’NTA moet transfomeer‘
Augetto Graig - Die Namibiese opleidingsowerheid (NTA) se nuwe raadslede is Woensdag deur die minister van hoër onderwys, opleiding en vernuwing, dr. Itah Kandjii-Murangi, bekend gestel.
Die nuwe voorsitter is dr. Raimo Naanda, adjunk- permanente sekretaris van die ministerie.
Ander lede wat namens die regering op dié raad dien, is me. Petrina Ndhidengwa namens die ministerie van arbeid, nywerheidsbetrekkinge en werkskepping en mnr. Michael Mutonga namens die nasionale beplanningskommissie.
Namens die Vakbondkongres van Namibië (Tucna) dien mnr. Matehus Haakuria, terwyl me. Barbara van der Westhuizen die Nasionale Unie van Namibiese Werkers (NUNW) op die NTA-raad sal verteenwoordig.
Die Namibiese Werkgewersfederasie (NEF) word deur mnr. Amon Ngawetene, me. Michelle van Wyk en me. Maryke Krohne verteenwoordig, terwyl me. Eva-Liza Nailenge en mnr. Cornelis Beuke die Namibiese Werkgewersvereniging (NEA) op die NTA-raad verteenwoordig.
By die aankondiging het die minister die werk van die vorige raad, onder die leierskap van mnr. Otto Shikongo, geprys. Volgens Kandjii-Murangi het die vorige raad die NTA op die regte pad van transformasie geplaas.
Dié transformasie behels die verandering van die nasie se persepsie van professionele opleiding.
Die minister sê die verandering is nodig om die land se ekonomie deur middel van klein besighede te verander.
Sy verwag veral dat die nuwe raad met die ontwikkeling van ’n bestuurstelsel sal vorder wat eienaarskap in professionele opleidingsentrums bevorder.
Toegang tot professionele opleiding moet vergemaklik word en in al 14 landstreke beskikbaar wees, sê Kandjii-Murangi.
Die vaardighede van opleiers en bestuur moet verbeter terwyl ’n nasionale kurrikulum ook opgestel moet word.
Die minister vereis beter samewerking met verskeie nywerhede in Namibië, terwyl entrepreneurskapontwikkelingsprogramme voorgestel moet word, sê sy.
Sy is bewus van uitdagings, insluitende ’n tekort aan hulpbronne, ’n tekort aan werkaanhegtingsgeleenthede (??) en veranderinge wat aan die betrokke wet gemaak moet word.
“Dit is dus my wens dat die nuwe raad krities na die transformasieproses moet kyk, in noue samewerking met die ministerie, om te verseker dat die huidige uitdagings aangespreek word,” het sy gesê.
Die nuwe voorsitter is dr. Raimo Naanda, adjunk- permanente sekretaris van die ministerie.
Ander lede wat namens die regering op dié raad dien, is me. Petrina Ndhidengwa namens die ministerie van arbeid, nywerheidsbetrekkinge en werkskepping en mnr. Michael Mutonga namens die nasionale beplanningskommissie.
Namens die Vakbondkongres van Namibië (Tucna) dien mnr. Matehus Haakuria, terwyl me. Barbara van der Westhuizen die Nasionale Unie van Namibiese Werkers (NUNW) op die NTA-raad sal verteenwoordig.
Die Namibiese Werkgewersfederasie (NEF) word deur mnr. Amon Ngawetene, me. Michelle van Wyk en me. Maryke Krohne verteenwoordig, terwyl me. Eva-Liza Nailenge en mnr. Cornelis Beuke die Namibiese Werkgewersvereniging (NEA) op die NTA-raad verteenwoordig.
By die aankondiging het die minister die werk van die vorige raad, onder die leierskap van mnr. Otto Shikongo, geprys. Volgens Kandjii-Murangi het die vorige raad die NTA op die regte pad van transformasie geplaas.
Dié transformasie behels die verandering van die nasie se persepsie van professionele opleiding.
Die minister sê die verandering is nodig om die land se ekonomie deur middel van klein besighede te verander.
Sy verwag veral dat die nuwe raad met die ontwikkeling van ’n bestuurstelsel sal vorder wat eienaarskap in professionele opleidingsentrums bevorder.
Toegang tot professionele opleiding moet vergemaklik word en in al 14 landstreke beskikbaar wees, sê Kandjii-Murangi.
Die vaardighede van opleiers en bestuur moet verbeter terwyl ’n nasionale kurrikulum ook opgestel moet word.
Die minister vereis beter samewerking met verskeie nywerhede in Namibië, terwyl entrepreneurskapontwikkelingsprogramme voorgestel moet word, sê sy.
Sy is bewus van uitdagings, insluitende ’n tekort aan hulpbronne, ’n tekort aan werkaanhegtingsgeleenthede (??) en veranderinge wat aan die betrokke wet gemaak moet word.
“Dit is dus my wens dat die nuwe raad krities na die transformasieproses moet kyk, in noue samewerking met die ministerie, om te verseker dat die huidige uitdagings aangespreek word,” het sy gesê.
Kommentaar
Republikein
Geen kommentaar is op hierdie artikel gelaat nie