Nuwe Astra net vir tweede spuite
Namibië het gister 'n noodsaaklike aanvulling van AstraZeneca-entstowwe teen Covid-19 ontvang, maar op die hoogste vlak word blykbaar opnuut uit twee monde gepraat oor hoe die dosisse aangewend moet word.
Henriette Lamprecht en Dani Booysen
Weens ‘n beperkte voorraad AstraZeneca sal tot verdere kennisgewing volgens 'n openbare aankondiging Vrydag net tweede inentings met die entstof gedoen word.
‘n Besending van 75 000 dosisse AstraZeneca het gister op die Internasionale Lughawe Hosea Kutako buite Windhoek gearriveer. Die besending is deur die Nederlandse regering aan Namibië geskenk.
Die ministerie van gesondheid en maatskaplike dienste het Vrydag by monde van sy uitvoerende direkteur, mnr. Ben Nangombe, ‘n beroep gedoen op persone wat hul tweede dosisse moet ontvang om vanaf môre na hul naaste immuniseringspunt te gaan. Volgens hom word meer dosisse van die entstof in die komende maande in die land verwag. Eers dan sal eerste inentings met die entstof volgens die aankondiging hervat.
By aanvanklike navraag was die antwoord egter dat voorkeur aan opvolginentings gegee sal word. Hierdie boodskap is herhaal in gister se bekendmaking van nuwe Covid-19-syfers.
Voorkeur impliseer teoreties dat eerste inentings nie uitgesluit word nie.
Toe entstof in die land begin opraak het, was daar tevore ook verwarring oor beleid.
Die ministerie het gister reeds begin om die nuwe dosisse AstraZeneca na immuniseringspunte te versprei. Agt-en-veertig nuwe immuniseringspunte is gevestig en sluit 14 polisiehoofkwartiere, verskeie mobiele spanne en private geriewe in.
Teen Vrydag het 74 844 persone 'n eerste dosis AstraZeneca ontvang, met net 6 713 wat ook hul opvolgdosis gekry het. Daar was dus toe 68 131 mense wat nog 'n tweede inspuiting moet ontvang. Die nuwe besending is net 6 869 dosisse meer as dit.
Hoewel die land se aanvanklike voorraad AstraZeneca volgens gesondheidsowerhede 'n paar weke gelede reeds uitgeput is, is die entstof nog sporadies hier en daar in die land toegedien. Die afgelope Donderdag is volgens die daaglikse Covid-19-verslag byvoorbeeld 32 dosisse AstraZeneca gebruik; 12 eerste inentings in die Erongostreek en twee eerste inentings, asook 18 opvolgspuite in die Oshikotostreek. Vrydag is nog 24 opvolgdosisse in Oshikoto toegedien.
Ons moedig lesers aan om hul ervarings op voetsoolvlak oor die beskikbaarheid van AstraZeneca met die koerant te deel.
JONGSTE SYFERS
Teen Vrydag het 174 896 mense in die land, oftewel 7% van die bevolking, 'n eerste dosis entstof ontvang.
Van die persone het 53 455 ook hul opvolgspuit ontvang. Die totaal verteenwoordig steeds net 2% van die bevolking.
Die afgelope week het die inentingsveldtog in feitlik alle streke verdere momentum verloor met voortgesette wisselvalligheid in daaglikse syfers.
Verlede Maandag is byvoorbeeld landwyd meer as 2 600 eerste inentings toegedien; Dinsdag en Woensdag sowat 1 700 en Donderdag 1 900. Vrydag is 1 500 eerste inentings gedoen, maar vyf streke (Kavango-Oos, Kavango-Wes, Kunene, Ohangwena en Omusati) het opnuut nie data vir Vrydag verstrek nie.
Daagliks is verlede week tussen 600 en 800 opvolginentings gedoen.
Van Maandag tot Woensdag is maar net 300 eerste spuite in die Khomasstreek gedoen; Donderdag 400 en Vrydag sowat 250. In die Hardapstreek het die daaglikse syfer van 300 tot 200 verminder.
Donderdag is in Kavango-Oos net 87 eerste inentings gedoen. Op dieselfde dag is net 50 eerste spuite in die Omusatistreek toegedien terwyl die daaglikse aantal eerste inentings in die Oshanastreek van meer as 200 tot 'n raps meer as 100 afgeneem het.
In die Omaheke- en //Kharasstreke is meestal minder as 100 nuwe inentings per dag gedoen.
Die Zambezistreek doen op die meeste dae minder as 30 eerste inentings.
Skielike verhogings in daaglikse syfers verteenwoordig nie noodwendig 'n werklike oplewing in die veldtog nie. Dit is onduidelik of dit die oorsaak is van vertragings in rapportering; moontlik omdat mobiele eenhede se syfers eers later by streekstotale gevoeg word.
In die Erongostreek is byvoorbeeld Vrydag opnuut 241 eerste inentings en 155 tweede inentings gedoen - meer as op enige ander dag die afgelope week.
Vrydag is vir Omaheke 263 eerste spuite en 111 opvolginentings gerapporteer.
Weens ‘n beperkte voorraad AstraZeneca sal tot verdere kennisgewing volgens 'n openbare aankondiging Vrydag net tweede inentings met die entstof gedoen word.
‘n Besending van 75 000 dosisse AstraZeneca het gister op die Internasionale Lughawe Hosea Kutako buite Windhoek gearriveer. Die besending is deur die Nederlandse regering aan Namibië geskenk.
Die ministerie van gesondheid en maatskaplike dienste het Vrydag by monde van sy uitvoerende direkteur, mnr. Ben Nangombe, ‘n beroep gedoen op persone wat hul tweede dosisse moet ontvang om vanaf môre na hul naaste immuniseringspunt te gaan. Volgens hom word meer dosisse van die entstof in die komende maande in die land verwag. Eers dan sal eerste inentings met die entstof volgens die aankondiging hervat.
By aanvanklike navraag was die antwoord egter dat voorkeur aan opvolginentings gegee sal word. Hierdie boodskap is herhaal in gister se bekendmaking van nuwe Covid-19-syfers.
Voorkeur impliseer teoreties dat eerste inentings nie uitgesluit word nie.
Toe entstof in die land begin opraak het, was daar tevore ook verwarring oor beleid.
Die ministerie het gister reeds begin om die nuwe dosisse AstraZeneca na immuniseringspunte te versprei. Agt-en-veertig nuwe immuniseringspunte is gevestig en sluit 14 polisiehoofkwartiere, verskeie mobiele spanne en private geriewe in.
Teen Vrydag het 74 844 persone 'n eerste dosis AstraZeneca ontvang, met net 6 713 wat ook hul opvolgdosis gekry het. Daar was dus toe 68 131 mense wat nog 'n tweede inspuiting moet ontvang. Die nuwe besending is net 6 869 dosisse meer as dit.
Hoewel die land se aanvanklike voorraad AstraZeneca volgens gesondheidsowerhede 'n paar weke gelede reeds uitgeput is, is die entstof nog sporadies hier en daar in die land toegedien. Die afgelope Donderdag is volgens die daaglikse Covid-19-verslag byvoorbeeld 32 dosisse AstraZeneca gebruik; 12 eerste inentings in die Erongostreek en twee eerste inentings, asook 18 opvolgspuite in die Oshikotostreek. Vrydag is nog 24 opvolgdosisse in Oshikoto toegedien.
Ons moedig lesers aan om hul ervarings op voetsoolvlak oor die beskikbaarheid van AstraZeneca met die koerant te deel.
JONGSTE SYFERS
Teen Vrydag het 174 896 mense in die land, oftewel 7% van die bevolking, 'n eerste dosis entstof ontvang.
Van die persone het 53 455 ook hul opvolgspuit ontvang. Die totaal verteenwoordig steeds net 2% van die bevolking.
Die afgelope week het die inentingsveldtog in feitlik alle streke verdere momentum verloor met voortgesette wisselvalligheid in daaglikse syfers.
Verlede Maandag is byvoorbeeld landwyd meer as 2 600 eerste inentings toegedien; Dinsdag en Woensdag sowat 1 700 en Donderdag 1 900. Vrydag is 1 500 eerste inentings gedoen, maar vyf streke (Kavango-Oos, Kavango-Wes, Kunene, Ohangwena en Omusati) het opnuut nie data vir Vrydag verstrek nie.
Daagliks is verlede week tussen 600 en 800 opvolginentings gedoen.
Van Maandag tot Woensdag is maar net 300 eerste spuite in die Khomasstreek gedoen; Donderdag 400 en Vrydag sowat 250. In die Hardapstreek het die daaglikse syfer van 300 tot 200 verminder.
Donderdag is in Kavango-Oos net 87 eerste inentings gedoen. Op dieselfde dag is net 50 eerste spuite in die Omusatistreek toegedien terwyl die daaglikse aantal eerste inentings in die Oshanastreek van meer as 200 tot 'n raps meer as 100 afgeneem het.
In die Omaheke- en //Kharasstreke is meestal minder as 100 nuwe inentings per dag gedoen.
Die Zambezistreek doen op die meeste dae minder as 30 eerste inentings.
Skielike verhogings in daaglikse syfers verteenwoordig nie noodwendig 'n werklike oplewing in die veldtog nie. Dit is onduidelik of dit die oorsaak is van vertragings in rapportering; moontlik omdat mobiele eenhede se syfers eers later by streekstotale gevoeg word.
In die Erongostreek is byvoorbeeld Vrydag opnuut 241 eerste inentings en 155 tweede inentings gedoen - meer as op enige ander dag die afgelope week.
Vrydag is vir Omaheke 263 eerste spuite en 111 opvolginentings gerapporteer.
Kommentaar
Republikein
Geen kommentaar is op hierdie artikel gelaat nie