Nuwe eienaar vir SABMiller-handelsname
Die prys van AB InBev se aandele is vanjaar reeds 15% laer en in Oktober het hy die sesde kwartaal agtereenvolgens sy winsteikens misgeloop.
Niel Joubert - Anheuser-Busch (AB) InBev gaan SABMiller se voormalige handelsname in Sentraal- en Oos-Europa vir €7,3 miljard verkoop.
Die maatskappy het gister op Sens bevestig dat hy ''n bindende ooreenkoms met die Japanse biermaker Asahi vir die verkoopstransaksie gesluit het.
Die afdelings wat SABMiller in Pole, die Tsjeggiese Republiek, Slowakye, Hongarye en Roemenië besit het, word verkoop en dit sluit die bekende handelsnaam Pilsner Urquell in.
Die transaksie sal na verwagting in die eerste helfte van 2017 voltooi word en is ''n voorwaarde vir die goedkeuring deur die Europese Kommissie. Die verkoop was een van die voorwaardes waarvolgens die Europese Kommissie ingestem het dat AB InBev vir SABMiller kan oorneem.
Die wêreld se grootste brouer het reeds vroeër vanjaar ingestem om die handelsname Peroni, Grolsch en die Britse boetiekbrouer Meantime vir €2,55 miljard aan Asahi te verkoop.
AB Inbev het in Oktober sy oorname van SABMiller teen sowat US$103 miljard afgehandel.
Die prys van AB InBev se aandele is vanjaar reeds 15% laer en in Oktober het hy die sesde kwartaal agtereenvolgens sy winsteikens misgeloop, berig Bloomberg. Dit is ook ''n duidelike teken waarom die vervaardiger van Budweiser dit nodig gehad het om SABMiller as ''n kruk te koop.
In Maart het China Resources ooreengekom om SABMiller se 49%-belang in Snow Beer vir US$1,6 miljard te koop, wat AB InBev gehelp het om goedkeuring vir die transaksie van die Chinese owerheid te kry. – Netwerk24
Die maatskappy het gister op Sens bevestig dat hy ''n bindende ooreenkoms met die Japanse biermaker Asahi vir die verkoopstransaksie gesluit het.
Die afdelings wat SABMiller in Pole, die Tsjeggiese Republiek, Slowakye, Hongarye en Roemenië besit het, word verkoop en dit sluit die bekende handelsnaam Pilsner Urquell in.
Die transaksie sal na verwagting in die eerste helfte van 2017 voltooi word en is ''n voorwaarde vir die goedkeuring deur die Europese Kommissie. Die verkoop was een van die voorwaardes waarvolgens die Europese Kommissie ingestem het dat AB InBev vir SABMiller kan oorneem.
Die wêreld se grootste brouer het reeds vroeër vanjaar ingestem om die handelsname Peroni, Grolsch en die Britse boetiekbrouer Meantime vir €2,55 miljard aan Asahi te verkoop.
AB Inbev het in Oktober sy oorname van SABMiller teen sowat US$103 miljard afgehandel.
Die prys van AB InBev se aandele is vanjaar reeds 15% laer en in Oktober het hy die sesde kwartaal agtereenvolgens sy winsteikens misgeloop, berig Bloomberg. Dit is ook ''n duidelike teken waarom die vervaardiger van Budweiser dit nodig gehad het om SABMiller as ''n kruk te koop.
In Maart het China Resources ooreengekom om SABMiller se 49%-belang in Snow Beer vir US$1,6 miljard te koop, wat AB InBev gehelp het om goedkeuring vir die transaksie van die Chinese owerheid te kry. – Netwerk24
Kommentaar
Republikein
Geen kommentaar is op hierdie artikel gelaat nie