Nog, vir Des

Ai. Ek sal die gesprekke met Des mis en sy kwinkslae en geen nonsens benadering. 'n Groot leemte word gelaat in die land se joernalistieke kringe. Sterkte aan sy geliefdes! – Izak Smit Ek was, as jong en onervare outjie redelik vars uit universiteit, destyds in 1992 ook iemand op wie oom Des 'n kans gewaag het deur my 'n werk te gee. En hier bevind ek my nou nog steeds in hierdie bedryf. As ek hom nie kan blameer nie skat ek ek moet hom maar bedank, so, dankie oom Des. Dis 'n groot figuur in ons joernalistiek wat nou weg is. – Werner Menges Totsiens Des, en dankie! My heel eerste storie vir 'n koerant het jy my gegee, nogals oor Naas. My baie diplomaties kom sê dat Naas Botha net Naas Botha is en nie mnr. Naas Botha nie. My heel eerste voorblad-“byline” het jy my gegee. "Deur Charmaine Pretorius". Ek onthou dit soos gister. 'n Storie oor die duisende internasionale joernaliste wat oor Namibië se onafhanklikwording sou kom rapporteer. My op my pad gestuur, my 'n skrywer gemaak. Dankie Des! – Charmaine Pretorius Dankie vir 'n insiggewende bydrae tot my lewe. Dit was altyd lekker om Des se stories te lees. Rus in vrede. – Elize PetersenOns innige simpatie en meelewing met sy geliefdes. – Jan en Rita Swanepoel Oom Des, ek salueer jou! – Andre Everts

Nog, vir Des

Kommentaar

Republikein 2026-05-05

Meld asseblief aan om kommentaar te lewer

Nog, vir Des

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.