NSSU stuur sy beste o.15's na Serwië

Andrew Poolman – ’n Besondere geleentheid vir kompetisie op internasionale vlak lê vir elf baan- en veldatlete van die Namibiese Skolesportunie (NSSU) voor.Die NSSU stuur sy o.15-span na die Internasionale Skolesportfederasie (ISF) se wêreldspele wat van 11 tot 19 September in Serwië se hoofstad Belgrado beslis word.Dit sal die eerste keer wees dat die ISF hierdie multi-sport spele (14 sportkodes) in die o.15-ouderdomsgroep aanbied, wat tevore wel vir die ouer groepe aangebied was, sê die NSSU se nasionale koördineerder, mnr. Sollie Duiker.“Die NSSU sal sy atletiek- en skaakspanne stuur. Ons het sokker ook oorweeg, maar in die huidige omstandighede waarin kontaksport verbied word, kan ons nie ’n span kies of voorberei nie,” sê Duiker.Die koördineerder sê die NSSU se nasionale atletiekkampioenskap wat in April afgehandel is, het as die maatstaf gedien waarvolgens die span gekies is. “Net atlete wat vertonings van minstens 800 punte in enige item gelewer het, is oorweeg, omdat hierdie ’n byeenkoms van internasionale klas is.”Duiker sê die NSSU hoop om borge te kan betrek wat die aansienlike toerkoste van meer as N$20 000 per atleet kan help verlig. Dit sluit die vliegkaartjies en verblyfkoste in, sonder dat sakgeld vir die atlete bygereken is.“Die NSSU ontvang tans nie bystand van die regering vir enige van ons programme behalwe die personeel se salarisse nie. Die NSSU betaal wel die koste van die span se klerasie en die aansoeke vir visums.Volgens Duiker sal die beamptes wat die span vergesel, eers bevestig kan word sodra die skole heropen.Die uitgesoekte NSSU o.15-atlete:• Leané Boshoff (Otjozondjupa, Karstveld Academie) gewigstoot, diskusgooi, 4x100 aflos• Christiaan Burger (Khomas, Windhoek Gimnasium) gewigstoot• Rauno de Carvalho (Hardap) 100 m, 200 m, 4x100 aflos• Jano Erasmus (Otjozondjupa, Edugate) 300 m hekkies, spiesgooi, 4x100 aflos• Epifanio Johannes (Ohangwena) 100 m, 200 m, 4x100 aflos• Waldre Kotze (Khomas, Windhoek Gimnasium) diskusgooi• Anine le Roux (Khomas, Windhoek Affies) 100 m, 90 m hekkies, 4x100 aflos• Liina Nanhele (Erongo) 400 m• Megano Naseb (||Kharas) 100 m, 200 m, 4x100 aflos• Dané van Zyl (Khomas, Windhoek Gimnasium) 90 m hekkies, 300 m hekkies, 4x100 aflos• Zack von Wielligh (Khomas, Windhoek Gimnasium) 100 m hekkies, 300 m hekkies, 4x100 aflos

NSSU stuur sy beste o.15's na Serwië

Kommentaar

Republikein 2026-06-26

Meld asseblief aan om kommentaar te lewer

NSSU stuur sy beste o.15's na Serwië

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.