Nog mense toets positief ná begrafnis op Rehoboth

Nog mense het op Rehoboth positief vir Covid-19 getoets ná 'n begrafnis op die dorp. Veertien nuwe gevalle is op die dorp aangemeld. Vandag is 59 nuwe gevalle aangemeld waarvan 25 in Windhoek, een in Mariental, ses in Oshakati, vier in Onandjokwe, een in Tsumeb, vier in Rundu en een elk in onderskeidelik Walvisbaai, Outjo, Oshikuku en Gobabis aangemeld is.

Dit volg nadat 995 weefselmonsters getoets is en die 59 gevalle 'n positiewe koers van 5,9% is. Nog 213 mense het herstel wat die totaal vir die land op 12 680 te staan bring. Dit sluit in 200 in Khomas, 11 in Hardap en een elk in onderskeidelik Erongo en //Kharas. Die aktiewe gevalle staan tans op 688 waarvan ses in 'n baie ernstige of kritieke toestand is. Dit sluit een baie ernstige en vier kritieke gevalle in Khomas en een baie ernstige geval in Oshana in.

Tot op hede is 141 417 weefselmonsters getoets, die Covid-19-verwante sterftesyfer staan op 138, tans word 2 517 kontakte gemonitor en 414 mense is in kwarantyngeriewe oraloor in die land.