Nust verdedig nuwe VK-aanstelling

Jemima BeukesDie Namibië Universiteit van Wetenskap en Tegnologie se raadsvoorsitter, me. Floretta Nakusera, sê hulle sal die aanstelling van dr. Erold Naomab as nuwe visekanselier (VK) op enige gegewe tydstip kan regverdig.Dít, ondanks die feit dat prof. Frednard Gideon die hoogste punt behaal het met 68,8%, vergeleke met Noamab se 64,5%, tydens die onderhoudsproses.“Aanvanklik het drie uit die raad se vyf gesamentlike soekkomitees dr. Noamab aanbeveel op grond van die vier kriteria van die onderhoudsproses. Die saak is breedvoerig deur die raad bespreek, wat die reg het om die gepaste kandidaat (volgens hulle) aan te stel,” het Nakusera gesê.Hulle het aan die minister van hoër onderwys, tegnologie en vernuwing, dr. Itah Kandjii-Murangi, verduidelik hoe die raad die punte bereken het en Naomab uiteindelik verkies is, het Nakusera bygevoeg. “Daar is niks verdag hieraan nie. Ons staan vir integriteit en wil ons goeie naam beskerm. Ons kan hierdie aanstelling enige tyd verdedig. Ons het aan die minister geskryf om die saak te verduidelik in reaksie op haar brief,” het sy gesê.Nakusera het gesê die prerogatief van die aanstelling berus by die raad.MINISTER SE BRIEFKandjii-Murangi het aan die raad geskryf dat sy verneem het van die bewerings dat Nust se raad deur ’n verkiesingsproses 'n kandidaat vir 'n moontlike aanstelling as visekanselier sou identifiseer.“Na bewering is die verskillende assesseringsuitkomste heeltemal verontagsaam. Dié aantygings, indien waar, is heeltemal onaanvaarbaar en stem nie ooreen met die beginsels van goeie bestuur nie,” het sy geskryf.PUNTETELLINGSDie onderhoudspaneel het dr. Naomab se prestasie as gemiddeld met enkele beperkings aangedui en hom met sekere voorwaardes aanbeveel.Sy resultate dui ook aan dat hy in vier van die vyf kategorieë aan die minimumvereistes voldoen het. Die uitslae van sy integriteitstoetse het egter kommer gewek, aangesien dit kan dui op bereidwilligheid om gevestigde organisasiebeleide en -praktyke te omseil.Die paneel het prof. Gideon se redenasievermoë, krities sowel as algemeen, gelykgestel aan dié van sy eweknieë aangedui.Gideon se uitslae oor sy bevoegdheidspotensiaal dui glo op 'n wenslike vaardigheidsvlak om effektief die pos te vul, terwyl die resultate van sy integriteitstoetse 'n bereidwilligheid aandui om organisasiereëls en toepaslike beleide te volg.Volgens die kwantitatiewe puntetellings – geskoei op die geslote onderhoude – was prof. Gideon ’n voorloper vir die pos, terwyl dr. Naomab die kwantitatiewe puntetellings vir die openbare voorleggings gelei het. - jemima@namibiansun.com

Nust verdedig nuwe VK-aanstelling

Kommentaar

Republikein 2025-11-06

Meld asseblief aan om kommentaar te lewer

Nust verdedig nuwe VK-aanstelling

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.