Noble en Azhar: Saak goed op dreef
Die verhoor van twee mans wat vermoedelik die eienaars is van 'n vraghouer met dwelms wat in 2018 by die Walvisbaaise hawe gekonfiskeer is, het dié week hervat.
Kristien Kruger
In die verhoor van twee vermeende dwelmsmouse, het ses staatsgetuies Maandag in die hoërhof in Windhoek getuig.
Mnre. Grant Noble en Dinah Azhar staan tereg op aanklagte van dwelmhandel, die besit van dwelms en geldwassery, omdat hulle na bewering sowat 412 kilogram kokaïen – met 'n geraamde straatwaarde van N$206 miljoen – vanaf Brasilië na Walvisbaai in 'n vraghouer vervoer het.
Die vraghouer wat aan die twee se gesamentlike onderneming behoort het, is op die Walvisbaaise hawe deursoek waartydens die kokaïen gevind en die mans in hegtenis geneem is.
Albei het aan die begin van die verhoor onskuldig gepleit.
FOTO'S VAN MISDAADTONEEL
Speursersant Ismael Murorua van die Namibiese polisie se misdaadtoneeleenheid is een van die getuies wat Maandag die getuienisbank ingeneem het.
Volgens sy getuienis is hy versoek om na die misdaadtoneel te gaan nadat die polisie en hawepersoneel die vraghouer deursoek en die kokaïen gevind het. Hy moes foto's van die toneel neem, asook van die bewysstukke wat die polisie gevind het.
Die fotoplan wat deur Murorua saamgestel is, is bespreek en as bewysstuk by die hof ingedien.
Noble en Azhar se regsverteenwoordiger, mnr. Sisa Namandje, betwis die wettigheid om die vraghouer te deursoek.
Hoewel Murorua tydens sy getuienis gesê het hy was nie teenwoordig toe die polisie die vraghouer deursoek het nie, het Namandje tydens kruisondervraging vasgestel Murorua was teenwoordig toe die polisie geseëlde bokse oopgemaak en die items wat daarin was, in forensiese sakke gesit het.
“Dit wil voorkom asof jy wil vermy om te sê die polisie het die beskuldigdes se goed deursoek,” het Namandje gesê.
Murorua het getuig hy was nie teenwoordig toe die seël op die vraghouer gebreek en die vraghouer deursoek is nie.
Die fotoplan het 'n foto van die gebreekte seël bevat.
“Dus het die polisie vir jou gewys wat hulle gevind het en vir jou gesê wat jy moet afneem?” het Namandje gesê, waarop Murorua “ja” geantwoord het.
Volgens Namandje is dit die fotograaf se plig om die toneel objektief af te neem, sodat die foto's in die hof gebruik kan word om die gebeure en die toneel uit te beeld.
ANDER GETUIES
Die kommissaris en adjunkdirekteur van doeane en aksyns het getuig, asook 'n verteenwoordiger van Mediterranean Shipping, mnr. Andrea Juan Strydom.
Strydom was betrokke by die dokumentasie vir die vraghouer se seël en hoewel die polisie verskeie soortgelyke seëls, soos die een op die vraghouer, binne die vraghouer gevind het, het hy getuig daar moet slegs een seël per vraghouer wees.
Hy kon nie verklaar hoekom daar meer as een was nie.
Azhar is tydens die verhoor op 15 September borgtog toegestaan. Hy het N$10 000 betaal en woon nou in Langstrand. Noble bly in aanhouding. Die verhoor duur voort. - [email protected]
In die verhoor van twee vermeende dwelmsmouse, het ses staatsgetuies Maandag in die hoërhof in Windhoek getuig.
Mnre. Grant Noble en Dinah Azhar staan tereg op aanklagte van dwelmhandel, die besit van dwelms en geldwassery, omdat hulle na bewering sowat 412 kilogram kokaïen – met 'n geraamde straatwaarde van N$206 miljoen – vanaf Brasilië na Walvisbaai in 'n vraghouer vervoer het.
Die vraghouer wat aan die twee se gesamentlike onderneming behoort het, is op die Walvisbaaise hawe deursoek waartydens die kokaïen gevind en die mans in hegtenis geneem is.
Albei het aan die begin van die verhoor onskuldig gepleit.
FOTO'S VAN MISDAADTONEEL
Speursersant Ismael Murorua van die Namibiese polisie se misdaadtoneeleenheid is een van die getuies wat Maandag die getuienisbank ingeneem het.
Volgens sy getuienis is hy versoek om na die misdaadtoneel te gaan nadat die polisie en hawepersoneel die vraghouer deursoek en die kokaïen gevind het. Hy moes foto's van die toneel neem, asook van die bewysstukke wat die polisie gevind het.
Die fotoplan wat deur Murorua saamgestel is, is bespreek en as bewysstuk by die hof ingedien.
Noble en Azhar se regsverteenwoordiger, mnr. Sisa Namandje, betwis die wettigheid om die vraghouer te deursoek.
Hoewel Murorua tydens sy getuienis gesê het hy was nie teenwoordig toe die polisie die vraghouer deursoek het nie, het Namandje tydens kruisondervraging vasgestel Murorua was teenwoordig toe die polisie geseëlde bokse oopgemaak en die items wat daarin was, in forensiese sakke gesit het.
“Dit wil voorkom asof jy wil vermy om te sê die polisie het die beskuldigdes se goed deursoek,” het Namandje gesê.
Murorua het getuig hy was nie teenwoordig toe die seël op die vraghouer gebreek en die vraghouer deursoek is nie.
Die fotoplan het 'n foto van die gebreekte seël bevat.
“Dus het die polisie vir jou gewys wat hulle gevind het en vir jou gesê wat jy moet afneem?” het Namandje gesê, waarop Murorua “ja” geantwoord het.
Volgens Namandje is dit die fotograaf se plig om die toneel objektief af te neem, sodat die foto's in die hof gebruik kan word om die gebeure en die toneel uit te beeld.
ANDER GETUIES
Die kommissaris en adjunkdirekteur van doeane en aksyns het getuig, asook 'n verteenwoordiger van Mediterranean Shipping, mnr. Andrea Juan Strydom.
Strydom was betrokke by die dokumentasie vir die vraghouer se seël en hoewel die polisie verskeie soortgelyke seëls, soos die een op die vraghouer, binne die vraghouer gevind het, het hy getuig daar moet slegs een seël per vraghouer wees.
Hy kon nie verklaar hoekom daar meer as een was nie.
Azhar is tydens die verhoor op 15 September borgtog toegestaan. Hy het N$10 000 betaal en woon nou in Langstrand. Noble bly in aanhouding. Die verhoor duur voort. - [email protected]
Kommentaar
Republikein
Geen kommentaar is op hierdie artikel gelaat nie