Nuwe gesigte by boksbeheerraad

Die minister van sport, jeug en nasionale diens, mnr. Jerry Ekandjo, het dié week vier nuwe aanstellings by die Namibiese Boksbeheerraad aangekondig. Die vorige beheerraad se mandaat het in Maart vanjaar verval. Die nuwe lede is me. Victoria Hamukwaya, dr. Kenny Hepundja, mnre. Philip Mwandingi en Ronald Kurtz. Die vier nuwe lede se termyn strek vir drie jaar vanaf 5 September 2016 tot September 2019. Van links is Philip Mwandingi, Ellison Hijarunguru (voorsitter), Victoria Hamukwaya, minister Jerry Ekandjo, Sivhute Katamba (direkteur van sport), Ronald Kurtz en dr. Kenny Hepundja. Foto Tielman van Lill