Nuwe gesig in ‘Getroud met rugby’

“Dinge raak nogal interessant” wanneer die aktrise Natasja Jacobs Donderdag vir die eerste keer in die kykNET-sepie Getroud met rugby verskyn.Haar karakter, Amanda, sien die Stryders-rugbyspeler Reitz (vertolk deur Sean van Noordwyk) raak en sy besluit om met hom te praat.“Hy vang haar oog en wanneer sy uitreik, gesels Reitz saam. Hy is nou in daardie stadium waar hy ook nuwe terreine wil ontdek,” sê Jacobs.“Ek hou van Amanda. Dit beteken nie dat sy nooit bitsig of so iets is nie, maar sy is nie sleg nie. What you see is what you get. En die verbintenis met Reitz is hoofsaaklik haar storielyn.”Jacobs wat die program The Joyride op OFM aanbied, het voorheen in sepies soos Villa Rosa, Binnelanders en 7de Laan verskyn.“Ek het al op baie stelle gewerk,” sê Jacobs (40) wat in 2000 haar dramagraad by Afda verwerf het.“En dit is een van die lekkerste stelle waarop ek nog gewerk het. Ek hou ook van die medium, almal is nice en die regisseurs is goed. En ek en Sean het ook vriende geword.”Jacobs het voorheen in reekse soos Knapsekêrels, Elke skewe pot en Hart van staal verskyn. Haar karakter, Bonnie, in die tweede reeks van Jan Scholtz se kykNET-drama Song vir Katryn, was baie gewild.Sy het ook al in ’n radiodrama, Plattelanders, saam met Bettie Kemp opgetree.“Dit was vir my ’n geweldige leerskool. Ek het gevoel soos ’n student wat haar eerste werk ná haar studies doen. Ek is mal daaroor om in ’n ateljee te wees. Ek doen gereeld stemwerk en ek is op OFM, maar ’n radiodrama is iets heeltemal anders.”Sy het dit ook geniet om Amanda te vertolk.“Sy is fabulous. Sy is verfrissend en gemaklik in haar vel. Ek dink tog die kykers sal van haar hou.”

Nuwe gesig in ‘Getroud met rugby’

Kommentaar

Republikein 2026-10-08

Meld asseblief aan om kommentaar te lewer

Nuwe gesig in ‘Getroud met rugby’

Kommentaar

Republikein 2026-10-08

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.