NPL-komitee mag voortgaan

Andrew Poolman - Die sperdatum van 12 Mei waarna gemik was om sokkerwedstryde in die nuwe seisoen van die Namibië Premierliga (NPL) te laat begin, het gekom en gegaan en steeds is daar geen aanduiding wanneer die stilstand van sokkerbedrywighede op 'n einde gaan kom nie.By 'n hoëvlak vergadering laas Sondag het die Namibiese Sportkommissie sy amptelike goedkeuring verleen dat die Namibiese Sokkervereniging (NSV) se ad hoc-komitee die volmag het om die organisering van alle aspekte van die sokkerliga te behartig. Die Sportkommissie het die vergadering byeen geroep om die voortslepende onenigheid oor die pad vorentoe tussen die NSV en die NPL uit te klaar.Die NSV is onder andere deur sy president, mnr. Frans Mbidi, en sekretaris-generaal mnr. Barry Rukoro verteenwoordig, met die Sportkommissie se voorsitter mnr. Joel Matheus, die hoofadministrateur mnr. Simataa Mwiya en nog drie sportkommissarisse ook in die vergadering. Die direkteur van sport, mnr. Sivhute Katamba, was ook aanwesig.“Ná 'n lang byeenkoms van vier ure” het die Sportkommissie die geldigheid erken dat die NSV se vorige tussentydse komitee van sy pligte en magte onthef word. Die mandaat wat die NSV as die sport se nasionale beheerliggaam aan die ad hoc-komitee toegeken het, is deur die Sportkommissie bevestig, het die Kommissie se voorsitter mnr. Joel Matheus gister in 'n nuusverklaring gesê.“Die besluit is deur die wetboek van die NSV en ander relevante inligting ondersteun. Enige vordering op verwante sake sal mettertyd aangekondig word,” lui die verklaring.Kambatuku het gister aan ons susterkoerant Namibian Sun gesê hy weet nog nie wanneer die ligawedstryde sal begin nie en dat die komitee versigtig is om nie roekelose voorspellings in die openbaar te maak nie.Benewens Kambatuku, is die res van die komiteelede mnre. Franco Cosmos, Nana Tjombe, Evaristus Evaristus, Ranga Haikali en Victor Amunyela.

NPL-komitee mag voortgaan

Kommentaar

Republikein 2026-01-12

Meld asseblief aan om kommentaar te lewer

NPL-komitee mag voortgaan

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.