Nog akters wag in dié drama
Met gister se vonnisoplegging het die korrupsieskandaal waarby Katrina Hanse-Himarwa betrek is in die reg voorlopig sy slotsom bereik.
Buiten vir moontlikhede dat die staat en/of Hanse-Himarwa appèl kan aanteken, kan die gordyn nog nie heeltemal in dié drama toegetrek word nie.
Tydens Swapo se kieskollege kan daar gevolge vir die voormalige goewerneur en minister se posisie op die regering se gewildheidsrangleer wees. As sy net so sterk soos tevore staan, sal dit 'n boodskap van sy eie stuur.
Lede van die publiek sal altoos in 'n demokratiese bestel verskillende menings oor 'n vonnis huldig. Vir sommige sal die straf altyd te lig wees en vir ander te swaar.
Regter Christie Liebenberg het soos in sy uitspraak met gister se vonnisoplegging duidelik uitgestippel presies watter faktore die hof alles moes oorweeg. Beide uitsprake was oorwoë, gebalanseerde dog streng en uitstekend gemotiveer. Beide hofstukke sal waarskynlik belangrike regsgesagte word.
'n Onbetaalbaar hoë boete – een wat Hanse-Himarwa in 'n tronksel sou indwíng – kan 'n vonnis se regverdigheid ondergrawe.
Belangrike geskiedenis is in die vervolging van korrupsie gemaak. Weer moet herhaal word dat steeds meer suksesvolle vervolgings belangrik is.
Gister se verrigtinge is regstreeks deur verskeie media-instellings gebeeldsend. Dit speel 'n belangrike rol om te wys hoe, asook dat geregtigheid geskied en om inwoners oor die werking van die regstelsel op te voed.
So sê ander
31 Julie 2019
Beeld, Die Burger en Volksblad sê
Weer eens is Kaapstad en Suid-Afrika se beeld as toerismebestemming geknou deur die naweek se noodlottige aanval op 'n toeris van die Oekraïne wat in die Tafelberg Nasionale Park gaan stap het.
Terwyl betroubare statistieke oor misdaad op Tafelberg moeilik is om te bekom, wil dit volgens beskikbare inligting lyk asof aanvalle meer gewelddadig word en selfs stappers wat in groepe beweeg, slagoffers word.
Dié natuurwonder lok jaarliks tienduisende besoekers, maar solank die aanvalle op Tafelberg voortgaan, sal sy ware potensiaal as toeriste-aantreklikheid nie behoorlik verwesenlik word nie.
Elke nou en dan, veral ná 'n reeks aanvalle, hoor 'n mens van 'n nuwe inisiatief – meer wagte met verkykers, meer wagte met honde, veiligheidskameras, ensovoorts – om die berg te beveilig. Maar word dit ooit deurlopend en streng toegepas? Word daar met 'n duidelike doelwit en strategie gewerk om die probleem in bedwang te bring?
Alle rolspelers moet hul deel bydra, koppe bymekaarsit en met 'n langtermynplan vorendag kom om dié natuurwonder terug te eis vir die stad, sy mense en toeriste van oor die land en die wêreld heen.
Die berg behoort aan óns – nie aan misdadigers nie.• NETWERK24
Buiten vir moontlikhede dat die staat en/of Hanse-Himarwa appèl kan aanteken, kan die gordyn nog nie heeltemal in dié drama toegetrek word nie.
Tydens Swapo se kieskollege kan daar gevolge vir die voormalige goewerneur en minister se posisie op die regering se gewildheidsrangleer wees. As sy net so sterk soos tevore staan, sal dit 'n boodskap van sy eie stuur.
Lede van die publiek sal altoos in 'n demokratiese bestel verskillende menings oor 'n vonnis huldig. Vir sommige sal die straf altyd te lig wees en vir ander te swaar.
Regter Christie Liebenberg het soos in sy uitspraak met gister se vonnisoplegging duidelik uitgestippel presies watter faktore die hof alles moes oorweeg. Beide uitsprake was oorwoë, gebalanseerde dog streng en uitstekend gemotiveer. Beide hofstukke sal waarskynlik belangrike regsgesagte word.
'n Onbetaalbaar hoë boete – een wat Hanse-Himarwa in 'n tronksel sou indwíng – kan 'n vonnis se regverdigheid ondergrawe.
Belangrike geskiedenis is in die vervolging van korrupsie gemaak. Weer moet herhaal word dat steeds meer suksesvolle vervolgings belangrik is.
Gister se verrigtinge is regstreeks deur verskeie media-instellings gebeeldsend. Dit speel 'n belangrike rol om te wys hoe, asook dat geregtigheid geskied en om inwoners oor die werking van die regstelsel op te voed.
So sê ander
31 Julie 2019
Beeld, Die Burger en Volksblad sê
Weer eens is Kaapstad en Suid-Afrika se beeld as toerismebestemming geknou deur die naweek se noodlottige aanval op 'n toeris van die Oekraïne wat in die Tafelberg Nasionale Park gaan stap het.
Terwyl betroubare statistieke oor misdaad op Tafelberg moeilik is om te bekom, wil dit volgens beskikbare inligting lyk asof aanvalle meer gewelddadig word en selfs stappers wat in groepe beweeg, slagoffers word.
Dié natuurwonder lok jaarliks tienduisende besoekers, maar solank die aanvalle op Tafelberg voortgaan, sal sy ware potensiaal as toeriste-aantreklikheid nie behoorlik verwesenlik word nie.
Elke nou en dan, veral ná 'n reeks aanvalle, hoor 'n mens van 'n nuwe inisiatief – meer wagte met verkykers, meer wagte met honde, veiligheidskameras, ensovoorts – om die berg te beveilig. Maar word dit ooit deurlopend en streng toegepas? Word daar met 'n duidelike doelwit en strategie gewerk om die probleem in bedwang te bring?
Alle rolspelers moet hul deel bydra, koppe bymekaarsit en met 'n langtermynplan vorendag kom om dié natuurwonder terug te eis vir die stad, sy mense en toeriste van oor die land en die wêreld heen.
Die berg behoort aan óns – nie aan misdadigers nie.• NETWERK24
Kommentaar
Republikein
Geen kommentaar is op hierdie artikel gelaat nie