Nog drama ná brand op Walvis
Winkelbestuurder en seun verskyn in die hof
Leandrea Louw op Walvisbaai – Die bestuurder van Magic Discounters, mnr. Martin Cordier en sy seun, Giandré, het Maandag hul eerste verskyning in die landdroshof op Walvisbaai gemaak.
Die duo is vroeër dié dag in hegtenis geneem terwyl 'n brand in die winkel gewoed het.
Klagte van crimen injuria en verset teen 'n polisiebeampte is teen die pa en seun aanhangig gemaak.
Hulle is op borgtog van N$2 000 elk vrygelaat.
Landdros John Sindano het die saak tot 19 Augustus uitgestel vir verdere ondersoek.
Die Cordiers is deur me. Jo-Mari Koekemoer van Eugene Thomas Legal Practitioners verteenwoordig en die staat deur mnr. Fidel Wakundumo.
Die polisie se bevelvoerder van gemeenskapsake in die Erongostreek, insp. Ileni Shapumba, het by navraag bevestig die twee mans is formeel aangekla.
“Hulle is daarvan aangekla dat hulle die uitvoering van polisiepligte belemmer het, asook die oortreding van artikel 16 van die Polisiewet: Die kragdadige betreding van 'n afgesperde gebied sonder die polisiebeamptes se toestemming.”
Voor die struweling was Martin in die afgesperde gebied besig om die brandbestryders en polisiebeamptes op die toneel van water te voorsien en hulp te verleen waar nodig.
Giandré was ook binne die afgebakende gebied, besig om sy pa te help.
Voor hul hofverskyning het Martin gesê 'n polisiebeampte het hulle op 'n kragdadige manier genader.
“Hy het nie eens 'n uniform aangehad of homself as 'n polisiebeampte geïdentifiseer nie. Ons was in die afgesperde gebied vandat ons op die toneel aangekom het. Daar was verskeie ooggetuies.”
Verskeie stemboodskappe, wat elkeen 'n ander verhaal vertel oor wat op die toneel gebeur het, het in die sosiale media die ronde gedoen. Daar was selfs gerugte die twee mans is in hegtenis geneem in verband met brandstigting, wat nie waar is nie.
Shapumba het gesê die polisie ondersoek nog die voorval. “Die oorsaak van die brand is in dié stadium nog onbekend.”
Die Magic Discounters-tak op Walvisbaai het ongeveer 40 mense in diens.
- [email protected]
Die duo is vroeër dié dag in hegtenis geneem terwyl 'n brand in die winkel gewoed het.
Klagte van crimen injuria en verset teen 'n polisiebeampte is teen die pa en seun aanhangig gemaak.
Hulle is op borgtog van N$2 000 elk vrygelaat.
Landdros John Sindano het die saak tot 19 Augustus uitgestel vir verdere ondersoek.
Die Cordiers is deur me. Jo-Mari Koekemoer van Eugene Thomas Legal Practitioners verteenwoordig en die staat deur mnr. Fidel Wakundumo.
Die polisie se bevelvoerder van gemeenskapsake in die Erongostreek, insp. Ileni Shapumba, het by navraag bevestig die twee mans is formeel aangekla.
“Hulle is daarvan aangekla dat hulle die uitvoering van polisiepligte belemmer het, asook die oortreding van artikel 16 van die Polisiewet: Die kragdadige betreding van 'n afgesperde gebied sonder die polisiebeamptes se toestemming.”
Voor die struweling was Martin in die afgesperde gebied besig om die brandbestryders en polisiebeamptes op die toneel van water te voorsien en hulp te verleen waar nodig.
Giandré was ook binne die afgebakende gebied, besig om sy pa te help.
Voor hul hofverskyning het Martin gesê 'n polisiebeampte het hulle op 'n kragdadige manier genader.
“Hy het nie eens 'n uniform aangehad of homself as 'n polisiebeampte geïdentifiseer nie. Ons was in die afgesperde gebied vandat ons op die toneel aangekom het. Daar was verskeie ooggetuies.”
Verskeie stemboodskappe, wat elkeen 'n ander verhaal vertel oor wat op die toneel gebeur het, het in die sosiale media die ronde gedoen. Daar was selfs gerugte die twee mans is in hegtenis geneem in verband met brandstigting, wat nie waar is nie.
Shapumba het gesê die polisie ondersoek nog die voorval. “Die oorsaak van die brand is in dié stadium nog onbekend.”
Die Magic Discounters-tak op Walvisbaai het ongeveer 40 mense in diens.
- [email protected]
Kommentaar
Republikein
Geen kommentaar is op hierdie artikel gelaat nie