NOORDERLIG: Onderwyser praat prontuit oor menstruasie

’n Onderwyser het dit sy roeping gemaak – om buite klasverband – stereotipes te bowe te kom wat meisies in kwesbare posisies plaas.

13 October 2021 | Plaaslik
Ester Kamati op Otjiwarongo

Tijaard Uaputauka is ’n voorstander van menstruele gesondheid en higiëne, en hy praat prontuit oor menstruasie, die verleentheid van menstruasie en bloedarmoede.
Uaputauka sê die onderwerp het onder sy aandag gekom toe hy na sy suster se dogter moes omsien.
“Ek het baie tyd saam met haar deurgebring. Ek het baie by haar geleer en besef watter uitdagings sy in die gesig staar.”
As ’n onderwyser het hy gesien hoe leerlinge onder maatskaplike kwessies gebuk gaan, veral armoede en as hulle op ’n jong ouderdom wees gelaat word.
“Hierdie skep baie uitdagings wanneer dit kom by toegang tot en die beskikbaarheid van sanitêre produkte,”sê hy.
Uaputauka, wat voorspraak uit ’n manlike oogpunt maak, het dit ten doel om die stigma en die skande uit die weg te ruim wat baie mense oor menstruasie het deur middel van inklusiewe onderwys. Hy is van mening beide meisies en seuns moet oor die onderwerp opgevoed word.
“Soms as meisies vir die eerste keer menstrueer, gebeur dit by die skool. As ons nie seuns daaroor opvoed nie, sal hulle heel waarskynlik die meisie spot en só die stigmafaktor vererger. Meisies sal ook nie skool toe wil gaan terwyl hulle menstrueer nie, wat dan weer ’n negatiewe impak op die ontwikkeling van die meisie – en mettertyd die land – het.”
Met 16 jaar se ondervinding in onderwys, het Uaputauka kontakte in verskillende streke van die land en kon sy uitreike wyer strek.
Hy takel leemtes in beleide sowel as in die onderwysstelsel.
Uaputauka het saam met ’n paar vennote ’n opvoedkundige strokiesprentboek, “My first period”, oor menstruele gesondheid en higiëne gepubliseer.
Volgens hom is die boekie dusver redelik suksesvol om die leemte in skole se kurrikulum en beskikbare handboeke die hoof te bied, met die klem op higiëne eerder as die biologiese aspekte daaragter.
Die boekie beskryf hoe meisies gedurende “daardie tyd van die maand” vir hulself kan sorg, insluitend dieet, oefening en om aantekeninge van die verloop van daardie maand se menstruasie te maak.
Die inleiding van die boekie handel oor die beskikbaarheid van sanitêre produkte en die keuse daarvan.
“Ons moet keuse-gebaseerde menstruasie bevorder. As een meisie ’n menstruele kelkie wil gebruik en die ander ’n sanitêre doekie, moet dit beskikbaar wees en moet hulle toegang daartoe hê.
ONDERWYSGIDS
Uaputuaka, in samewerking met ’n groep onderwysers wat lewensvaardigheid onderrig, is besig om ’n onderwysersboekie te ontwikkel wat as hulpbrongids kan dien.
Hy het bygevoeg onderwysers bied soms dié vak aan weens interne reëlings en nie noodwendig omdat hulle daarin opgelei is nie.
Die “My first period”-boekie is vir N$30 te koop, waarvan die wins geoormerk is vir die vertaling daarvan in verskillende plaaslike tale sowel as digitale platforms met die hoop dat die inligting meer mense sal bereik.

Soortgelyk

 

Uitstel van eksamens: Integriteit van eksamen, kwalifikasie moet beskerm...

6 ure gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

11 ure gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

1 dag gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

1 dag gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

1 dag gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

1 dag gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

1 dag gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

1 dag gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...

A love for engineering and airplanes

1 dag gelede | Vervoer

Wetumwene Shikage Describing her journey at Fly Namibia, Gabriela Kamaahene says the experience has been surreal. She says the company continuously grows and she...