Noord-Korea brei glo missielfabriek uit

Noord-Korea is besig met uitbreidings aan ’n missielfabriek waar interkontinentale ballistiese kernmissiele gebou word, blyk uit ’n ontleding van satellietfoto’s, berig CNN.Amerikaanse intelligensiedienste het egter reeds voor dié ontleding getwyfel of Noord-Korea werklik bereid is om sy kernwapenprogram te laat vaar.Die Withuis het vroeër gesê Kim Jong-oen, Noord-Korea se leier, het op sy vergadering met pres. Donald Trump in Singapoer onderneem om sy land se kernwapenprogram te laat vaar.Volgens die Middlebury Instituut vir Internasionale Studies (MIIS) wys die foto’s bouwerk aan ’n Noord-Koreaanse aanleg van die weermag se chemiese materiale instituut in Hamhoeng. Dié instituut is bekend daarvoor dat hy soliede koolstofbrandstof vir interkontinentale ballistiese missiele vervaardig.David Schmerler, ’n navorsingsassistent by MIIS, sê dit lyk of die instituut slegs een doel het en dit is om onderdele vir Noord-Korea se missielprogram te vervaardig, berig CNN.BALLISTIESE MISSIELEIn Augustus verlede jaar het Noord-Korea foto’s gepubliseer van Kim wat ’n kunstenaarsvoorstelling van die fabriek bekyk het. Dit was kort nadat Noord-Korea twee interkontinentale ballistiese missiele afgevuur het en in dieselfde maand ook Amerika se grondgebied in Guam bedreig het.MIIS se kundiges meen benewens die Hamhoeng-aanleg het Noord-Korea nog twee ander aanlegte wat dele van die missiele vervaardig, berig die The Wall Street Journal.Schmerler sê die foto’s wys ’n nuwe toegangspad is by die een aanleg gebou, terwyl slopings naby ’n ander aanleg afgehandel is, moontlik vir verdere uitbreidings.Planet Labs Inc. het die satellietfoto’s geneem, berig CNN. – Netwerk24

Noord-Korea brei glo missielfabriek uit

Kommentaar

Republikein 2025-05-02

Meld asseblief aan om kommentaar te lewer

Noord-Korea brei glo missielfabriek uit

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie