Noord-Korea beskuldig VSA dat hy oorlog wil maak
Twee supersoniese vliegtuie is oor die Koreaanse Skiereiland ontplooi in 'n oefening saam met die Suid-Koreaanse lugmag.
Noord-Korea het Amerika gister daarvan beskuldig dat hy die Koreaanse Skiereiland tot op die rand van kernoorlog bring.
Dit volg nadat strategiese Amerikaanse bomwerpers as deel van 'n oefening saam met die Suid-Koreaanse lugmag oor die Koreaanse Skiereiland gevlieg het.
Die twee supersoniese B-1B Lancer-vliegtuie is ontplooi te midde van spanning oor Noord-Korea se vasberadenheid om voort te gaan met sy kern- en missielprogram ten spyte van die Verenigde Nasies (VN) se sanksies teen hom en druk van Amerika.
Die vlug het Maandag plaasgevind, terwyl pres. Donald Trump van Amerika gesê het hy sou dit oorweeg om in toepaslike omstandighede met die Noord-Koreaanse leier Kim Jong-oen te vergader, hoewel Pyongyang gesê het hulle sal moontlik met die kerntoetse voortgaan.
Moon Sang-gyun, woordvoerder vir die ministerie van verdediging in Suid-Korea, het in Seoul gesê Maandag se oefening is gehou om Noord-Korea te ontmoedig om nog 'n kerntoets te doen.
Die Amerikaanse lugmag het in 'n verklaring gesê die vliegtuie het gereis van Guam om aan oefeninge met Suid-Korea en Japan se lugmagte deel te neem.
“Die roekelose militêre optrede het die Koreaanse Skiereiland onnodig nader aan 'n kernoorlog geneem,” het Noord-Korea se KCNA-nuusagentskap gister gesê.
Die spanning loop reeds weke lank hoog op die Skiereiland, weens kommer dat Noord-Korea sy sesde kernwapentoets sal uitvoer ondanks druk van Amerika en China.
Trump sê dit sou 'n “eer” wees om Noord-Korea se leier te ontmoet.
“As dit toepaslik is vir ons om te vergader, sou ek geëerd voel om dit te doen,” het Trump gesê.
Trump het nie aangedui wat die voorwaardes is vir so 'n vergadering nie. Die Withuis het later gesê Noord-Korea sou aan baie voorwaardes moes voldoen voor 'n vergadering oorweeg kan word.
“Dié omstandighede is duidelik nie reg nie. Ek dink ook nie dat dit binnekort sal kan gebeur nie,” sê Sean Spicer, Withuis-woordvoerder.
Trump het verlede week in 'n onderhoud met Nampa/Reuters gewaarsku dat 'n “reusekonflik” met Noord-Korea moontlik is, terwyl China gesê het die probleme op die skiereiland kan toeneem of buite beheer raak.
Om hul mag te wys het Amerika reeds 'n groep vliegdekskepe onder leiding van die USS Carl Vinson na die Koreaanse gebiedswaters gestuur, om deel te neem aan oefeninge met Suid-Korea en Japan.
Noord-Korea het Saterdag 'n toets gedoen om 'n missiel te lanseer, maar dit het binne minute misluk. Dit is hul vierde mislukte lansering sedert Maart, en hulle het twee kerntoetse en 'n reeks missiel-verwante aktiwiteite uitgevoer sedert die begin van 2016.
Noord-Korea is eintlik steeds in oorlog gewikkel met Suid-Korea aangesien hul konflik van 1950 tot 1953 geëindig het in 'n wapenstilstand, en omdat die konflik gereeld dreig om Amerika, Japan en Suid-Korea te verwoes. –Netwerk24/Nampa/Reuters
Dit volg nadat strategiese Amerikaanse bomwerpers as deel van 'n oefening saam met die Suid-Koreaanse lugmag oor die Koreaanse Skiereiland gevlieg het.
Die twee supersoniese B-1B Lancer-vliegtuie is ontplooi te midde van spanning oor Noord-Korea se vasberadenheid om voort te gaan met sy kern- en missielprogram ten spyte van die Verenigde Nasies (VN) se sanksies teen hom en druk van Amerika.
Die vlug het Maandag plaasgevind, terwyl pres. Donald Trump van Amerika gesê het hy sou dit oorweeg om in toepaslike omstandighede met die Noord-Koreaanse leier Kim Jong-oen te vergader, hoewel Pyongyang gesê het hulle sal moontlik met die kerntoetse voortgaan.
Moon Sang-gyun, woordvoerder vir die ministerie van verdediging in Suid-Korea, het in Seoul gesê Maandag se oefening is gehou om Noord-Korea te ontmoedig om nog 'n kerntoets te doen.
Die Amerikaanse lugmag het in 'n verklaring gesê die vliegtuie het gereis van Guam om aan oefeninge met Suid-Korea en Japan se lugmagte deel te neem.
“Die roekelose militêre optrede het die Koreaanse Skiereiland onnodig nader aan 'n kernoorlog geneem,” het Noord-Korea se KCNA-nuusagentskap gister gesê.
Die spanning loop reeds weke lank hoog op die Skiereiland, weens kommer dat Noord-Korea sy sesde kernwapentoets sal uitvoer ondanks druk van Amerika en China.
Trump sê dit sou 'n “eer” wees om Noord-Korea se leier te ontmoet.
“As dit toepaslik is vir ons om te vergader, sou ek geëerd voel om dit te doen,” het Trump gesê.
Trump het nie aangedui wat die voorwaardes is vir so 'n vergadering nie. Die Withuis het later gesê Noord-Korea sou aan baie voorwaardes moes voldoen voor 'n vergadering oorweeg kan word.
“Dié omstandighede is duidelik nie reg nie. Ek dink ook nie dat dit binnekort sal kan gebeur nie,” sê Sean Spicer, Withuis-woordvoerder.
Trump het verlede week in 'n onderhoud met Nampa/Reuters gewaarsku dat 'n “reusekonflik” met Noord-Korea moontlik is, terwyl China gesê het die probleme op die skiereiland kan toeneem of buite beheer raak.
Om hul mag te wys het Amerika reeds 'n groep vliegdekskepe onder leiding van die USS Carl Vinson na die Koreaanse gebiedswaters gestuur, om deel te neem aan oefeninge met Suid-Korea en Japan.
Noord-Korea het Saterdag 'n toets gedoen om 'n missiel te lanseer, maar dit het binne minute misluk. Dit is hul vierde mislukte lansering sedert Maart, en hulle het twee kerntoetse en 'n reeks missiel-verwante aktiwiteite uitgevoer sedert die begin van 2016.
Noord-Korea is eintlik steeds in oorlog gewikkel met Suid-Korea aangesien hul konflik van 1950 tot 1953 geëindig het in 'n wapenstilstand, en omdat die konflik gereeld dreig om Amerika, Japan en Suid-Korea te verwoes. –Netwerk24/Nampa/Reuters
Kommentaar
Republikein
Geen kommentaar is op hierdie artikel gelaat nie