Noord-Korea heropen blitslyn na Suide
Spanning tussen Amerika en Noord-Korea duur voort ondanks 'n vriendelike gebaar deur Pjongjang teenoor Suid-Korea.
Noord-Korea het gister die direkte foonlyn met Suid-Korea heropen wat lank gesluit was.
Dit volg ure nadat Amerika se pres. Donald Trump die Noord-Koreaanse leier oënskynlik gespot het deur te sê hy het ‘n “groter en kragtiger” kernknop as wat Kim Jong-oen het.
Die Noorde se besluit om die blitslyn op die grens te heropen kom ‘n dag nadat Suid-Korea hoëvlaksamesprekings oor die Noorde se missiel- en kernprogramme voorgestel het.
In Kim se Nuwejaarsboodskap het hy gesê hy is oop vir gesprekke met die Suide en sal dit oorweeg om in Februarie ‘n afvaardiging na die Winter Olimpiese Spele in Pyeongchang in Suid-Korea te stuur.
Amerikaanse amptenare sê hulle sal nie enige gesprekke tussen Pjongjang en Seoel ernstig opneem indien dit nie bydra tot Noord-Korea se kernontwapening nie.
Kim het om 06:30 gister opdrag gegee dat die foonlyn by die Panmunjom-nedersetting heropen word. Suid-Koreaanse amptenare by die grens is telefonies van die besluit in kennis gestel.
Amptenare aan beide kante het die foonlyn getoets en was vir ongeveer 20 minute met mekaar in gesprek, het die Suid-Koreaanse ministerie vir unifikasie aangekondig.
Die gebaar volg ure nadat Trump weer op Twitter die spot met Kim as “Little Rocket Man” gedryf het. “Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works!” het Trump getwiet.
Trump en Kim het die afgelope maande verskeie strydlustige uitlatings uitgeruil wat kommer wêreldwyd gewek het. Trump het onder meer enige kans vir ‘n diplomatieke oplossing uitgesluit en Kim het op sy beurt gedreig om Amerika te vernietig. - Nampa/Reuters
Dit volg ure nadat Amerika se pres. Donald Trump die Noord-Koreaanse leier oënskynlik gespot het deur te sê hy het ‘n “groter en kragtiger” kernknop as wat Kim Jong-oen het.
Die Noorde se besluit om die blitslyn op die grens te heropen kom ‘n dag nadat Suid-Korea hoëvlaksamesprekings oor die Noorde se missiel- en kernprogramme voorgestel het.
In Kim se Nuwejaarsboodskap het hy gesê hy is oop vir gesprekke met die Suide en sal dit oorweeg om in Februarie ‘n afvaardiging na die Winter Olimpiese Spele in Pyeongchang in Suid-Korea te stuur.
Amerikaanse amptenare sê hulle sal nie enige gesprekke tussen Pjongjang en Seoel ernstig opneem indien dit nie bydra tot Noord-Korea se kernontwapening nie.
Kim het om 06:30 gister opdrag gegee dat die foonlyn by die Panmunjom-nedersetting heropen word. Suid-Koreaanse amptenare by die grens is telefonies van die besluit in kennis gestel.
Amptenare aan beide kante het die foonlyn getoets en was vir ongeveer 20 minute met mekaar in gesprek, het die Suid-Koreaanse ministerie vir unifikasie aangekondig.
Die gebaar volg ure nadat Trump weer op Twitter die spot met Kim as “Little Rocket Man” gedryf het. “Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works!” het Trump getwiet.
Trump en Kim het die afgelope maande verskeie strydlustige uitlatings uitgeruil wat kommer wêreldwyd gewek het. Trump het onder meer enige kans vir ‘n diplomatieke oplossing uitgesluit en Kim het op sy beurt gedreig om Amerika te vernietig. - Nampa/Reuters
Kommentaar
Republikein
Geen kommentaar is op hierdie artikel gelaat nie