Nudo gelas eie Fishrot-ondersoek
Nóg 'n opposisieparty het by die koor van kritiek teen die regerende party se hantering van die Fishrot-skandaal aangesluit.
Denver Kisting
Die National Unity Democratic Organisation (Nudo), 'n opposisieparty, sê by monde van sy nasionale voorsitter, mnr. Elia Kandjii, hy koop nie Swapo se weergawe van die Fishrot-sage nie.
Derhalwe, het Kandjii Dinsdagoggend op 'n nuuskonferensie in die hoofstad gesê, Nudo het sy eie ondersoek van stapel gestuur om agter die kap van dié byl oor die beweerde grootskaalse plundering van Namibiese viskwotas te kom.
Hy het op 'n vraag van Republikein oor die regerende party se weergawe gesê: “Ons glo dit nie.”
Dit kom nadat Swapo se president en die staatshoof, pres. Hage Geingob, Sondagmiddag teenoor Namibiërs verklaar het geen enkele Fishrot-pennie het in die regerende party se bankrekeninge beland nie.
Volgens Kandjii is hulle tans besig om met regskenners te beraadslaag en behoort binne enkele weke hul mening oor die aangeleentheid bekend te maak.
Die Nudo-voorsitter het voorts gesê ofskoon hul partypresident, dr. Esther Muinjangue, vroeër vanjaar deur Geingob as die adjunkminister van gesondheid en maatskaplike dienste aangestel is, skeep sy nie haar Nudo-pligte af nie.
Volgens hom loop sy geen van die party se topstruktuur se vergaderings mis nie. “Sy bly 'n toegewyde kader. Sy is die rigtingverskuiwende beampte van die party.”
NUDO NEEM DEEL
Kandjii het Dinsdag gesê Nudo gaan beslis aan die streek- en plaaslikeowerheidsverkiesings later vanjaar deelneem.
Op 'n vergadering van die party se topstruktuur die afgelope Saterdag het hulle ooreengekom alle Nudo-lede wat as kandidate benoem wil word, mag tussen 20 Julie en 20 Augustus aan veldtogte deelneem.
Intussen is mnr. Vetaruhe Kandorozu, die party se streekraadslid vir die Okakarara-kiesafdeling, daaraan skuldig bevind dat hy tydens verlede jaar se presidensiële verkiesing vir dr. Panduleni Itula, 'n onafhanklike kandidaat, voorbrand gemaak het.
Dit terwyl Nudo sy eie presidensiële kandidaat (Muinjangue) gehad het, sê Kandjii.
Kandorozu het met dié gedrag die party se naam onteer, sê Kandjii.
Die party se topstruktuur het gevolglik besluit Kandorozu mag vir die volgende twee jaar nie om enige leierskapsposisies meeding nie.
Kandorozu is ook verbied om hom binne die volgende vyf jaar aan enige soortgelyke oortredings skuldig te maak.
Kandjii het gesê hul tugkode maak voorsiening daarvoor dat lede van die dissiplinêre komitee nie noodwendig uit Nudo-lede hoef te bestaan nie.
Dié komitee word saamgestel uit kundiges, sê hy.
Covid-19-beroep
Kandjii het voorts sy kommer namens Nudo uitgespreek oor die toename in die aantal Covid-19-gevalle in Namibië.
Hy het 'n beroep op die party se lede gedoen om hulle by die noodtoestandregulasies te skaar wat ten doel het om die verspreiding van die pandemie in Namibië hok te slaan.
Volgens hom sal hulle eersdaags ook met strategieë vorendag probeer kom oor hoe om veral die situasie in die episentrum, Walvisbaai, te pak.
– [email protected]
Die National Unity Democratic Organisation (Nudo), 'n opposisieparty, sê by monde van sy nasionale voorsitter, mnr. Elia Kandjii, hy koop nie Swapo se weergawe van die Fishrot-sage nie.
Derhalwe, het Kandjii Dinsdagoggend op 'n nuuskonferensie in die hoofstad gesê, Nudo het sy eie ondersoek van stapel gestuur om agter die kap van dié byl oor die beweerde grootskaalse plundering van Namibiese viskwotas te kom.
Hy het op 'n vraag van Republikein oor die regerende party se weergawe gesê: “Ons glo dit nie.”
Dit kom nadat Swapo se president en die staatshoof, pres. Hage Geingob, Sondagmiddag teenoor Namibiërs verklaar het geen enkele Fishrot-pennie het in die regerende party se bankrekeninge beland nie.
Volgens Kandjii is hulle tans besig om met regskenners te beraadslaag en behoort binne enkele weke hul mening oor die aangeleentheid bekend te maak.
Die Nudo-voorsitter het voorts gesê ofskoon hul partypresident, dr. Esther Muinjangue, vroeër vanjaar deur Geingob as die adjunkminister van gesondheid en maatskaplike dienste aangestel is, skeep sy nie haar Nudo-pligte af nie.
Volgens hom loop sy geen van die party se topstruktuur se vergaderings mis nie. “Sy bly 'n toegewyde kader. Sy is die rigtingverskuiwende beampte van die party.”
NUDO NEEM DEEL
Kandjii het Dinsdag gesê Nudo gaan beslis aan die streek- en plaaslikeowerheidsverkiesings later vanjaar deelneem.
Op 'n vergadering van die party se topstruktuur die afgelope Saterdag het hulle ooreengekom alle Nudo-lede wat as kandidate benoem wil word, mag tussen 20 Julie en 20 Augustus aan veldtogte deelneem.
Intussen is mnr. Vetaruhe Kandorozu, die party se streekraadslid vir die Okakarara-kiesafdeling, daaraan skuldig bevind dat hy tydens verlede jaar se presidensiële verkiesing vir dr. Panduleni Itula, 'n onafhanklike kandidaat, voorbrand gemaak het.
Dit terwyl Nudo sy eie presidensiële kandidaat (Muinjangue) gehad het, sê Kandjii.
Kandorozu het met dié gedrag die party se naam onteer, sê Kandjii.
Die party se topstruktuur het gevolglik besluit Kandorozu mag vir die volgende twee jaar nie om enige leierskapsposisies meeding nie.
Kandorozu is ook verbied om hom binne die volgende vyf jaar aan enige soortgelyke oortredings skuldig te maak.
Kandjii het gesê hul tugkode maak voorsiening daarvoor dat lede van die dissiplinêre komitee nie noodwendig uit Nudo-lede hoef te bestaan nie.
Dié komitee word saamgestel uit kundiges, sê hy.
Covid-19-beroep
Kandjii het voorts sy kommer namens Nudo uitgespreek oor die toename in die aantal Covid-19-gevalle in Namibië.
Hy het 'n beroep op die party se lede gedoen om hulle by die noodtoestandregulasies te skaar wat ten doel het om die verspreiding van die pandemie in Namibië hok te slaan.
Volgens hom sal hulle eersdaags ook met strategieë vorendag probeer kom oor hoe om veral die situasie in die episentrum, Walvisbaai, te pak.
– [email protected]
Kommentaar
Republikein
Geen kommentaar is op hierdie artikel gelaat nie