NRU onthul sy strategiese beplanning
Rugby
Andrew Poolman
Die Namibië Rugby-unie (NRU) het Saterdag aan sy borge en ander belanghebbendes sy strategiese plan vir die Wêreldbeker-siklus van 2020 tot 2023 voorgelê, met groot klem op deeglike en behoorlike bestuur en verantwoording om die sport landwyd te ontwikkel.
Die NRU se visepresident vir bestuursake, mnr. Walter Don, het gesê die beheerliggaam het ses waardes geïdentifiseer as belangrik vir die administrasie van die spel.
Die waardes van integriteit, passie, dissipline, solidariteit en respek was reeds op skrif as deel van die NRU se waardes, maar voortaan word verantwoordbare bestuur as 'n sentrale waarde bygevoeg in alles wat die Unie doen, het Don gesê.
Die NRU is ook besig om sy bestuurstruktuur op te stel wat daarop gerig is om rolle en verantwoordelikhede duideliker uit te spel. Die Namibiese Rugbymaatskappy (NRL) se taak is om borgskappe vir rugbybedrywighede te werf en ressorteer in geheel onder die NRU, met die NRU-raad (saamgestel uit die klubvoorsitters) as die hoogste gesag, terwyl 'n direksie saamgestel sal word om rugbysake op 'n daaglikse grondslag te bedryf.
Een van die NRU se ambisieuse doelwitte is om by die volgende Wêreldbeker in 2023 nie net een nie, maar drie wedstryde te wen en sodoende regstreeks vir die 2027-weergawe te kwalifiseer.
Hierdie beplanning word ook deurgevoer na klubvlak, waar die doelwit gestel word dat elke klub in die premierliga afrigters met minstens Wêreldrugby Vlak 2-kwalifikasies moet hê, asook opgeleide krag- en kondisioneringsafrigters.
“Hier sit en kyk ons al weer vir mekaar ná afloop van 'n Wêreldbekertoernooi waarin die nalatenskap op afrigtersvlak glad nie na wense is nie,” het hy gesê.
Ander strategiese doelwitte sluit in om rugby in alle demografiese groeperings in Namibië te ontwikkel en sodoende talent en kommersiële waarde te maksimaliseer. Die jaarlikse kompetisieprogram word ook hersien, met die verklaarde strewe vir die nasionale span om in meer toetswedstryde betrokke te wees.
Die NRU sal in die komende weke sy toekomsbeplanning aan Wêreldrugby moet voorlê, wat dit as 'n maatstaf sal gebruik vir die vlak van finansiering wat Namibië oor die volgende vier jaar van die wêreldbeheerliggaam sal ontvang.
Don het erken dat die breë beplanning in sommige gevalle nog in meer besonderhede bespreek moet word – “en ons weet detail is waar die duiwel skuil”.
Die vergadering is ook bygewoon deur mnr. Steph Nel as verteenwoordiger van Rugby Afrika en Wêreldrugby. Hy het agterna kortliks gesê dat die gees van die beplanningsvergadering in sekere opsigte die beste is wat hy die afgelope tien jaar in Namibië beleef het.
Nel het ook voelers uitgesteek oor Namibië se bereidwilligheid om Rugby Afrika se volgende o.20-toernooi aan te bied vir die topagt lande wat daarvoor kwalifiseer.
Die NRU-president, mnr. Corrie Mensah, het aangedui dat Namibië definitief belang stel om 'n bod as gasheer vir die toernooi in te dien.
Die Namibië Rugby-unie (NRU) het Saterdag aan sy borge en ander belanghebbendes sy strategiese plan vir die Wêreldbeker-siklus van 2020 tot 2023 voorgelê, met groot klem op deeglike en behoorlike bestuur en verantwoording om die sport landwyd te ontwikkel.
Die NRU se visepresident vir bestuursake, mnr. Walter Don, het gesê die beheerliggaam het ses waardes geïdentifiseer as belangrik vir die administrasie van die spel.
Die waardes van integriteit, passie, dissipline, solidariteit en respek was reeds op skrif as deel van die NRU se waardes, maar voortaan word verantwoordbare bestuur as 'n sentrale waarde bygevoeg in alles wat die Unie doen, het Don gesê.
Die NRU is ook besig om sy bestuurstruktuur op te stel wat daarop gerig is om rolle en verantwoordelikhede duideliker uit te spel. Die Namibiese Rugbymaatskappy (NRL) se taak is om borgskappe vir rugbybedrywighede te werf en ressorteer in geheel onder die NRU, met die NRU-raad (saamgestel uit die klubvoorsitters) as die hoogste gesag, terwyl 'n direksie saamgestel sal word om rugbysake op 'n daaglikse grondslag te bedryf.
Een van die NRU se ambisieuse doelwitte is om by die volgende Wêreldbeker in 2023 nie net een nie, maar drie wedstryde te wen en sodoende regstreeks vir die 2027-weergawe te kwalifiseer.
Hierdie beplanning word ook deurgevoer na klubvlak, waar die doelwit gestel word dat elke klub in die premierliga afrigters met minstens Wêreldrugby Vlak 2-kwalifikasies moet hê, asook opgeleide krag- en kondisioneringsafrigters.
“Hier sit en kyk ons al weer vir mekaar ná afloop van 'n Wêreldbekertoernooi waarin die nalatenskap op afrigtersvlak glad nie na wense is nie,” het hy gesê.
Ander strategiese doelwitte sluit in om rugby in alle demografiese groeperings in Namibië te ontwikkel en sodoende talent en kommersiële waarde te maksimaliseer. Die jaarlikse kompetisieprogram word ook hersien, met die verklaarde strewe vir die nasionale span om in meer toetswedstryde betrokke te wees.
Die NRU sal in die komende weke sy toekomsbeplanning aan Wêreldrugby moet voorlê, wat dit as 'n maatstaf sal gebruik vir die vlak van finansiering wat Namibië oor die volgende vier jaar van die wêreldbeheerliggaam sal ontvang.
Don het erken dat die breë beplanning in sommige gevalle nog in meer besonderhede bespreek moet word – “en ons weet detail is waar die duiwel skuil”.
Die vergadering is ook bygewoon deur mnr. Steph Nel as verteenwoordiger van Rugby Afrika en Wêreldrugby. Hy het agterna kortliks gesê dat die gees van die beplanningsvergadering in sekere opsigte die beste is wat hy die afgelope tien jaar in Namibië beleef het.
Nel het ook voelers uitgesteek oor Namibië se bereidwilligheid om Rugby Afrika se volgende o.20-toernooi aan te bied vir die topagt lande wat daarvoor kwalifiseer.
Die NRU-president, mnr. Corrie Mensah, het aangedui dat Namibië definitief belang stel om 'n bod as gasheer vir die toernooi in te dien.
Kommentaar
Republikein
Geen kommentaar is op hierdie artikel gelaat nie