Nuwe hoofstuk vir Oranjemund
Baie het al gewonder wat so besonders aan dié dorp is, en nou kan jy dit self in 'n nuwe TV- en webreeks sien.
Nadat die dorp dekades lank in 'n verbode diamantgebied geleë was, is dit “nie net hoog tyd nie, maar ook belangrik” om Oranjemund en sy transformasie met die land en die wêreld te deel.
Baie het al gewonder wat so besonders aan die dorp is, en nou kan jy dit self in 'n nuwe TV- en webreeks sien. Kykers sal baie oor Oranjemund ontdek; van die ryk myngeskiedenis tot die hoë duine, die magtige Oranjerivier en die pragtige ongerepte strand.
Die OMDis Town Transform Agency se Building Futures in Oranjemund, wat op One Africa TV uitgesaai sal word, sal ook al die ontwikkelingsgeleenthede wat dié dorp bied in die kollig plaas en sal dien as 'n bemarkingsinstrument vir beleggingsgeleenthede.
OMDis is gestig om plaaslike entrepreneurs te bevorder, plaaslike besighede te ondersteun en om die dorp se volhoubaarheid te verseker deur sektore soos landbou en toerisme te bevorder en mense te lok.
Die reeks bestaan uit die volgende
• “From the Beyond” behels bekende oud-Oranjemunders wat oor hul grootwordjare op Oranjemund gesels. Hierdie groep bly trotse ambassadeurs van die dorp, met “baie goeie herinneringe”.
• In “Making New” tree huidige Oranjemunders as broodnodige dryfvere vir verandering op deur hul besighede en uitreik-inisiatiewe in die gemeenskap vir dié doel in te span.
• In “Building Futures” word idees en inisiatiewe gedeel om die dorp se ekonomie te diversifiseer.
“Ons is gelukkig om saam met vakkundiges te kon werk om hierdie video- en webreeks saam te stel wat al OMDis se doelwitte weerspieël, maar wat ook belangrik is vir Oranjemund,” het mnr. Tony Bessinger, die hoofbestuurder van die agentskap, gesê.
METAMORFOSE
Oranjemund is al baie jare 'n raaisel – almal weet daarvan, maar baie min het dit gesien. Dit was hoofsaaklik omdat die dorp in 'n Sperrgebiet was wat in 1936 gebou is om die diamantmynboubedryf te bedien. Gevolglik kon slegs mense wat by die myn gewerk het, daar woon, en besoeke van vriende en familie is streng beheer.
Vandag – ná 85 jaar – is Oranjemund 'n dorp wat baie verander het. Dit word nie meer deur 'n myn bestuur nie, is nie meer 'n verbode gebied nie en is nie meer agter slot en grendel nie.
Oor die afgelope tien jaar is die dorp gevestig, 'n plaaslike owerheid gestig en 'n inisiatief genaamd “Town Transformation” is van stapel gestuur. Hierdie proses behels die afstanddoening van die stad se afhanklikheid van diamantmynbou en die skep van 'n volhoubare toekoms buite mynbou.
Town Transformation is in 2014 deur Namdeb aan die stadsraad en die gemeenskap bekend gestel. Dié inisiatief is aangevuur deur die destydse plan om die myn in 2022 te sluit. 'n Visie vir 'n dorp wat teen 2030 volhoubaar kan wees, is deur al die betrokke partye saamgestel – insluitend die gemeenskap. Die doelwitte van die program is drievoudig:
* wVerskuif die bestuur van die dorp vanaf die myn oor na die dorpsraad en privateer eiendomsbesit. Hierdie fase is voltooi.
* Normaliseer sosioëkonomiese dienste soos onderwys en gesondheidsorg.
* Hervorm die ekonomie deur die samestelling daarvan te diversifiseer deur nuwe nywerhede en die ontwikkeling van klein- en mediumgrootte ondernemings.
AGTERGROND
OMDis is in 2019 deur Namdeb as 'n spesiale doelentiteit (SPV) gestig om transformasie proaktief te bespoedig.
Die span se kernbedrywighede sluit in ekonomiese navorsing, uitvoerbaarheidstudies oor nuwe industrieë, die ontwikkeling van sakeplanne vir geïdentifiseerde projekte, die verskaffing en fasilitering van finansiering vir projekte, en die bevordering van beleggingsgeleenthede.
"OMDis is 'n vooruitdenkende organisasie wat daarna streef om Oranjemund te transformeer. Ons doen 'n beroep op elke Namibiër om na Oranjemund te kom en al die opwindende geleenthede te beleef wat ons bied,” het die besigheidsontwikkelingsbestuurder van die agentskap, me. Aunie Gideon, gesê.
Die reeks word elke Woensdag om 20:00 op One Africa TV (GOtv kanaal 90, DStv kanaal 284, DSTVNow en www.oneafrica.tv) en op hul sosialemediaplatforms uitgesaai. Die eerste episode het reeds op 29 September verskyn. Elke episode word Sondae om 17:30 herhaal.
- [email protected]
Baie het al gewonder wat so besonders aan die dorp is, en nou kan jy dit self in 'n nuwe TV- en webreeks sien. Kykers sal baie oor Oranjemund ontdek; van die ryk myngeskiedenis tot die hoë duine, die magtige Oranjerivier en die pragtige ongerepte strand.
Die OMDis Town Transform Agency se Building Futures in Oranjemund, wat op One Africa TV uitgesaai sal word, sal ook al die ontwikkelingsgeleenthede wat dié dorp bied in die kollig plaas en sal dien as 'n bemarkingsinstrument vir beleggingsgeleenthede.
OMDis is gestig om plaaslike entrepreneurs te bevorder, plaaslike besighede te ondersteun en om die dorp se volhoubaarheid te verseker deur sektore soos landbou en toerisme te bevorder en mense te lok.
Die reeks bestaan uit die volgende
• “From the Beyond” behels bekende oud-Oranjemunders wat oor hul grootwordjare op Oranjemund gesels. Hierdie groep bly trotse ambassadeurs van die dorp, met “baie goeie herinneringe”.
• In “Making New” tree huidige Oranjemunders as broodnodige dryfvere vir verandering op deur hul besighede en uitreik-inisiatiewe in die gemeenskap vir dié doel in te span.
• In “Building Futures” word idees en inisiatiewe gedeel om die dorp se ekonomie te diversifiseer.
“Ons is gelukkig om saam met vakkundiges te kon werk om hierdie video- en webreeks saam te stel wat al OMDis se doelwitte weerspieël, maar wat ook belangrik is vir Oranjemund,” het mnr. Tony Bessinger, die hoofbestuurder van die agentskap, gesê.
METAMORFOSE
Oranjemund is al baie jare 'n raaisel – almal weet daarvan, maar baie min het dit gesien. Dit was hoofsaaklik omdat die dorp in 'n Sperrgebiet was wat in 1936 gebou is om die diamantmynboubedryf te bedien. Gevolglik kon slegs mense wat by die myn gewerk het, daar woon, en besoeke van vriende en familie is streng beheer.
Vandag – ná 85 jaar – is Oranjemund 'n dorp wat baie verander het. Dit word nie meer deur 'n myn bestuur nie, is nie meer 'n verbode gebied nie en is nie meer agter slot en grendel nie.
Oor die afgelope tien jaar is die dorp gevestig, 'n plaaslike owerheid gestig en 'n inisiatief genaamd “Town Transformation” is van stapel gestuur. Hierdie proses behels die afstanddoening van die stad se afhanklikheid van diamantmynbou en die skep van 'n volhoubare toekoms buite mynbou.
Town Transformation is in 2014 deur Namdeb aan die stadsraad en die gemeenskap bekend gestel. Dié inisiatief is aangevuur deur die destydse plan om die myn in 2022 te sluit. 'n Visie vir 'n dorp wat teen 2030 volhoubaar kan wees, is deur al die betrokke partye saamgestel – insluitend die gemeenskap. Die doelwitte van die program is drievoudig:
* wVerskuif die bestuur van die dorp vanaf die myn oor na die dorpsraad en privateer eiendomsbesit. Hierdie fase is voltooi.
* Normaliseer sosioëkonomiese dienste soos onderwys en gesondheidsorg.
* Hervorm die ekonomie deur die samestelling daarvan te diversifiseer deur nuwe nywerhede en die ontwikkeling van klein- en mediumgrootte ondernemings.
AGTERGROND
OMDis is in 2019 deur Namdeb as 'n spesiale doelentiteit (SPV) gestig om transformasie proaktief te bespoedig.
Die span se kernbedrywighede sluit in ekonomiese navorsing, uitvoerbaarheidstudies oor nuwe industrieë, die ontwikkeling van sakeplanne vir geïdentifiseerde projekte, die verskaffing en fasilitering van finansiering vir projekte, en die bevordering van beleggingsgeleenthede.
"OMDis is 'n vooruitdenkende organisasie wat daarna streef om Oranjemund te transformeer. Ons doen 'n beroep op elke Namibiër om na Oranjemund te kom en al die opwindende geleenthede te beleef wat ons bied,” het die besigheidsontwikkelingsbestuurder van die agentskap, me. Aunie Gideon, gesê.
Die reeks word elke Woensdag om 20:00 op One Africa TV (GOtv kanaal 90, DStv kanaal 284, DSTVNow en www.oneafrica.tv) en op hul sosialemediaplatforms uitgesaai. Die eerste episode het reeds op 29 September verskyn. Elke episode word Sondae om 17:30 herhaal.
- [email protected]
Kommentaar
Republikein
Geen kommentaar is op hierdie artikel gelaat nie