Niks oorhaastigs op dié roete
Genieting van die Namibiese buitelug en die bereiking van persoonlike doelwitte is waaroor die Wintertoer gaan.
Die jaarlikse Winter-bergfietstoer is die afgelope week in die Dordabis-omgewing gehou. Altesame 29 ryers het die driedaagse toer meegemaak en net twee ryers die sesdagtoer.
Die groep is die eerste drie dae deur Ankawini Castle gehuisves en die laaste drie dae by die lodges Karivo en Onjala.
Die sesdagtoer het op Dinsdag 25 Mei begin met ’n afstand van 68 km wat distriksgrondpad sowel as ’n klein gedeelte teerpad ingesluit het. Dag 2 was oor ’n afstand van 90 km en dag 3 oor 60 km. Beide laasgenoemde dae het plaasgevind op distriksgrondpaaie.
Die driedagtoer het Vrydag begin met ’n afstand van 92 km, Saterdag 51 km en Sondag 72 km. Saterdag het ryers meestal op die twee lodges deurgebring met tweespoorpaaie asook klein gedeeltes distrikspad.
Die hooforganiseerder, Johan Fourie, sê: “Bergfietsryers het hier die geleentheid om hulself te toets volgens hul vermoëns; om bloot die buitelug te geniet en iets te doen sonder dat jy deur tyd gejaag word. Vir sommiges is ’n sekere afstand ’n uitdaging en vir ander is dit reeds ’n uitdaging net om op ’n grondpad te ry. Ander het die opsie om die jeep-spore hul vriend te maak.
“Dit is altyd ’n voorreg om deur ons land te ry en weer te waardeer vir wat ons het.
“Ek probeer vir alle klasse voorsiening maak deur geen gedeelte te moeilik te maak nie. Hulle het ’n keuse van die afstand wat hulle wil doen, hoewel ’n sekere afstand uitgesit is.
“Almal het die geleentheid om hul self op een of ander manier te toets en nie bekommerd te wees dat hulle hoef mee te ding om vergoeding nie.”
Die toer se borge vanjaar was Superspar The Grove, Super Game Dealers, Jaycee Entertainment en ’n anonieme borg.
Volgende op die kalender vir Johan’s Training Centre is die jaarlikse 3Passes toer wat op die naweek van 15-17 Oktober sal plaasvind. Navrae kan aan Johan Fourie by by [email protected] gerig word.
Die groep is die eerste drie dae deur Ankawini Castle gehuisves en die laaste drie dae by die lodges Karivo en Onjala.
Die sesdagtoer het op Dinsdag 25 Mei begin met ’n afstand van 68 km wat distriksgrondpad sowel as ’n klein gedeelte teerpad ingesluit het. Dag 2 was oor ’n afstand van 90 km en dag 3 oor 60 km. Beide laasgenoemde dae het plaasgevind op distriksgrondpaaie.
Die driedagtoer het Vrydag begin met ’n afstand van 92 km, Saterdag 51 km en Sondag 72 km. Saterdag het ryers meestal op die twee lodges deurgebring met tweespoorpaaie asook klein gedeeltes distrikspad.
Die hooforganiseerder, Johan Fourie, sê: “Bergfietsryers het hier die geleentheid om hulself te toets volgens hul vermoëns; om bloot die buitelug te geniet en iets te doen sonder dat jy deur tyd gejaag word. Vir sommiges is ’n sekere afstand ’n uitdaging en vir ander is dit reeds ’n uitdaging net om op ’n grondpad te ry. Ander het die opsie om die jeep-spore hul vriend te maak.
“Dit is altyd ’n voorreg om deur ons land te ry en weer te waardeer vir wat ons het.
“Ek probeer vir alle klasse voorsiening maak deur geen gedeelte te moeilik te maak nie. Hulle het ’n keuse van die afstand wat hulle wil doen, hoewel ’n sekere afstand uitgesit is.
“Almal het die geleentheid om hul self op een of ander manier te toets en nie bekommerd te wees dat hulle hoef mee te ding om vergoeding nie.”
Die toer se borge vanjaar was Superspar The Grove, Super Game Dealers, Jaycee Entertainment en ’n anonieme borg.
Volgende op die kalender vir Johan’s Training Centre is die jaarlikse 3Passes toer wat op die naweek van 15-17 Oktober sal plaasvind. Navrae kan aan Johan Fourie by by [email protected] gerig word.
Kommentaar
Republikein
Geen kommentaar is op hierdie artikel gelaat nie