Noord-Korea lanseer missiel oor Japan

In 'n eerste vir Noord-Korea het die land gister 'n ballistiese middelafstandmissiel wat ontwerp is om 'n kernvrag te dra, oor Japan laat vlieg. Die aggressiewe missiellansering – waarskynlik die langste nog vir Noord-Korea - oor 'n gebied met noue bande met Amerika, het 'n duidelik uittartende boodskap gestuur terwyl Washington en Seoel nabygeleë militêre oefeninge doen.Suid-Korea se gesamentlike stafhoofde sê die missiel het ongeveer 2 700 km ver getrek en maksimumhoogte van 550 km bereik terwyl dit oor Japan se noordelike Hokkaido-eiland geseil het. Die afstand en die soort missiel wat getoets is, is oënskynlik ontwerp om te wys dat Noord-Korea sy dreigement gestand kan doen, naamlik dat dit die Amerikaanse gebied Guam kan teiken as dit wou. Terselfdertyd is 'n potensieel gevaarlike presedent geskep waar toekomstige missiele oor Japan afgevuur kan word.Enige nuwe toetse is 'n bron van kommer vir Washington en sy bondgenote omdat dit Noord-Korea oënskynlik 'n stap nader neem aan sy doelwit om 'n arsenaal kernmissiele te hê wat Amerika kan teiken. Noord-Korea het vanjaar missiele teen 'n vinnige tempo getoets. Altesaam 13 toetse is volgens Seoel uitgevoer. Ondertussen het miljoene Japanners gister met onheilspellende teksboodskappe wakker geword waarin hulle gewaarsku is om skuiling te soek toe die Noord-Koreaanse missiel oorhoofs gevlieg het. 'n Treinoperateur het dienste gestaak met die boodskap: “Rede: Ballistiese missiellansering.” Sirenes het in die noordelike gebiede geskal waar die vlugroete van die ballistiese missiel vir twee minute oor Japannese grondgebied gevlieg het voordat dit in die Stille Oseaan geval het.Noord-Korea se lansering in die rigting van Japan, 'n sleutelbondgenoot van Amerika en Korea se voormalige koloniale heerser, verteenwoordig 'n belangrike eskalasie deur Pjongjang te midde van spanning oor die land se wapenambisies.Vir die eerste keer in die mees onlangse ronde van gewapende waagsaamheid deur die Noorde, het dit werklike kommer onder die mense van Japan gewek.By 'n Amerikaanse militêre basis in Tokio het Japan gister 'n Patriot Advanced Capability-3 (PAC-3)-missielverdedigingstelsel as deel van 'n vroeër geskeduleerde dril ontplooi.Die vorige keer wat 'n Noord-Koreaanse vuurpyl oor Japan gevlieg het, was in 2009 toe Pjongjang gesê het dit was 'n satellietlansering. Volgens Washington, Seoel en Tokio was dit 'n skelm toets van 'n interkontinentale ballistiese missiel.– Nampa/AFP

Noord-Korea lanseer missiel oor Japan

Kommentaar

Republikein 2025-05-02

Meld asseblief aan om kommentaar te lewer

Noord-Korea lanseer missiel oor Japan

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie