Nou vir die Tara
Dippenaar behaal tweede oorwinning vir 2019
Tielman van Lill
Die Gobabis-motorklub het die afgelope Saterdag sy tweede tydren vir 2019 op dié dorp in die Omahekestreek oor 120 km en nege supersneldele aangebied.
Dié tydren, wat deel van die Namibië Motorsportfederasie (NMSF) se nasionale kampioenkap is, het 15 inskrywings gelok waarvan 14 weggespring het. Met bietjie meer as ’n maand oor voor die 51ste Tara-tydren deur die Windhoek-motorklub aangebied word, het sommige spanne die tweede laaste byeenkoms vir 2019 as ’n oefenlopie gebruik terwyl ander vir oulaas ’n paar nukke uit hul enjins wou toor.
Met die naderende Tara in gedagte het van die span eerder weggebly om hul karre vir die ikoniese tydren te spaar en finale verstellings te maak.
Maar, soos gewoonlik, het die bul uit die beeskontrei sy streke opnuut uitgehaal en net nege van die spanne kon die nege sneldele suksesvol voltooi.
Van die bul se slagoffers in die sedanmotorklas was die algehele voorloper in die kampioenskap, Jaco Redelinghuys, en sy navigator Dries Booysen in sy (S4-klas) 4x4- Gobabis Toyota Yaris S2000 wat net twee van die supersneldele (SS) kon voltooi.
Johan en Joe Oosthuizen (S2), 4x2-Ford Saphire (SS0), Etienne van der Heever en Willy van Wyk (S1), 4x2-Toyota Auris (SS7), DeWet du Plessis en Connan Campbel (S3), 4x2-BMW (SS3), is die ander spanne wat halt moes roep.
In die veldvoertuigafdeling (OR) het Bertie Smit en Dewald Visser met sy OR C-klas 4x2-BSCS V8 Mazda Magnum geseëvier.
Die broers Stefan en Lappies Labuschange is tweede (OR A, 4x4-Gobabis Auto Truck & Trailer V8 Land Rover) terwyl Niekie Swart en NG Swart derde met sy OR E, 4x2-Eastern 1 Stop VW-sandmaster is.
Net Wido Bartch en Raymond Fourie se OR C-klas Safewear 4x2-Ford Courier (SS1) het nie die pyp gerook nie.
Redelinghuys se betroubare S4-Yaris, wat normaalweg soos ’n goed geoliede horlosie tik, het Saterdag vroeg met ’n ketsende enjin gesukkel en daarná het die ratkas gebreek, wat ’n penarie vir team Redco veroorsaak het om die Yaris betyds vir die Tara-tydren gereed te kry.
Allan Martin met sy S4-klas J&P Hydrailics 4x4-VW Polo S2000 is moontlik een van die land se mees entoesiastiese motorsportgeesdriftiges, wat Saterdag van SS2 af sonder ’n koppelaar moes jaag.
Maar dit het Martin nie gekeer om die harde tydren skaars 10 minute stadiger as die wenner te voltooi nie.
Uitslae
Algeheel: 1 (Team PZN) Wilro Dippenaar en Riaan van der Westhuizen met sy S4-klas Shell V-Power 4x4-Toyota Auris S2000 in 1 uur 16 minute en 36 sekondes (1:16:36), 2 (Team J&P Hydraulics) Allan Martin en Maretha Olivier in ’n S4-klas 4x4-VW Polo S2000 in 1:26:56, 3 (Team Das Auto) Hanré en Tara Myburgh met sy S2-klas 4x2-VW Polo in 1:33:43.
Klasoorwinnings
S4: 1 (Team PZN) Wilro Dippenaar en Riaan van der Westhuizen met sy S4-klas Shell V-Power 4x4-Toyota Auris S2000 in 1 uur 16 minute en 36 sekondes (1:16:36), 2 (Team J&P Hydraulics Racing) Allan Martin en Maretha Olivier in ’n S4-klas 4x4-VW Polo S2000 in 1:26:56.
S2: 1 (Team Das Auto) Hanré en Tara Myburgh met sy S2-klas 4x2-VW Polo in 1:33:43.
S1: 1 (Team Kühn-paneelkloppers) Welmie Kühn en René van Wyk met haar 4x2-Toyota RunX in 1:33:52, 2 (Team Mohatu) Pieter Greeff en JP Robinson met sy Sealconsultingengineers 4x2-Toyota Corolla in 1:47:38, 3 (Team J&P Hydraulics Racing) Zachery Martin en Amanda Hugo in sy 4x2-VW Golf met ’n tyd van 2:08:36.
Veldvoertuie
Algeheel: 1 (Team BSCS) Bertie Smit en Dewald Venter met sy V8 OR C-klas 4x2-Mazda Magnum in 1:32:44 wat hom die derde vinnigste deelnemer maak. 2 (Team BFGoodrich Racing) Stefan en Lappies Labuschagne met sy OR A-klas V8 4x4-Land Rover in 1:33:08, 3 (Team Eastern 1 Stop) Niekie en NG Swart in 1:36:19 met sy 4x2-VW-sandmaster.
Die 2019 Total Tara-tydren skop op 21 November buite Swakopmund af en eindig 23 November in Windhoek by die Tony Rust-renbaan.
Die Tara is die laaste byeenkoms van die jaar waar spanne kosbare kampioenskapspunte in die onderskeie afdelings kan verdien.
[email protected]
Die Gobabis-motorklub het die afgelope Saterdag sy tweede tydren vir 2019 op dié dorp in die Omahekestreek oor 120 km en nege supersneldele aangebied.
Dié tydren, wat deel van die Namibië Motorsportfederasie (NMSF) se nasionale kampioenkap is, het 15 inskrywings gelok waarvan 14 weggespring het. Met bietjie meer as ’n maand oor voor die 51ste Tara-tydren deur die Windhoek-motorklub aangebied word, het sommige spanne die tweede laaste byeenkoms vir 2019 as ’n oefenlopie gebruik terwyl ander vir oulaas ’n paar nukke uit hul enjins wou toor.
Met die naderende Tara in gedagte het van die span eerder weggebly om hul karre vir die ikoniese tydren te spaar en finale verstellings te maak.
Maar, soos gewoonlik, het die bul uit die beeskontrei sy streke opnuut uitgehaal en net nege van die spanne kon die nege sneldele suksesvol voltooi.
Van die bul se slagoffers in die sedanmotorklas was die algehele voorloper in die kampioenskap, Jaco Redelinghuys, en sy navigator Dries Booysen in sy (S4-klas) 4x4- Gobabis Toyota Yaris S2000 wat net twee van die supersneldele (SS) kon voltooi.
Johan en Joe Oosthuizen (S2), 4x2-Ford Saphire (SS0), Etienne van der Heever en Willy van Wyk (S1), 4x2-Toyota Auris (SS7), DeWet du Plessis en Connan Campbel (S3), 4x2-BMW (SS3), is die ander spanne wat halt moes roep.
In die veldvoertuigafdeling (OR) het Bertie Smit en Dewald Visser met sy OR C-klas 4x2-BSCS V8 Mazda Magnum geseëvier.
Die broers Stefan en Lappies Labuschange is tweede (OR A, 4x4-Gobabis Auto Truck & Trailer V8 Land Rover) terwyl Niekie Swart en NG Swart derde met sy OR E, 4x2-Eastern 1 Stop VW-sandmaster is.
Net Wido Bartch en Raymond Fourie se OR C-klas Safewear 4x2-Ford Courier (SS1) het nie die pyp gerook nie.
Redelinghuys se betroubare S4-Yaris, wat normaalweg soos ’n goed geoliede horlosie tik, het Saterdag vroeg met ’n ketsende enjin gesukkel en daarná het die ratkas gebreek, wat ’n penarie vir team Redco veroorsaak het om die Yaris betyds vir die Tara-tydren gereed te kry.
Allan Martin met sy S4-klas J&P Hydrailics 4x4-VW Polo S2000 is moontlik een van die land se mees entoesiastiese motorsportgeesdriftiges, wat Saterdag van SS2 af sonder ’n koppelaar moes jaag.
Maar dit het Martin nie gekeer om die harde tydren skaars 10 minute stadiger as die wenner te voltooi nie.
Uitslae
Algeheel: 1 (Team PZN) Wilro Dippenaar en Riaan van der Westhuizen met sy S4-klas Shell V-Power 4x4-Toyota Auris S2000 in 1 uur 16 minute en 36 sekondes (1:16:36), 2 (Team J&P Hydraulics) Allan Martin en Maretha Olivier in ’n S4-klas 4x4-VW Polo S2000 in 1:26:56, 3 (Team Das Auto) Hanré en Tara Myburgh met sy S2-klas 4x2-VW Polo in 1:33:43.
Klasoorwinnings
S4: 1 (Team PZN) Wilro Dippenaar en Riaan van der Westhuizen met sy S4-klas Shell V-Power 4x4-Toyota Auris S2000 in 1 uur 16 minute en 36 sekondes (1:16:36), 2 (Team J&P Hydraulics Racing) Allan Martin en Maretha Olivier in ’n S4-klas 4x4-VW Polo S2000 in 1:26:56.
S2: 1 (Team Das Auto) Hanré en Tara Myburgh met sy S2-klas 4x2-VW Polo in 1:33:43.
S1: 1 (Team Kühn-paneelkloppers) Welmie Kühn en René van Wyk met haar 4x2-Toyota RunX in 1:33:52, 2 (Team Mohatu) Pieter Greeff en JP Robinson met sy Sealconsultingengineers 4x2-Toyota Corolla in 1:47:38, 3 (Team J&P Hydraulics Racing) Zachery Martin en Amanda Hugo in sy 4x2-VW Golf met ’n tyd van 2:08:36.
Veldvoertuie
Algeheel: 1 (Team BSCS) Bertie Smit en Dewald Venter met sy V8 OR C-klas 4x2-Mazda Magnum in 1:32:44 wat hom die derde vinnigste deelnemer maak. 2 (Team BFGoodrich Racing) Stefan en Lappies Labuschagne met sy OR A-klas V8 4x4-Land Rover in 1:33:08, 3 (Team Eastern 1 Stop) Niekie en NG Swart in 1:36:19 met sy 4x2-VW-sandmaster.
Die 2019 Total Tara-tydren skop op 21 November buite Swakopmund af en eindig 23 November in Windhoek by die Tony Rust-renbaan.
Die Tara is die laaste byeenkoms van die jaar waar spanne kosbare kampioenskapspunte in die onderskeie afdelings kan verdien.
[email protected]
Kommentaar
Republikein
Geen kommentaar is op hierdie artikel gelaat nie