NLU Agri Braai die naweek op Okahandja
Francoise Steynberg - Die Okahandja Boerevereniging (BV) is slaggereed vir die Namibië Landbou-unie (NLU) se Agri Braai wat die naweek by die Reitklub op dié dorp gaan plaasvind.
Buiten die braaikompetisie, is die fokus op saamkuier en vermaak met bekende kunstenaars Karlien van Jaarsveld en Adam wat Saterdagaand optree.
Die jaarlikse interboerevereniging se braaikompetisie wat sowat 35 jaar gelede as ’n sosiale geleentheid ontstaan het, is weer terug onder die vaandel van die NLU. Die vure gaan nou hoog brand onder die naam NLU Agri Braai.
As hoofborg die afgelope paar jaar, het Meatco ’n groot rol gespeel by die aanbied van die braaikompetisie, maar aangekondig dit gaan sy betrokkenheid afskaal.
Meatco bly steeds een van die hoofborge, saam met Tafel Lager en Namib Mills (Voermeester en Namib Poultry ingesluit) wat ’n driejaar borgskapooreenkoms met die NLU onderteken het.
“Die betrokkenheid van Tafel Lager en Namib Mills as borge gee ’n ander dimensie aan die NLU Agri Braai en dit word nou beskou as ’n fees waarby nie net die vleisprodusente betrokke is nie, maar ook die groter landboufamilie,” het die president van die NLU, mnr. Ryno van der Merwe, gesê.
“Alhoewel die kern van die Agri Braai steeds ’n kompetisie is om te bepaal watter boerevereniging of sosiale span die beoordelaars die meeste met hul braaikuns kan beïndruk, val die klem vanjaar ook op sosiale samesyn en vermaak.”
Van der Merwe sê “kom ons vergeet van die droogte en kuier lekker saam”.Die droogte is ook die rede waarom net nege boereverenigings ingeskryf het.
Altesaam 11 sosiale spanne het ingeskryf.
Wat die beoordeling betref, is die reëls ook aangepas om dit makliker te maak vir deelnemende spanne, volgens hoofbeoordelaar Sanet Prinsloo.
“Die dekor van die stalletjie tel byvoorbeeld geen punte by die beoordeling van die kos nie, alhoewel ’n prys vir die mooiste stalletjie beskikbaar is.”
Vanjaar word elke boerevereniging en sosiale span se voorgereg, hoofgereg en nagereg terselfdertyd beoordeel. As deel van die beoordeling word gekyk na die kombuis waar die kos voorberei is
Volgens Prinsloo is die vleisgereg die belangrikste en vanjaar is dit die lendeskyf.
Die res van die bestanddele is ’n geheim en dié verrassingspakkies sal Sateroggend aan die braaispanne uitgedeel word.
Vet pret is op die program met ’n vertoning van Arabierperde Vrydag en die Namibiese gaskunstenaar Hannes Kaufmann wat ook as seremoniemeester sal optree. Saterdag is vol aktiwiteite met onder meer ’n rodeo, ’n Mej. Agri Braai-skoonheidskompetisie en die Meatco-steakbraai.
Ouers kan ontspan en hul kinders by ’n spesiale kinderspeelparkie los waar hulle onder meer met bak en brou, gesigverf, boeresport, ’n meganiese bul, springkasteel en sandkuns besig gehou word.
Die eenmalige toegangsgeld van N$100 vir volwassenes en N$50 vir kinders is geldig vir beide Vrydag en Saterdag.
Vir verdere besonderhede, kontak vir Saartjie Muller by tel 062 549 043 of by [email protected]. Besoek die Facebook-blad, NLU Agri Braai.
Buiten die braaikompetisie, is die fokus op saamkuier en vermaak met bekende kunstenaars Karlien van Jaarsveld en Adam wat Saterdagaand optree.
Die jaarlikse interboerevereniging se braaikompetisie wat sowat 35 jaar gelede as ’n sosiale geleentheid ontstaan het, is weer terug onder die vaandel van die NLU. Die vure gaan nou hoog brand onder die naam NLU Agri Braai.
As hoofborg die afgelope paar jaar, het Meatco ’n groot rol gespeel by die aanbied van die braaikompetisie, maar aangekondig dit gaan sy betrokkenheid afskaal.
Meatco bly steeds een van die hoofborge, saam met Tafel Lager en Namib Mills (Voermeester en Namib Poultry ingesluit) wat ’n driejaar borgskapooreenkoms met die NLU onderteken het.
“Die betrokkenheid van Tafel Lager en Namib Mills as borge gee ’n ander dimensie aan die NLU Agri Braai en dit word nou beskou as ’n fees waarby nie net die vleisprodusente betrokke is nie, maar ook die groter landboufamilie,” het die president van die NLU, mnr. Ryno van der Merwe, gesê.
“Alhoewel die kern van die Agri Braai steeds ’n kompetisie is om te bepaal watter boerevereniging of sosiale span die beoordelaars die meeste met hul braaikuns kan beïndruk, val die klem vanjaar ook op sosiale samesyn en vermaak.”
Van der Merwe sê “kom ons vergeet van die droogte en kuier lekker saam”.Die droogte is ook die rede waarom net nege boereverenigings ingeskryf het.
Altesaam 11 sosiale spanne het ingeskryf.
Wat die beoordeling betref, is die reëls ook aangepas om dit makliker te maak vir deelnemende spanne, volgens hoofbeoordelaar Sanet Prinsloo.
“Die dekor van die stalletjie tel byvoorbeeld geen punte by die beoordeling van die kos nie, alhoewel ’n prys vir die mooiste stalletjie beskikbaar is.”
Vanjaar word elke boerevereniging en sosiale span se voorgereg, hoofgereg en nagereg terselfdertyd beoordeel. As deel van die beoordeling word gekyk na die kombuis waar die kos voorberei is
Volgens Prinsloo is die vleisgereg die belangrikste en vanjaar is dit die lendeskyf.
Die res van die bestanddele is ’n geheim en dié verrassingspakkies sal Sateroggend aan die braaispanne uitgedeel word.
Vet pret is op die program met ’n vertoning van Arabierperde Vrydag en die Namibiese gaskunstenaar Hannes Kaufmann wat ook as seremoniemeester sal optree. Saterdag is vol aktiwiteite met onder meer ’n rodeo, ’n Mej. Agri Braai-skoonheidskompetisie en die Meatco-steakbraai.
Ouers kan ontspan en hul kinders by ’n spesiale kinderspeelparkie los waar hulle onder meer met bak en brou, gesigverf, boeresport, ’n meganiese bul, springkasteel en sandkuns besig gehou word.
Die eenmalige toegangsgeld van N$100 vir volwassenes en N$50 vir kinders is geldig vir beide Vrydag en Saterdag.
Vir verdere besonderhede, kontak vir Saartjie Muller by tel 062 549 043 of by [email protected]. Besoek die Facebook-blad, NLU Agri Braai.
Kommentaar
Republikein
Geen kommentaar is op hierdie artikel gelaat nie