NLU bespreek misdaad met polisiebaas
Die hoof van die polisie het aan 'n NLU-afvaardiging gesê hy aanvaar volle verantwoordelikheid vir die handhawing van wet en orde.
Die polisie oorweeg dit om 'n spesiale eenheid in die lewe te roep om die toename in wild- en veediefstal hok te slaan.
Dít het aan die lig gekom tydens 'n besoek verlede week deur 'n afvaardiging van die Namibië Landbou-unie (NLU) aan die inspekteur-generaal van die Namibiese polisie, lt.genl. Sebastian Ndeitunga.
Die NLU sê in sy weeklikse nuusbrief die voorsitter van die Gesamentlike Misdaadvoorkomingsforum (JCPF), mnr. Frikkie Engels, die uitvoerende bestuurder van die NLU, mnr. Sakkie Coetzee, en mnr. Richard Becker van die ||Kharas-misdaadvoorkomingsforum het Ndeitunga, bygestaan deur van sy senior offisiere, verlede week besoek. Die toename in misdaad en veral vee- en wilddiefstal, die aanstelling van reserviste, samewerking met die polisie en die probleem van diere in padreserwes was op die agenda.
Die ontmoeting is gereël na aanleiding van die laaste notule van die JCPF asook 'n verslag wat deur Becker ingedien is oor die gebeure in die ||Kharasstreek.
Volgens die NLU het Ndeitunga volle verantwoordelikheid aanvaar vir die handhawing van wet en orde en gesê vee- en wilddiefstal is 'n prioriteit vir die polisie.
Volgens die polisiebaas word daar selfs gekyk na spesiale eenhede om hierdie toenemende misdaad hok te slaan.
Soos die res van die staatsdiens is die polisie onder begrotingsdruk, hoewel Ndeitunga dit nie as 'n verskoning voorhou nie. Luidens die nuusbrief het hy ook beklemtoon samewerking met die onderskeie misdaadvoorkomingsforums en die publiek is onontbeerlik om hierdie probleem suksesvol te takel.
Wat die gesloer met die aanstelling van reserviste betref, het Ndeitunga baie duidelike riglyne neergelê oor die prosedure wat gevolg moet word om dit te doen.
Dit blyk daar is geen rede vir vertragings in dié verband nie, sê die NLU.
Die polisie beplan om werkwinkels te hou waar die samewerking en magte van reserviste struktureel gevestig sal word. Sodra die reëlings hiervoor getref is, sal die JCPF en die NLU 'n uitnodiging ontvang en afgevaardigdes nomineer om dit by te woon.
Dít het aan die lig gekom tydens 'n besoek verlede week deur 'n afvaardiging van die Namibië Landbou-unie (NLU) aan die inspekteur-generaal van die Namibiese polisie, lt.genl. Sebastian Ndeitunga.
Die NLU sê in sy weeklikse nuusbrief die voorsitter van die Gesamentlike Misdaadvoorkomingsforum (JCPF), mnr. Frikkie Engels, die uitvoerende bestuurder van die NLU, mnr. Sakkie Coetzee, en mnr. Richard Becker van die ||Kharas-misdaadvoorkomingsforum het Ndeitunga, bygestaan deur van sy senior offisiere, verlede week besoek. Die toename in misdaad en veral vee- en wilddiefstal, die aanstelling van reserviste, samewerking met die polisie en die probleem van diere in padreserwes was op die agenda.
Die ontmoeting is gereël na aanleiding van die laaste notule van die JCPF asook 'n verslag wat deur Becker ingedien is oor die gebeure in die ||Kharasstreek.
Volgens die NLU het Ndeitunga volle verantwoordelikheid aanvaar vir die handhawing van wet en orde en gesê vee- en wilddiefstal is 'n prioriteit vir die polisie.
Volgens die polisiebaas word daar selfs gekyk na spesiale eenhede om hierdie toenemende misdaad hok te slaan.
Soos die res van die staatsdiens is die polisie onder begrotingsdruk, hoewel Ndeitunga dit nie as 'n verskoning voorhou nie. Luidens die nuusbrief het hy ook beklemtoon samewerking met die onderskeie misdaadvoorkomingsforums en die publiek is onontbeerlik om hierdie probleem suksesvol te takel.
Wat die gesloer met die aanstelling van reserviste betref, het Ndeitunga baie duidelike riglyne neergelê oor die prosedure wat gevolg moet word om dit te doen.
Dit blyk daar is geen rede vir vertragings in dié verband nie, sê die NLU.
Die polisie beplan om werkwinkels te hou waar die samewerking en magte van reserviste struktureel gevestig sal word. Sodra die reëlings hiervoor getref is, sal die JCPF en die NLU 'n uitnodiging ontvang en afgevaardigdes nomineer om dit by te woon.
Kommentaar
Republikein
Geen kommentaar is op hierdie artikel gelaat nie