Nog 'n vermeende geval van Kongokoors aangemeld

Die minister van gesondheid en maatskaplike dienste, dr. Bernard Haufiku, het in die Nasionale Vergadering aangekondig nog 'n persoon wat in die suidooste van die land woon, is Maandag in die staatshospitaal op Gobabis opgeneem met simptome wat dui op Kongokoors. Bloedmonsters is geneem en vir toetse na Suid-Afrika gestuur. Die toetse van bloedmonsters van vier mense wat in die afsonderingseenheid van die sentrale hospitaal in Windhoek opgeneem is, negatief vir Kongokoors getoets.