NIP skors werknemer wat glo met Covid-19-rekords peuter

Die bestuur van die Namibiese Instituut vir Patologie (NIP) het vandag 'n werknemer geskors wat na bewering met Covid-19-rekords gepeuter het. Die besluit kom volgens 'n verklaring ná voorlopige interne ondersoeke wat daarop wys dat die geskorste werknemer haar posisie gebruik het om met inligting op die NIP Laboratorium Inligtingstelsel te peuter wat met Covid-19-rekords verband hou.

NIP sê die kwessie sal in lyn met sy interne beleidsrigtings hanteer word, terwyl 'n kriminele klag ook by die Namibiese polisie sowel as die Teenkorrupsiekommissie (ACC) gelê gaan word.