Normale tot bonormale reënseisoen glo op pad

Elvira Hattingh - Namibië kan oor die algemeen normale tot bonormale reën tydens die komende seisoen verwag, volgens ‘n seisoenale vooruitskouiing wat so pas deur die Namibië Meteorologiese Diens aan die media uitgereik is.Die meteorologiese diens is ‘n afdeling van die ministerie van werke en vervoer.“In die tydperk tussen Oktober, November en Desember behoort groot dele van die land normale tot bonormale reënneerslae te ontvang, met uitsondering van gebiede soos die suidweste, waar normale tot ondernormale reën mag voorkom. “Bonormale reënneerslae is oor die tydperk waarskynlik in dele van die Otjozondjupa- en Kunene-streek,” lui die vooruitskouiing. Die meteorologiese diens sê dat normale tot bonormale reën ook vanaf Januarie tot in Maart 2021 oor die grootste dele van die land verwag word, met enkele kolle waar normale tot ondernormale reën verwag word - veral in die sentrale westelike dele van die land.Statistiese en dinamiese klimaatsmodelle is ingespan om die waarskynlikheid op bonormale, normale en ondernormale reën in die onderskeie gebiede vir tussen Oktober en Desember en weer vanaf Januarie tot Maart vas te stel.“Ondernormale reën word gedefinieer as neerslae wat vergelyk met die droogste derde van reënrekords wat oor dertig jaar bygehou is (1961 tot 1990, 1971 tot 2000 en weer 1981 tot 2010). “Bonormale reën word definieer as neerslae wat vergelyk met die natste derde van dieselfde reënrekords. “Normale reënverwagtinge val binne die middelste derde, wat rondom die klimatologiese gemiddeld gesentreer is,” word in die vooruitskouiing verduidelik.

Normale tot bonormale reënseisoen glo op pad

Kommentaar

Republikein 2026-08-28

Meld asseblief aan om kommentaar te lewer

Normale tot bonormale reënseisoen glo op pad

Kommentaar

Republikein 2026-08-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.