NRU in wedloop teen tyd
Rugby
Andrew Poolman – Die Namibië Rugby-unie (NRU) se liga-eindstryde sal nie later as komende Saterdag kan geskied nie, maar die NRU se dissiplinêre komitee het 'n moeilike taak om betyds en op regverdige wyse die vraagstuk te ontrafel wat laas week in sy skoot beland het.
Die NRU moes laat Donderdagmiddag noodgedwonge aankondig dat sy premierliga- en reserweliga-eindstryde met 'n week tot eerskomende Saterdag uitgestel word, hangende die ondersoekproses ná klagte wat "een klub teen 'n ander klub" aanhangig gemaak het.
Teen dié tyd is dit 'n ope geheim dat FNB Wanderers in die spervuur is, hoewel geen bevestigde besonderhede nog verkry kon word van die klagte nie. Wanderers se eerste en tweede spanne is veronderstel om in die onderskeie eindstryde teen FNB Unam en FNB Kudus II te speel.
Die NRU-president, mnr. Corrie Mensah, sê klubs het die volste reg (of selfs verantwoordelikheid) om klagte in te dien in geval van ongerymdhede, solank dit binne die tydsduur geskied soos deur die NRU-grondwet bepaal.
Hierna word die klagte aan die beskuldigde gestel, wat op sy beurt drie dae het om hierop te antwoord.
Die volgende stap is dat die dissiplinêre komitee 'n beslissing maak of die saak meriete het om mee voort te gaan en indien wel, hoe die klagstaat geformuleer moet word.
"'n Redelike tyd moet vir die beskuldigde klub se regsverteenwoordiging toegelaat word om hul saak voor te berei."
Mensah sê ondanks die moontlike reperkussies is die NRU nie by magte om die proses te verhaas of buite die riglyne van sy grondwet op te tree nie.
"Daar is ook ander sperdatums met betrekking op die nasionale span se komende toer na Stellenbosch (vir twee toetse in 'n vierhoekige minitoernooi teen Brasilië, Zimbabwe en Kenia).
"Die NRU moet minstens teen 2 November die name van die voorlopige spelersgroep hê om die blokbespreking van die vliegkaartjies te kan doen, voordat die toergroep op 7 November na Stellenbosch vertrek. Om dié rede kan ons nie die klubeindstryd op 'n later datum as 30 Oktober laat speel nie."
Mensah sê dis ook nie regverdig dat die rugbypubliek die NRU-raad van klubpolitiek of ander bymotiewe beskuldig vir die uitstel van die eindstryde nie, wat in die eerste plek nie deur die NRU se toedoen genoodsaak is nie.
"Die NRU moet die proses volg wat deur sy grondwet uiteengesit word en kan nie die saak vooruitloop nie."
– [email protected]
FOTO
FNB Unam II (in rooi) se opponent in komende Saterdag se NRU reserweliga-eindstryd moet eers dié week in die raadsaal bespreek word. Foto Facebook (FNB UNAM Rugby Club)
Die NRU moes laat Donderdagmiddag noodgedwonge aankondig dat sy premierliga- en reserweliga-eindstryde met 'n week tot eerskomende Saterdag uitgestel word, hangende die ondersoekproses ná klagte wat "een klub teen 'n ander klub" aanhangig gemaak het.
Teen dié tyd is dit 'n ope geheim dat FNB Wanderers in die spervuur is, hoewel geen bevestigde besonderhede nog verkry kon word van die klagte nie. Wanderers se eerste en tweede spanne is veronderstel om in die onderskeie eindstryde teen FNB Unam en FNB Kudus II te speel.
Die NRU-president, mnr. Corrie Mensah, sê klubs het die volste reg (of selfs verantwoordelikheid) om klagte in te dien in geval van ongerymdhede, solank dit binne die tydsduur geskied soos deur die NRU-grondwet bepaal.
Hierna word die klagte aan die beskuldigde gestel, wat op sy beurt drie dae het om hierop te antwoord.
Die volgende stap is dat die dissiplinêre komitee 'n beslissing maak of die saak meriete het om mee voort te gaan en indien wel, hoe die klagstaat geformuleer moet word.
"'n Redelike tyd moet vir die beskuldigde klub se regsverteenwoordiging toegelaat word om hul saak voor te berei."
Mensah sê ondanks die moontlike reperkussies is die NRU nie by magte om die proses te verhaas of buite die riglyne van sy grondwet op te tree nie.
"Daar is ook ander sperdatums met betrekking op die nasionale span se komende toer na Stellenbosch (vir twee toetse in 'n vierhoekige minitoernooi teen Brasilië, Zimbabwe en Kenia).
"Die NRU moet minstens teen 2 November die name van die voorlopige spelersgroep hê om die blokbespreking van die vliegkaartjies te kan doen, voordat die toergroep op 7 November na Stellenbosch vertrek. Om dié rede kan ons nie die klubeindstryd op 'n later datum as 30 Oktober laat speel nie."
Mensah sê dis ook nie regverdig dat die rugbypubliek die NRU-raad van klubpolitiek of ander bymotiewe beskuldig vir die uitstel van die eindstryde nie, wat in die eerste plek nie deur die NRU se toedoen genoodsaak is nie.
"Die NRU moet die proses volg wat deur sy grondwet uiteengesit word en kan nie die saak vooruitloop nie."
– [email protected]
FOTO
FNB Unam II (in rooi) se opponent in komende Saterdag se NRU reserweliga-eindstryd moet eers dié week in die raadsaal bespreek word. Foto Facebook (FNB UNAM Rugby Club)
Kommentaar
Republikein
Geen kommentaar is op hierdie artikel gelaat nie