Nog op variant-toetse gewag
Die ondersoek is nog aan die gang om te bepaal of die Suid-Afrikaanse variant van Covid-19 in Namibië voorkom.
Henriette Lamprecht – Namibië gaan volgens 'n tussentydse Covax-verslag oor die verspreiding van entstowwe in Afrika 127 200 dosisse ontvang.
Die land is geoormerk om AstraZeneca te ontvang, dieselfde entstof waarmee buurland Suid-Afrika voorlopig halt geroep het met sy planne om sy gesondheidswerkers daarmee in te ent.
Laasgenoemde volg nadat 'n klein kliniese proef getoon het dit is nie doeltreffend om ligte tot matige siekte te keer teen die variant wat dominant in Suid-Afrika is nie.
Plaaslik het die minister van gesondheid en maatskaplike dienste, dr. Kalumbi Shangula, by navraag gesê ondersoek is nog in Namibië aan die gang om te bepaal of die Suid-Afrikaanse variant hier voorkom.
Volgens Covax se verslag is alle Afrikalande wat deel van dié toegangsplatform vir entstowwe is, ingelig oor die beraamde aantal dosisse wat deel van die eerste fase van aflewerings vorm. Dié globale inisiatief deur die Wêreldgesondheidsorganisasie (WHO), Gavi (Entstof Alliansie) en die Koalisie vir Innoverings vir die Voorbereidheid vir Epidemies (CEPI) beplan om sowat 90 miljoen Covid-19-entstowwe vandeesmaand te begin verskeep as deel van die vasteland se grootste massa-immuniseringsveldtog ooit. Die uitrol van die AstraZeneca/Oxford AZD1222-entstof is onderhewig aan die lys van noodgebruik deur die WHO.
Volgens die Covax-verslag is die finale verskeping van die entstowwe gebaseer op produksiekapasiteit van vervaardigers en die gereedheid van lande.
Lande soos Namibië moet 'n gefinaliseerde nasionale ontplooiings- en immuniseringsplan voorlê om die entstowwe te ontvang.
Die aanvanklike fase van 90 miljoen entstowwe sal Afrikalande help om 3% van die vasteland se bevolking te immuniseer wat die beskerming die nodigste het. Dit sluit gesondheidswerkers en ander kwesbare groepe in die eerste helfte van 2021 in.
“Namate produksiekapasiteit verhoog en meer entstowwe beskikbaar word, is die doel om ten minste 20% van inwoners in te ent deur tot 600 miljoen dosisse teen die einde van die jaar te verskaf,” lui die verslag.
Ter ondersteuning van Covax het die Afrika-unie 670 miljoen entstowwe vir die vasteland bekom wat vanjaar en aanstaande jaar versprei gaan word namate lande voldoende finansiering het.
Die doel van die tussentydse verspreidingsverslag wat aan lande gestuur is, is om regerings en gesondheidstelsels die inligting te gee wat nodig is om hul nasionale immuniseringsprogramme te beplan.
Dit bevat inligting oor die aanduiding van verspreiding van 240 miljoen dosisse van die AstraZeneca/Oxford-entstof wat by die Serum Instituut van India (SII) gelisensieer is, sowel as die 96 miljoen dosisse van die AstraZeneca/Oxford-entstof wat deel is van die aankoopooreenkoms tussen Gavi en AstraZeneca. Dit het ook 'n oorsig oor die eerste rondte toekenning van die Pfizer-BioNTech-entstof wat reeds op die WHO se Lys vir Noodgebruik is.
Die tussentydse verslag beklemtoon die inligting is nie bindend nie en is onderhewig aan verandering.
Die hoeveelheid dosisse kan ook wissel vanweë beperking op onder meer vervaardiging. Geen dosisse sal toegeken word aan lande wat nie as gereed beskou word nie.
“Die presiese aflewering ná toekenning sal afhang van die volgorde van lande in die verskepingsplan, die tyd wat dit neem om die bestelling vir aankope te plaas, regsverpligtinge sowel as die verskaffer se verwante logistiek,” lui die verslag.
Totale dosisse dek gemiddeld 3% van die totale bevolking van die 145 deelnemende land wat dosisse van ten minste een vervaardiger ontvang.
Dit is in lyn met Covax se doelwit om minstens 3%-bevolkingsdekking in alle lande in die eerste helfte van die jaar te bereik, genoeg om veral gesondheidswerkers te beskerm.
– [email protected]
Die land is geoormerk om AstraZeneca te ontvang, dieselfde entstof waarmee buurland Suid-Afrika voorlopig halt geroep het met sy planne om sy gesondheidswerkers daarmee in te ent.
Laasgenoemde volg nadat 'n klein kliniese proef getoon het dit is nie doeltreffend om ligte tot matige siekte te keer teen die variant wat dominant in Suid-Afrika is nie.
Plaaslik het die minister van gesondheid en maatskaplike dienste, dr. Kalumbi Shangula, by navraag gesê ondersoek is nog in Namibië aan die gang om te bepaal of die Suid-Afrikaanse variant hier voorkom.
Volgens Covax se verslag is alle Afrikalande wat deel van dié toegangsplatform vir entstowwe is, ingelig oor die beraamde aantal dosisse wat deel van die eerste fase van aflewerings vorm. Dié globale inisiatief deur die Wêreldgesondheidsorganisasie (WHO), Gavi (Entstof Alliansie) en die Koalisie vir Innoverings vir die Voorbereidheid vir Epidemies (CEPI) beplan om sowat 90 miljoen Covid-19-entstowwe vandeesmaand te begin verskeep as deel van die vasteland se grootste massa-immuniseringsveldtog ooit. Die uitrol van die AstraZeneca/Oxford AZD1222-entstof is onderhewig aan die lys van noodgebruik deur die WHO.
Volgens die Covax-verslag is die finale verskeping van die entstowwe gebaseer op produksiekapasiteit van vervaardigers en die gereedheid van lande.
Lande soos Namibië moet 'n gefinaliseerde nasionale ontplooiings- en immuniseringsplan voorlê om die entstowwe te ontvang.
Die aanvanklike fase van 90 miljoen entstowwe sal Afrikalande help om 3% van die vasteland se bevolking te immuniseer wat die beskerming die nodigste het. Dit sluit gesondheidswerkers en ander kwesbare groepe in die eerste helfte van 2021 in.
“Namate produksiekapasiteit verhoog en meer entstowwe beskikbaar word, is die doel om ten minste 20% van inwoners in te ent deur tot 600 miljoen dosisse teen die einde van die jaar te verskaf,” lui die verslag.
Ter ondersteuning van Covax het die Afrika-unie 670 miljoen entstowwe vir die vasteland bekom wat vanjaar en aanstaande jaar versprei gaan word namate lande voldoende finansiering het.
Die doel van die tussentydse verspreidingsverslag wat aan lande gestuur is, is om regerings en gesondheidstelsels die inligting te gee wat nodig is om hul nasionale immuniseringsprogramme te beplan.
Dit bevat inligting oor die aanduiding van verspreiding van 240 miljoen dosisse van die AstraZeneca/Oxford-entstof wat by die Serum Instituut van India (SII) gelisensieer is, sowel as die 96 miljoen dosisse van die AstraZeneca/Oxford-entstof wat deel is van die aankoopooreenkoms tussen Gavi en AstraZeneca. Dit het ook 'n oorsig oor die eerste rondte toekenning van die Pfizer-BioNTech-entstof wat reeds op die WHO se Lys vir Noodgebruik is.
Die tussentydse verslag beklemtoon die inligting is nie bindend nie en is onderhewig aan verandering.
Die hoeveelheid dosisse kan ook wissel vanweë beperking op onder meer vervaardiging. Geen dosisse sal toegeken word aan lande wat nie as gereed beskou word nie.
“Die presiese aflewering ná toekenning sal afhang van die volgorde van lande in die verskepingsplan, die tyd wat dit neem om die bestelling vir aankope te plaas, regsverpligtinge sowel as die verskaffer se verwante logistiek,” lui die verslag.
Totale dosisse dek gemiddeld 3% van die totale bevolking van die 145 deelnemende land wat dosisse van ten minste een vervaardiger ontvang.
Dit is in lyn met Covax se doelwit om minstens 3%-bevolkingsdekking in alle lande in die eerste helfte van die jaar te bereik, genoeg om veral gesondheidswerkers te beskerm.
– [email protected]
Kommentaar
Republikein
Geen kommentaar is op hierdie artikel gelaat nie