NSSCO-uitslae beter as in 2016
Nasionale teikens vir skoolprestasie is nie behaal nie, hoewel leerlinge op 2016 se punte verbeter het.
Elvira Hattingh - Hoewel daar verlede jaar meer NSSCO-graad 12’s as in 2016 was wie se punte goed genoeg was vir toelating by tersiêre instellings, kon die teiken van 40% nie behaal word nie.
Tog kan sowat 3,3% of 8 632 méér kandidate as in 2016 vanjaar hul onderrig ná skool voortsit en is die teiken met ’n skrale 0,7% gemis.
Die minister van onderwys, kuns en kultuur, me. Katrina Hanse-Himarwa, het gister tydens ’n nuuskonferensie oor die eksamenuitslae van die Namibiese Nasionale Senior Sekondêre Sertifikaat op gewone vlak (NSSCO), gesê 40,4% voltydse kandidate het vanjaar ’n A+ tot ’n D-simbool behaal, terwyl 20,6% deeltydse kandidate ook dié simbole kon behaal.
Sy het egter haar kommer uitgespreek oor leerlinge se swak prestasie in Engels, juis omdat dit ’n sleutelvak vir toelating tot tersiêre instellings is.
STREKE SE PRESTASIE
Altesaam sewe streke het hoër punte as die nasionale gemiddeld vir Engels behaal. Dit is die ||Kharas-, Hardap-, Khomas-, Omaheke-, Erongo-, Kunene- en Kavango-Oosstreek.
Terselfdertyd het vyf streke ook hoër punte as die nasionale gemiddeld vir wiskunde behaal, naamlik die Ohangwena-, Omusati-, Oshikoto-, Khomas- asook Oshanastreek.
Verder het ses streke beter gevaar as nasionale gemiddeldes in die res van die skoolvakke.
Leerlinge in die Erongostreek het die beste punte in Engels Tweede Taal behaal (74%-gemiddeld), terwyl Ohangwena die kroon dra as dit by wiskunde kom (49,9%-gemiddeld).
Kavango-Oos was die sterkste in fisiese wetenskap (66%-gemiddeld), terwyl Kavango-Wes die beste in beide biologie (41,9%-gemiddeld) en landbou (65,5%-gemiddeld) gevaar het. Die Omusatistreek se leerders het die beste punte in boekhouding behaal.
TOPSKOLE
Die staatskole wat die beste presteer het, is Rukongo Vision School in die Kavango-Oosstreek in die eerste plek, Reverend Juus Shikongo in die Oshikotostreek in die tweede plek, gevolg deur die Hoërskool Negumbo in die Omusatistreek en Hoërskool Delta. Vyfde op die lys is Hoërskool Gabriël Taapopi.
Die topvyf-privaatskole is in die eerste plek St. Boniface College in die Kavango-Oosstreek, St. Paul’s College in die Khomasstreek, Elcin Nkurenkuru in die Kavango-Wesstreek, Swakopmund Private Skool in die Erongostreek en Hoërskool Oshigambo in die Omusatistreek.
Die land se beste individuele vroulike en manlike presteerders was Muupa Kbajani (87,6%) en Paulus Iyambo (86,9%), beide van St. Boniface College.
Altesaam 56 305 kandidate het vir die NSSCO-eksamen ingeskryf. Daarvan was sowat 22 091 voltydse leerlinge en die res was deeltyds.
Hanse-Himarwa het gesê dit is 9,3% méér inskrywings as in 2016, oftewel sowat 4 778 meer as verlede jaar dieselfde tyd. Terselfdertyd het die aantal inskrywings sedert 2015 stelselmatig verhoog.
“Die groeiende getal inskrywings is ’n waarskuwing vir die nasionale beplanners vir onderwys, veral noudat die ministerie moet beplan hoe om van die ou senior sekondêre kurrikulum na die hersiene een oor te skakel. Dit plaas ook groter druk op die administratiewe beheer en koördinasie van nasionale eksamens,” het sy gesê.
Hanse-Himarwa het gesê deeltydse kandidate se prestasie is meer as bevredigend nadat ’n merkbare verbetering in alle kategorieë vir simbole waargeneem is
Sy het gesê 93,7% van voltydse leerlinge het hul graderings behaal, vergeleke met die 93,3% van 2016. Onder deeltydse leerlinge staan die syfer op 81,1%, waar dit die vorige jaar 78,5% was.
NASIONALE TEIKEINS
As dit by die Vyfde Nasionale Onwikkelingsplan (NDP5) kom, is geen teikens behaal nie, maar daar was tog verbeteringe.
Die teiken vir Engels tweede taal was 30%, terwyl leerlinge slegs 29,8% kon behaal. Dit is egter beter as verlede jaar se 28%.
NSSCO-kandidate het swakker as verlede jaar (44,6%) presteer as dit by wiskunde kom en dié persentasie staan op 41,7%, terwyl die teiken 47% was. Dieselfde geld vir fisiese wetenskap, waar die teiken 49% was, maar slegs 46,1% behaal is.
“Ek is bly om ’n positiewe beweging waar te neem as dit by Engels en biologie kom, veral omdat prestasie in die vakke oor die afgelope jare nie bevredigend was nie. Prestasie in fisiese wetenskap bly dieselfde, terwyl ’n klein bietjie swakker in wiskunde en landbou gevaar is,” het sy gesê.
“Dit is ’n aanduiding dat meer gedoen moet word om nasionale teikens te behaal,” het sy gesê.
Die NSSCO-uitslae is vanoggend landswyd bekend gemaak en van vandag af sal skole individuele uitslae aan leerlinge kan gee. Diegene wat hul antwoordstelle weer wil laat merk, moet voor 19 Januarie aansoek doen en NSSCO-sertifikate sal vanaf middel April versprei word.
Tog kan sowat 3,3% of 8 632 méér kandidate as in 2016 vanjaar hul onderrig ná skool voortsit en is die teiken met ’n skrale 0,7% gemis.
Die minister van onderwys, kuns en kultuur, me. Katrina Hanse-Himarwa, het gister tydens ’n nuuskonferensie oor die eksamenuitslae van die Namibiese Nasionale Senior Sekondêre Sertifikaat op gewone vlak (NSSCO), gesê 40,4% voltydse kandidate het vanjaar ’n A+ tot ’n D-simbool behaal, terwyl 20,6% deeltydse kandidate ook dié simbole kon behaal.
Sy het egter haar kommer uitgespreek oor leerlinge se swak prestasie in Engels, juis omdat dit ’n sleutelvak vir toelating tot tersiêre instellings is.
STREKE SE PRESTASIE
Altesaam sewe streke het hoër punte as die nasionale gemiddeld vir Engels behaal. Dit is die ||Kharas-, Hardap-, Khomas-, Omaheke-, Erongo-, Kunene- en Kavango-Oosstreek.
Terselfdertyd het vyf streke ook hoër punte as die nasionale gemiddeld vir wiskunde behaal, naamlik die Ohangwena-, Omusati-, Oshikoto-, Khomas- asook Oshanastreek.
Verder het ses streke beter gevaar as nasionale gemiddeldes in die res van die skoolvakke.
Leerlinge in die Erongostreek het die beste punte in Engels Tweede Taal behaal (74%-gemiddeld), terwyl Ohangwena die kroon dra as dit by wiskunde kom (49,9%-gemiddeld).
Kavango-Oos was die sterkste in fisiese wetenskap (66%-gemiddeld), terwyl Kavango-Wes die beste in beide biologie (41,9%-gemiddeld) en landbou (65,5%-gemiddeld) gevaar het. Die Omusatistreek se leerders het die beste punte in boekhouding behaal.
TOPSKOLE
Die staatskole wat die beste presteer het, is Rukongo Vision School in die Kavango-Oosstreek in die eerste plek, Reverend Juus Shikongo in die Oshikotostreek in die tweede plek, gevolg deur die Hoërskool Negumbo in die Omusatistreek en Hoërskool Delta. Vyfde op die lys is Hoërskool Gabriël Taapopi.
Die topvyf-privaatskole is in die eerste plek St. Boniface College in die Kavango-Oosstreek, St. Paul’s College in die Khomasstreek, Elcin Nkurenkuru in die Kavango-Wesstreek, Swakopmund Private Skool in die Erongostreek en Hoërskool Oshigambo in die Omusatistreek.
Die land se beste individuele vroulike en manlike presteerders was Muupa Kbajani (87,6%) en Paulus Iyambo (86,9%), beide van St. Boniface College.
Altesaam 56 305 kandidate het vir die NSSCO-eksamen ingeskryf. Daarvan was sowat 22 091 voltydse leerlinge en die res was deeltyds.
Hanse-Himarwa het gesê dit is 9,3% méér inskrywings as in 2016, oftewel sowat 4 778 meer as verlede jaar dieselfde tyd. Terselfdertyd het die aantal inskrywings sedert 2015 stelselmatig verhoog.
“Die groeiende getal inskrywings is ’n waarskuwing vir die nasionale beplanners vir onderwys, veral noudat die ministerie moet beplan hoe om van die ou senior sekondêre kurrikulum na die hersiene een oor te skakel. Dit plaas ook groter druk op die administratiewe beheer en koördinasie van nasionale eksamens,” het sy gesê.
Hanse-Himarwa het gesê deeltydse kandidate se prestasie is meer as bevredigend nadat ’n merkbare verbetering in alle kategorieë vir simbole waargeneem is
Sy het gesê 93,7% van voltydse leerlinge het hul graderings behaal, vergeleke met die 93,3% van 2016. Onder deeltydse leerlinge staan die syfer op 81,1%, waar dit die vorige jaar 78,5% was.
NASIONALE TEIKEINS
As dit by die Vyfde Nasionale Onwikkelingsplan (NDP5) kom, is geen teikens behaal nie, maar daar was tog verbeteringe.
Die teiken vir Engels tweede taal was 30%, terwyl leerlinge slegs 29,8% kon behaal. Dit is egter beter as verlede jaar se 28%.
NSSCO-kandidate het swakker as verlede jaar (44,6%) presteer as dit by wiskunde kom en dié persentasie staan op 41,7%, terwyl die teiken 47% was. Dieselfde geld vir fisiese wetenskap, waar die teiken 49% was, maar slegs 46,1% behaal is.
“Ek is bly om ’n positiewe beweging waar te neem as dit by Engels en biologie kom, veral omdat prestasie in die vakke oor die afgelope jare nie bevredigend was nie. Prestasie in fisiese wetenskap bly dieselfde, terwyl ’n klein bietjie swakker in wiskunde en landbou gevaar is,” het sy gesê.
“Dit is ’n aanduiding dat meer gedoen moet word om nasionale teikens te behaal,” het sy gesê.
Die NSSCO-uitslae is vanoggend landswyd bekend gemaak en van vandag af sal skole individuele uitslae aan leerlinge kan gee. Diegene wat hul antwoordstelle weer wil laat merk, moet voor 19 Januarie aansoek doen en NSSCO-sertifikate sal vanaf middel April versprei word.
Kommentaar
Republikein
Geen kommentaar is op hierdie artikel gelaat nie