Noord-Koreane dalk by Spele in Suid-Korea, sê Kim

Noord-Korea se pres. Kim Jong-oen het 'n spreekwoordelike olyftak uitgehou na Suid-Korea deur te sê dat 'n span van sy land moontlik vanjaar aan die Olimpiese Winterspele in Suid-Korea gaan deelneem.Die Noord-Koreaanse diktator het egter in dieselfde asem die VSA gewaarsku dat hy 'n knoppie op sy lessenaar kan druk om kernmissiele af te vuur.Kim het in 'n Nuwejaarsboodskap op die Noord-Koreaanse televisie gesê dat dié land 'n “vredeliewende en 'n verantwoordelike kernmoondheid” is. Hy het gevra dat die militêre spanning op die Koreaanse skiereiland verslap word, en gesê hy hoop dat die betrekkinge tussen sy land en Suid-Korea sal verbeter.Kim het gesê hy oorweeg dit om in Februarie 'n Noord-Koreaanse span na die Spele in Suid-Korea te stuur.“Noord-Korea se deelname sal 'n goeie geleentheid wees om sy nasionale trots te wys. Ons hoop die Spele sal 'n sukses wees.“Amptenare van die twee Koreas kan moontlik binnekort vergader om die moontlikheid (van Noord-Korea se deelname) te bespreek.Organiseerders van die Spele het gesê hulle sal Noord-Korea se deelname verwelkom.Moon Jae-in, Suid-Korea se president, het gesê hul buurland se deelname sal die veiligheid van die Spele verseker. Hy het verlede maand ook voorgestel dat sy land se gesamentlike militêre oefening met die VSA ter wille van die Spele tot later uitgestel word.In die jaar wat verby is, het Noord-Korea verskeie interkontinentale ballistiese missiele afgevuur en ses kragtige kerntoetse geloods.Gevra oor Kim se jongste uitlatings het pres. Donald Trump van Amerika in sy Mar-a-Lago-oord in Florida geantwoord: “Ons sal sien, ons sal sien.”In die jaar wat verby is, het Noord-Korea verskeie interkontinentale ballistiese missiele afgevuur en ses kragtige kerntoetse geloods. Die land se missiele kan nou enige plek in die VSA bereik.Kim het in sy Nuwejaarsboodskap gesê sy land sal vanjaar op die vervaardiging van groot hoeveelhede kernplofpunte en ballistiese missiele konsentreer.Die feit dat hy 'n kernknoppie op sy lessenaar het, is nie 'n dreigement nie maar 'n realiteit, het hy gesê.Volgens hom sal Noord-Korea dié wapens slegs gebruik indien hy bedreig word. – Netwerk24/Reuters

Noord-Koreane dalk by Spele in Suid-Korea, sê Kim

Kommentaar

Republikein 2025-11-05

Meld asseblief aan om kommentaar te lewer

Noord-Koreane dalk by Spele in Suid-Korea, sê Kim

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.