Nog vyf akkerboon-variëteite uit Namibië
Die uitvoerende direkteur van landbou, water en grondhervorming sê dié vyf nuut ontwikkelde gewasse sal binnekort in die Staatskoerant aangeteken en vrygestel word.
Elvira Hattingh
Namibië kan nou nog vyf nuut ontwikkelde akkerboon mutante variëteite agter sy naam skryf, nadat dit reeds met die Nakare-, Bira- en Shindimba-variëteite spog.
Dit volg op 'n 11 jaar lange projek waartydens saad geïnduseerde mutasieteling ondergaan het en by drie plaaslike navorsingstasies getoets is, naamlik by Bagani, Mannheim en Omahanene in die Kavango-Oos-, Oshikoto- en Omusatistreek.
Mnr. Percy Misika, die uitvoerende direkteur van landbou, water en grondhervorming het in 'n mediaverklaring gesê dié gewasse sal binnekort as Namibiese variëteite in die Staatskoerant aangeteken en vrygestel word – sodra die plaaslike benamingsproses voltooi is.
Misika sê die variëteite sal na verwagting 'n groot bydrae tot voedselsekuriteit op beide huishoudelike en nasionale vlak lewer en die ministerie sal seker maak daar is genoeg van die nuwe variëteite beskikbaar vir boerderygemeenskappe oraloor die land.
Misika sê die ministerie het reeds in 2009 in samewerking met die Internasionale Atoomenergie-agentskap (IAEA) 'n navorsingsamewerkingsprojek (genaamd Nam5009) oor geïnduseerde mutasieteling van stapel gestuur.
Die projek het oor drie oesseisoene van 2009-'10 tot 2016-'17 gestrek. Dit is deur die ministerie se direktoraat van landbounavorsing en ontwikkeling (Dard) uitgerol.
“Die hoofdoelwit was om tegnieke vir mutasieteling toe te pas om gewasvariëteite te kweek wat 'n groot oes lewer, vroeg ryp raak en droogte, insek- en siektebestand is,” het hy gesê.
Vir die projek is drie stapelgewasse, naamlik mahangu, sorghum, asook akkerbone aan bestraling met behulp van Gamma-strale blootgestel.
Dit is by die IAEA se Seibersdorf-laboratoriums in Wene, Oostenryk gedoen.
Tydens die proses is sewe akkerboon mutante variëteite gekies. Vyf hiervan is toe na Zimbabwe se Saaddiensinstituut vir toetsing vir onder meer eenvormigheid en stabiliteit gestuur.
Die toetse moet vasstel of die nuwe variëteite van bestaande variëteite in minstens een morfologiese eienskap verskil – hetsy die vegetatiewe, blom- of vooroesstadium.
Die ministerie sê al vyf die variëteite het die toets geslaag.
“'n Volgehoue verhoging in landbouproduksie en produktiwiteite hang in 'n groot mate van die ontwikkeling van nuwe en verbeterde gewasvariëteite en doeltreffende stelsels af.
“Saad is die belangrikste bepaler van die potensiaal van gewasproduksie en die doeltreffendheid van alle ander landbouinsette is afhanklik hiervan,” het Misika gesê.
- [email protected]
Namibië kan nou nog vyf nuut ontwikkelde akkerboon mutante variëteite agter sy naam skryf, nadat dit reeds met die Nakare-, Bira- en Shindimba-variëteite spog.
Dit volg op 'n 11 jaar lange projek waartydens saad geïnduseerde mutasieteling ondergaan het en by drie plaaslike navorsingstasies getoets is, naamlik by Bagani, Mannheim en Omahanene in die Kavango-Oos-, Oshikoto- en Omusatistreek.
Mnr. Percy Misika, die uitvoerende direkteur van landbou, water en grondhervorming het in 'n mediaverklaring gesê dié gewasse sal binnekort as Namibiese variëteite in die Staatskoerant aangeteken en vrygestel word – sodra die plaaslike benamingsproses voltooi is.
Misika sê die variëteite sal na verwagting 'n groot bydrae tot voedselsekuriteit op beide huishoudelike en nasionale vlak lewer en die ministerie sal seker maak daar is genoeg van die nuwe variëteite beskikbaar vir boerderygemeenskappe oraloor die land.
Misika sê die ministerie het reeds in 2009 in samewerking met die Internasionale Atoomenergie-agentskap (IAEA) 'n navorsingsamewerkingsprojek (genaamd Nam5009) oor geïnduseerde mutasieteling van stapel gestuur.
Die projek het oor drie oesseisoene van 2009-'10 tot 2016-'17 gestrek. Dit is deur die ministerie se direktoraat van landbounavorsing en ontwikkeling (Dard) uitgerol.
“Die hoofdoelwit was om tegnieke vir mutasieteling toe te pas om gewasvariëteite te kweek wat 'n groot oes lewer, vroeg ryp raak en droogte, insek- en siektebestand is,” het hy gesê.
Vir die projek is drie stapelgewasse, naamlik mahangu, sorghum, asook akkerbone aan bestraling met behulp van Gamma-strale blootgestel.
Dit is by die IAEA se Seibersdorf-laboratoriums in Wene, Oostenryk gedoen.
Tydens die proses is sewe akkerboon mutante variëteite gekies. Vyf hiervan is toe na Zimbabwe se Saaddiensinstituut vir toetsing vir onder meer eenvormigheid en stabiliteit gestuur.
Die toetse moet vasstel of die nuwe variëteite van bestaande variëteite in minstens een morfologiese eienskap verskil – hetsy die vegetatiewe, blom- of vooroesstadium.
Die ministerie sê al vyf die variëteite het die toets geslaag.
“'n Volgehoue verhoging in landbouproduksie en produktiwiteite hang in 'n groot mate van die ontwikkeling van nuwe en verbeterde gewasvariëteite en doeltreffende stelsels af.
“Saad is die belangrikste bepaler van die potensiaal van gewasproduksie en die doeltreffendheid van alle ander landbouinsette is afhanklik hiervan,” het Misika gesê.
- [email protected]
Kommentaar
Republikein
Geen kommentaar is op hierdie artikel gelaat nie