Nog geen brug ná sewe jaar
Die Nasionale Erfenisraad is verantwoordelik vir die herstel of opknapping van die brug aangesien dit 'n nasionale erfenisgebied is.
Tanja Bause – Die vorige houtbrug op Lüderitz wat na die Diaskruis gelei het, is in November 2014 tydens 'n storm verwoes.
Die dorpsraad van Lüderitz en die Nasionale Erfenisraad van Namibië (NHC) het in 2019 ooreengekom dat die dorpsraad 'n kontrakteur sal aanstel en die NHC sal N$2 miljoen vir die bou van 'n nuwe brug bewillig.
Mnr. Reinhardt Ochs, uitvoerende hoof van die dorpsraad, sê hulle het 'n kontrakteur geïdentifiseer.
“Ons het die kontrakteur mondelings ingelig dat hy die werk gekry het en nog voordat ons enige amptelike kontrak geteken het, het die kontrakteur sand en klippe na Diaspunt aangery. Ons het hom opdrag gegee om dit te staak totdat die kontrak geteken is. Hy het gesê hy wou net proaktief wees en het solank al begin. Toe het die Covid-19-pandemie uitgebreek en NHC het die projek geheel en al gestaak.”
NHC is ingelig dat die kontrakteur reeds begin het en tydens 'n vergadering het dit aan die lig gekom 'n ingenieursfirma in Windhoek het hul dienste gratis aangebied vir die konsultasie op die projek, asook as projekbestuurder.
“Hulle, nes die dorpsraad, was ook nie bewus dat die konsultant al uit se eie uit begin het nie.
“Ons sal nou 'n vergadering met al die belanghebbendes moet belê om die kwessies rondom die kontrakteur uit te sorteer sodat ons kan begin bou.”
Volgens Ochs neem die toeriste in die dorp reeds toe en Diaspunt is een van Lüderitz se grootste toeriste-trekpleisters.
“Dis 'n nasionale erfenisgebied en ons hande is dus ongelukkig afgekap. Die dorpsraad mag niks daar doen sonder die toestemming en goedkeuring van die NHC nie.”
Die geld wat die NHC beskikbaar gestel het, is vir die bou van 'n brug, 'n trapleuning na die kruis en die herstel en vervanging van die pilare en kettings bo-op die berg. Die kettings het mettertyd weggeroes en dit is tans nie baie veilig op die berg nie.
PRIVATE INISIATIEF
Die Lüderitz-stigting het in 2012 begin om geld vir die herbou van die brug en herstel van die trappe, trapleuning en kettings in te samel.
In 2015 het hulle reeds planne vir 'n klipbrug ontwerp en die nodige geld hiervoor van verskeie organisasies, maatskappye en private persone ingesamel.
Hulle het in 2018 die trappe herstel en die trapleunings wat uit kettings bestaan het met herwinde plastiek vervang, wat langer sal hou omdat dit nie roes nie.
Hulle is egter aangesê op die herstelwerk en brugplanne te staak, omdat die gebied 'n nasionale erfenisgebied is en hulle nie die nodige toestemming gehad het nie.
Die houtbrug is in 1911 gebou sodat werkers van die vuurtoring veilig oor die getypoel kon beweeg wanneer die gety ingekom het.
Later het die brug aan lede van die publiek toegang tot die Diaskruis verleen wat as nasionale monument verklaar is.
– [email protected]
Die dorpsraad van Lüderitz en die Nasionale Erfenisraad van Namibië (NHC) het in 2019 ooreengekom dat die dorpsraad 'n kontrakteur sal aanstel en die NHC sal N$2 miljoen vir die bou van 'n nuwe brug bewillig.
Mnr. Reinhardt Ochs, uitvoerende hoof van die dorpsraad, sê hulle het 'n kontrakteur geïdentifiseer.
“Ons het die kontrakteur mondelings ingelig dat hy die werk gekry het en nog voordat ons enige amptelike kontrak geteken het, het die kontrakteur sand en klippe na Diaspunt aangery. Ons het hom opdrag gegee om dit te staak totdat die kontrak geteken is. Hy het gesê hy wou net proaktief wees en het solank al begin. Toe het die Covid-19-pandemie uitgebreek en NHC het die projek geheel en al gestaak.”
NHC is ingelig dat die kontrakteur reeds begin het en tydens 'n vergadering het dit aan die lig gekom 'n ingenieursfirma in Windhoek het hul dienste gratis aangebied vir die konsultasie op die projek, asook as projekbestuurder.
“Hulle, nes die dorpsraad, was ook nie bewus dat die konsultant al uit se eie uit begin het nie.
“Ons sal nou 'n vergadering met al die belanghebbendes moet belê om die kwessies rondom die kontrakteur uit te sorteer sodat ons kan begin bou.”
Volgens Ochs neem die toeriste in die dorp reeds toe en Diaspunt is een van Lüderitz se grootste toeriste-trekpleisters.
“Dis 'n nasionale erfenisgebied en ons hande is dus ongelukkig afgekap. Die dorpsraad mag niks daar doen sonder die toestemming en goedkeuring van die NHC nie.”
Die geld wat die NHC beskikbaar gestel het, is vir die bou van 'n brug, 'n trapleuning na die kruis en die herstel en vervanging van die pilare en kettings bo-op die berg. Die kettings het mettertyd weggeroes en dit is tans nie baie veilig op die berg nie.
PRIVATE INISIATIEF
Die Lüderitz-stigting het in 2012 begin om geld vir die herbou van die brug en herstel van die trappe, trapleuning en kettings in te samel.
In 2015 het hulle reeds planne vir 'n klipbrug ontwerp en die nodige geld hiervoor van verskeie organisasies, maatskappye en private persone ingesamel.
Hulle het in 2018 die trappe herstel en die trapleunings wat uit kettings bestaan het met herwinde plastiek vervang, wat langer sal hou omdat dit nie roes nie.
Hulle is egter aangesê op die herstelwerk en brugplanne te staak, omdat die gebied 'n nasionale erfenisgebied is en hulle nie die nodige toestemming gehad het nie.
Die houtbrug is in 1911 gebou sodat werkers van die vuurtoring veilig oor die getypoel kon beweeg wanneer die gety ingekom het.
Later het die brug aan lede van die publiek toegang tot die Diaskruis verleen wat as nasionale monument verklaar is.
– [email protected]
Kommentaar
Republikein
Geen kommentaar is op hierdie artikel gelaat nie