Nuwe aanstelling by Sportkommissie

Die Namibiese Sportkommissie (NSK) het Maandag vir mnr. Peter Wilson as sy nuwe waarnemende hoofadministrateur aangestel.Wilson volg in die spore van mnr. Walter Haseb wat na sy ou pos as hoof van administrasie en finansies terug keer. In ’n verklaring van die NSK bevestig mnr. Joel Matheus dat Haseb reeds Maandag met sy nuwe pligte begin het.Matheus het in ’n telefoon gesprek aan Nampa gesê dat dié besluit na aanleiding van mediaberigte geneem is om Haseb weer in sy ou pos aan te stel.“Ons het die besluit geneem in die hoop om ons finansiële probleme te probeer oplos. Die watertoevoer na ons kantore was onlangs gestaak en die pensioenfonds is in chaos gedompel. Dus moet Haseb help om die NSK se huis in orde te bring,” het Matheus gesê.Wilson, wat vir die afgelope 20 jaar ’n sportadministrateur was, is op 1 Junie 2016 by die Sportkommissie in die pos as sportkommissaris aangestel. Volgens Matheus is Wilson die geskikte kandidaat om die regte reslultate te verkry.“Wilson beskik oor die nodige vaardighede om positiewe groei in sport te weeg te bring,” het Matheus gesê toe hy gevra is wat Wilson se aanstelling regverdig.Sedert Rusten Mogane in 2013 onseremoniëel as hoofadministrateur bedank het, was dié pos nog nie weer deur ’n permanente aanstelling gevul nie. Harald Fülle, Sivhute Katamba asook Haseb het vir ’n beperkte tydperk in die posisie uitgehelp.Volgens die Sportkommissie sou dié pos reeds in Augustus/September 2016 gevul gewees het, maar in gebrek gebly om enige iets aan die saak te doen. Volgens Matheus is die proses om ’n nuwe aanstelling te bewerkstellig in ’n gevorderde stadium.“Ons het ’n kortlys met drie kandidate opgestel en ons sal binnekort met een van hulle onderhandel. Die persoon wie die pos aanvaar sal die mandaat ontvang om die kommissie behoorlik te bestuur en sy doel na te streef," het Matheus gesê."Ek wil my waardering teenoor mnr. Wilson uitspreek wat die verantwoordelikheid aanvaar het om die NSK op ''n tydelike basis te bestuur. Sy aanstelling sal van krag wees tot die NSK ''n permanente hoofadministrateur aanstel," het Matheus afgesluit.-Nampa/NSK

Nuwe aanstelling by Sportkommissie

Kommentaar

Republikein 2026-01-12

Meld asseblief aan om kommentaar te lewer

Nuwe aanstelling by Sportkommissie

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.