Nigerië: Verkiesing uitgestel, beroep op kalmte
Nigeriese politici en kiesers het Saterdag hul ontsteltenis uitgespreek nadat dié land se nasionale verkiesing met ’n week uitgestel is slegs ure voordat hulle na die stempunte sou gaan.
Pres. Muhammadu Buhari het landsburgers versoek om rustig te wees en van burgerlike wanorde weg te bly. Hy het in ’n verklaring gesê hy is “baie teleurgesteld” oor die vertraging.
Mahmood Yakubu, voorsitter van Nigerië se verkiesingskommissie (INEC), het Saterdag in die vroeë oggendure in ’n verklaring gesê die uitstel was nodig om ’n vrye en regverdige verkiesing te laat geskied.
“Die kommissie het tot die gevolgtrekking gekom dat dit nie uitvoerbaar sou wees om voort te gaan met die verkiesing soos geskeduleer nie,” het Yakuba gesê.
Kwelpunte handel oor die onvermoë om stembriewe en dokumente waarop uitslae aangebring word, na sekere dele van die land te vervoer, sê verkiesingsbeamptes en Westerse diplomate.
84 miljoen kiesers het geregistreer om te stem.
Die verkiesing is ook in 2011 en 2015 uitgestel weens logistieke en veiligheidskwessies
Die verkiesing sal nou op Saterdag 23 Februarie geskied.
’n Strawwe verkiesingstryd teen Atiku Abubakar, opposisiekandidaat en voormalige adjunkpresident, lê vir Buhari voor. Hy regeer sedert 2015.
Uche Secondu, voorsitter van die People’s Democratic Party (PDP), die amptelike opposisie, het dié skuif as ’n bedreiging vir hul demokrasie beskryf en gesê dit is “onaanvaarbaar”.
Secondu sê dit is Buhari se poging om aan sy “mag vas te klou, selfs al is dit duidelik dat die Nigeriërs hom uit wil hê”.
Buhari se regerende All Progressives Congress (APC) het ook die verkiesingskommissie gekritiseer.
Die president het ten volle met die kommissie saamgewerk om te verseker hulle het alles wat nodig is om ’n vrye en regverdige verkiesing te hou, sê hy in ’n verklaring.
Kiesers oor die land heen het gesê hulle is ongelukkig oor die besluit.
Vorige verkiesings is al in die verlede deur geweld, intimidasie en knoeiery met stembriewe benadeel.
Ses mense is Saterdagoggend dood in ’n bomaanval in Maiduguri. Islamitiese militante is vermoedelik vir die aanval verantwoordelik.
Maiduguri is die hoofstad van die Borno-staat van Nigerië.
Dit is die staat wat die ergste deur die terreurgroep Boko Haram en sy uitspruitsel, Islamic State in West Africa Province geraak word. – Reuters/Netwerk24
Pres. Muhammadu Buhari het landsburgers versoek om rustig te wees en van burgerlike wanorde weg te bly. Hy het in ’n verklaring gesê hy is “baie teleurgesteld” oor die vertraging.
Mahmood Yakubu, voorsitter van Nigerië se verkiesingskommissie (INEC), het Saterdag in die vroeë oggendure in ’n verklaring gesê die uitstel was nodig om ’n vrye en regverdige verkiesing te laat geskied.
“Die kommissie het tot die gevolgtrekking gekom dat dit nie uitvoerbaar sou wees om voort te gaan met die verkiesing soos geskeduleer nie,” het Yakuba gesê.
Kwelpunte handel oor die onvermoë om stembriewe en dokumente waarop uitslae aangebring word, na sekere dele van die land te vervoer, sê verkiesingsbeamptes en Westerse diplomate.
84 miljoen kiesers het geregistreer om te stem.
Die verkiesing is ook in 2011 en 2015 uitgestel weens logistieke en veiligheidskwessies
Die verkiesing sal nou op Saterdag 23 Februarie geskied.
’n Strawwe verkiesingstryd teen Atiku Abubakar, opposisiekandidaat en voormalige adjunkpresident, lê vir Buhari voor. Hy regeer sedert 2015.
Uche Secondu, voorsitter van die People’s Democratic Party (PDP), die amptelike opposisie, het dié skuif as ’n bedreiging vir hul demokrasie beskryf en gesê dit is “onaanvaarbaar”.
Secondu sê dit is Buhari se poging om aan sy “mag vas te klou, selfs al is dit duidelik dat die Nigeriërs hom uit wil hê”.
Buhari se regerende All Progressives Congress (APC) het ook die verkiesingskommissie gekritiseer.
Die president het ten volle met die kommissie saamgewerk om te verseker hulle het alles wat nodig is om ’n vrye en regverdige verkiesing te hou, sê hy in ’n verklaring.
Kiesers oor die land heen het gesê hulle is ongelukkig oor die besluit.
Vorige verkiesings is al in die verlede deur geweld, intimidasie en knoeiery met stembriewe benadeel.
Ses mense is Saterdagoggend dood in ’n bomaanval in Maiduguri. Islamitiese militante is vermoedelik vir die aanval verantwoordelik.
Maiduguri is die hoofstad van die Borno-staat van Nigerië.
Dit is die staat wat die ergste deur die terreurgroep Boko Haram en sy uitspruitsel, Islamic State in West Africa Province geraak word. – Reuters/Netwerk24
Kommentaar
Republikein
Geen kommentaar is op hierdie artikel gelaat nie