NMH in pienk getooi vir borskankerbewustheid

Om Oktober as borskankerbewustheidsmaand af te sluit, sal Namibia Media Holdings (NMH) en ander bondgenote in die stryd teen dié siekte môre die strate invaar om geld vir die Kankervereniging van Namibië (CAN) in te samel.Motoriste word aangemoedig om môreoggend kleingeld byderhand te hou en hul ondersteuning te wys by die kruisings oorkant Sam's Hobbies and Toys, Schoemans Office Systems en by die aansluiting van Robert Mugabeweg en Heliodoorstraat.NMH is ’n jarelange bondgenoot van plaaslike inisiatiewe wat daarop gemik is om Namibiërs by te staan en in te lig oor kwessies rakende gesondheid, onderwys en maatskaplike ontwikkeling. NMH het vanjaar weer eens sy onwrikbare toewyding aan die Kankervereniging getoon met die jaarlikse Pienk Dag en Borskankerbewustheidsmaand.“Ons erken die ongelooflike werk wat CAN en sy belanghebbendes doen om diegene te help wat ‘n stryd teen kanker voer,” het me. Carmen Stenger, die verkoops- en bemarkingsbestuurder by Synergi, NMH se nuwe bemarkingsafdeling, gesê.Benewens NMH se jaarlikse Pienk Dag-voorblaaie wat daarop gemik is om bewustheid oor borskanker te skep, het die mediahuis ook ‘n daadwerklike poging aangewend om geld in te samel om die Kankervereniging met sy belangrike werk te ondersteun.“Ons is bewus van CAN se geweldige behoefte aan hulpbronne en ondersteuning, en het dit dus op ons geneem om te help deur verskeie fondsinsamelings en bewusmakingsinisiatiewe van stapel te stuur. Met die verkoop van veters het ons meer as N$4 000 ingesamel, en ons Pienk Strikkie-inisitief waarby ons ons kliënte betrek het deur ‘n pienk strikkie by hul advertensies te voeg teen N$100 per dag, wat NMH dan met nog N$100 sou aanvul, was alles ten bate van die Kankervereniging,” het Stenger bygevoeg.Om ’n beter idee te kry van die werksaamhede van die Kankervereniging te kry en hoe jý lewens kan verander deur aan te sluit by die stryd teen kanker in Namibië, besoek: www.can.org.na of www.facebook.com/CANamibia/Foto van NMH se hoofkantoor: Richard Botha

NMH in pienk getooi vir borskankerbewustheid

Kommentaar

Republikein 2025-05-26

Meld asseblief aan om kommentaar te lewer

NMH in pienk getooi vir borskankerbewustheid

Kommentaar

Republikein 2025-05-26

Meld asseblief aan om kommentaar te lewer

MELD AAN

Advertensie