Nood kan 'n goeie leermeester wees

WILHELM EN YOLANDE STEENKAMP SKRYF:As besigheidseienaars van Essenzeit Restaurant op Lüderitz ondersteun ons die wedersydse begrip tussen werkgewers en werknemers waarvoor die hoofartikel, “’n Slegte tyd vir arbeidsoorlog”, in Republikein van 19 Mei 2020 pleit.Voorwaar ‘n stukkie insig wat ons hoop meer mense sal nastreef aan albei kante van die draad ná hierdie pandemie. Graag sou ons ook hoop dat die een-snaar-arbeidkitaar vervang sal word deur ‘n meer-snaar-spelende, effektiewe besigheids- en produktiewe kitaar, waarmee ons dan gemaklik kan veralgemeen word in die openbaar en beslis mee kan spog.Dit kan net gebeur as die werknemers en werkgewer insig en begrip kan deel maak van ons sakekultuur met dieselfde tweedoelige fokus, naamlik: die beste vir die werknemer kan net geskied deur die beste vir die besigheid. As jy een afskiet of bedreig, val albei.Ons kon dalk eerder nou as beter tydspandering aan die volgende begin werk: Die spanbenadering en gepaardgaande opleiding met boustene soos wedersydse respek, motivering, verantwoordelikheid, produktiwiteit, aanspreeklikheid, regverdige vergoeding en dankbaarheid skep wedersydse vertroue/integriteit tussen werkgewer en werknemer, wat trots tot stand bring en kos op elkeen se tafel sit.In ons klein besigheid met 20 werknemers werk dit uitstekend. Dit het gewerk in die mynbou-, onderwys- en vervoeromgewings waarin ons baie jare diens gedoen het en sal oraloor werk. Dit verg net eerlike mense met dieselfde doelwitte; aangedryf deur entoesiasme, harde werk en geloof.Ek weet dit is dalk ‘n te groot bekvol, maar ons kan niks verloor om daaraan te begin werk nie.Dis dalk nie die beste model nie, maar die volgende werk vir ons. Belangrik: Ons klein besigheid is 92% afhanklik van toeriste en ons inkomste op die oomblik is maar 6% van wat dit moet wees, maar ons het nogsteeds nie een werknemer afgelê nie en hoop ons sal nie hoef nie.Ons mense wil geen vakbondverteenwoordiging hê nie (100% het daarteen gestem) en elkeen het sy/haar brief self onderteken vir die ontvangs van slegs 50% van hul salaris, nadat ons as eienaars ons volle salarisse afgestaan het om te help met die salarisrekening. Ons hersien dit elke maand na aanleiding van ons finansiële posisie.Die werknemers sien elke dag elke sent inkomste op ‘n kommunikasiebord en uitgawes en hulle gee ons gereeld waardevolle insette oor “specials” en hoe hulle voel ons moet sake hanteer. Sover het van hulle raad nogal goed gewerk en gelei tot verkope in hierdie moeilike tyd wat ons nooit sou hê nie. Ons is so trots op hulle en natuurlik dankbaar dat hulle vir ons werk.

Nood kan 'n goeie leermeester wees

Kommentaar

Republikein 2026-07-31

Meld asseblief aan om kommentaar te lewer

Nood kan 'n goeie leermeester wees

Kommentaar

Republikein 2026-07-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.