommentaar

Republikein 2025-11-03

Meld asseblief aan om kommentaar te lewer

Nuwe ingenieursliggaam kom

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.