Nuwe bestuurders vir studentefonds

Augetto GraigDie Finansiële Ondersteuningsfonds vir Namibiese Studente (NSFAF) het onlangs aangekondig dat hulle 'n nuwe hoofbedryfsbeampte en 'n nuwe interne ouditeur aangestel het. Dr. Eino Mvula is nou die hoofbedryfsbeampte, en mnr. Harris Mwilima Ntema is die fonds se eerste interne ouditeur.Mvula het jare se ondervinding met verantwoordelike aanstellings in onder meer die onderwys. Tot onlangs was hy die uitvoerende hoof van die Nasionale Raad vir Navorsing, Wetenskap en Tegnologie (NCRST), en voorheen was hy die hoofbestuurder van regulasies en verbruikersbeskerming by die Namibiese Instituut vir Standaarde (NSI). Sy wye ervaring word ondersteun deur verskeie kwalifikasies soos onder meer 'n meestersgraad in Tersiêre Onderwysbestuur (2016), 'n MBA (2010), 'n doktorsgraad in Filosofie en Chemie (2003) en 'n meestersgraad in Chemie (1999). Ntema bring terselfdertyd die NSFAF se eerste interne ouditafdeling tot stand. Hy het 'n bankagtergrond en was al FNB se interne ouditbestuurder. Voorheen was hy Bank Windhoek se interne ouditeur. Ntema het ook voorheen vir die Padfondsadministrasie (RFA) as interne ouditeur gewerk en ook vir die ministerie van finansies as ouditeur en doeanebeampte. Ntema is in 2012 as gesertifiseerde interne ouditeur (CIA) erken. Verder het hy 'n baccalaureusgraad in rekeningkunde in 2008 aan die Universiteit van Namibië verwerf.

Nuwe bestuurders vir studentefonds

Kommentaar

Republikein 2025-11-04

Meld asseblief aan om kommentaar te lewer

Nuwe bestuurders vir studentefonds

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.