Nuwe besems – met skropkrag
Die stel van nuwe kandidate in die aanloop tot verkiesings is ‘n basiese grondbeginsel van ‘n demokratiese republiek.
Sedert verlede jaar se hete kiesstryd het politiek in baie dele van Namibië nuwe lewe gekry. Dit is goed vir die veelpartystelsel.
Net so nuus dat Swapo in baie kiesafdelings en plaaslike owerhede van sy vorige leiers uitgestem en met nuwe gesigte vervang het; van hulle vroue en sommige afkomstig uit die jeug. Die regerende party self het reeds verskeie kere benadruk dat ‘n terugvegpoging nodig is ná 2019 se agteruitgang in ondersteuning by die stembus.
Hier en daar sal ons dalk nog regstappe oor sekere nominasies sien.
Sodra partylyste en kandidate se name bekend is, is dit elke stemgeregtigde se plig om sy/haar eie huiswerk te doen om kaf en koring te skei. Die spreekwoord dat nuwe besems skoon vee, is egter holrug en kan mense maklik mislei.
Vyf jaar gelede is daar óók op skoonvee, uitskrop en nuwe beginne gehoop. In baie gevalle het die verwagtinge bloot drome gebly.
In Namibië word daar dikwels met byna elke verkiesing vooraf oor demokratiese prosesse geroei en gestoei, wat soms inderdaad gebrekkig is. Alle aanduidings was egter dusver dat November se verkiesings nie uitgestel gaan word nie. Om dit só laat te doen, sal vir sommige skietgoed teen die kieskommissie en regering verskaf.
Deurdruk of hokaai? Dit is die vraag. En dis nie ‘n maklike een nie.
Wat ook al die besluit – die eindelike uitslag bly in kiesers se hande.
So sê ander
6 Oktober 2020
Lugvaartbedryf op knieë, maar SAL bly nog klou
Min sektore is so geraak deur die Covid-19-pandemie soos die lugvaartbedryf.
Teen Julie het meer as 20 lugdienste wêreldwyd hul deure finaal gesluit omdat hulle nie die kontantvloei gehad het om die krisis te oorleef nie.
Die lugvaartbedryf het in die verlede al soortgelyke krisisse oorleef. Maar nooit voorheen is lugreise tot stilstand gedwing soos vanjaar nie.
Dis teen dié agtergrond dat gesprekke steeds aan die gang is oor die redding van die SAL. Suid-Afrika is die perfekte voorbeeld van ’n land waar politieke en nie ekonomiese oorwegings nie die dryfkrag is vir die besluit om ’n nasionale lugdiens in stand te hou.
Die jongste wending is Ethiopian Airlines se aanbod om die SAL te help met vliegtuie, vlieëniers en instandhoudingsdienste – omtrent die enigste aspekte van die SAL wat as sterk punte beskryf kan word. Die onwilligheid van Afrika se grootste lugdiens om betrokke te raak by skuld en die SAL se uitbetaling van skeidingspakkette aan personeel, is verstaanbaar. Geen vennoot of belegger stel belang in die laste van ’n onderneming wat soos ’n albatros om jou nek gaan hang nie.
Terwyl Covid-19 nog in die afsienbare toekoms deel gaan wees van ons wêreld, het die lugvaartbedryf dalk ’n nuwe sakemodel nodig. Of, in die SAL se geval, die nugter erkenning dat die onderneming onredbaar is en dat mededingers wat die huidige sakemodel verstaan en kan bekostig, die diens beter kan lewer.
• NETWERK24
Sedert verlede jaar se hete kiesstryd het politiek in baie dele van Namibië nuwe lewe gekry. Dit is goed vir die veelpartystelsel.
Net so nuus dat Swapo in baie kiesafdelings en plaaslike owerhede van sy vorige leiers uitgestem en met nuwe gesigte vervang het; van hulle vroue en sommige afkomstig uit die jeug. Die regerende party self het reeds verskeie kere benadruk dat ‘n terugvegpoging nodig is ná 2019 se agteruitgang in ondersteuning by die stembus.
Hier en daar sal ons dalk nog regstappe oor sekere nominasies sien.
Sodra partylyste en kandidate se name bekend is, is dit elke stemgeregtigde se plig om sy/haar eie huiswerk te doen om kaf en koring te skei. Die spreekwoord dat nuwe besems skoon vee, is egter holrug en kan mense maklik mislei.
Vyf jaar gelede is daar óók op skoonvee, uitskrop en nuwe beginne gehoop. In baie gevalle het die verwagtinge bloot drome gebly.
In Namibië word daar dikwels met byna elke verkiesing vooraf oor demokratiese prosesse geroei en gestoei, wat soms inderdaad gebrekkig is. Alle aanduidings was egter dusver dat November se verkiesings nie uitgestel gaan word nie. Om dit só laat te doen, sal vir sommige skietgoed teen die kieskommissie en regering verskaf.
Deurdruk of hokaai? Dit is die vraag. En dis nie ‘n maklike een nie.
Wat ook al die besluit – die eindelike uitslag bly in kiesers se hande.
So sê ander
6 Oktober 2020
Lugvaartbedryf op knieë, maar SAL bly nog klou
Min sektore is so geraak deur die Covid-19-pandemie soos die lugvaartbedryf.
Teen Julie het meer as 20 lugdienste wêreldwyd hul deure finaal gesluit omdat hulle nie die kontantvloei gehad het om die krisis te oorleef nie.
Die lugvaartbedryf het in die verlede al soortgelyke krisisse oorleef. Maar nooit voorheen is lugreise tot stilstand gedwing soos vanjaar nie.
Dis teen dié agtergrond dat gesprekke steeds aan die gang is oor die redding van die SAL. Suid-Afrika is die perfekte voorbeeld van ’n land waar politieke en nie ekonomiese oorwegings nie die dryfkrag is vir die besluit om ’n nasionale lugdiens in stand te hou.
Die jongste wending is Ethiopian Airlines se aanbod om die SAL te help met vliegtuie, vlieëniers en instandhoudingsdienste – omtrent die enigste aspekte van die SAL wat as sterk punte beskryf kan word. Die onwilligheid van Afrika se grootste lugdiens om betrokke te raak by skuld en die SAL se uitbetaling van skeidingspakkette aan personeel, is verstaanbaar. Geen vennoot of belegger stel belang in die laste van ’n onderneming wat soos ’n albatros om jou nek gaan hang nie.
Terwyl Covid-19 nog in die afsienbare toekoms deel gaan wees van ons wêreld, het die lugvaartbedryf dalk ’n nuwe sakemodel nodig. Of, in die SAL se geval, die nugter erkenning dat die onderneming onredbaar is en dat mededingers wat die huidige sakemodel verstaan en kan bekostig, die diens beter kan lewer.
• NETWERK24
Kommentaar
Republikein
Geen kommentaar is op hierdie artikel gelaat nie