Nigerië knak voor Vroue-Eagles

Die Namibiese vrouekrieketspan, geborg deur die Capricorn-groep, het gister in Rwanda se hoofstad Kigali hul openingswedstryd van die Kwibuka T20-toernooi met groot oortuiging gewen.Kaptein Irené van Zyl en haar maats het die arme Nigerië só vasgeknoop sodat die Wes-Afrika uit hul twintig boulbeurte net 52 lopies vir die verlies van agt paaltjies kon wurg.Nigerië se kaptein Samantha Agazuma se sewe lopies was die hoogste individuele kolftelling.Die 18-jarige Victoria Hamunyela is as die speler van die wedstryd aangewys vir haar puik boulskof van 4/8 in vier boulbeurte. Sylvia Shihepo was ewe goed op haar stukke met 2/4 in drie boulbeurte.Afrigter Francois van der Merwe sal waarskynlik graag wil sien dat die Vroue-Eagles die akkuraatheid van hul boulwerk ’n bietjie opknap, want hulle het nege wydlopers en ’n enkele foutbal afgestaan.Die Namibiese kolwers het min hoofpyne ondervind, hoewel Adri van der Merwe (13 van 15 balle, 2x4) en Yasmeen Khan (1 van 5 balle) hul paaltjies verloor het, is die wenteiken met 53/2 ná 9.2 boulbeurte behaal.Arrasta Diergaardt, aanvangskolwer, was nie uit nie op 26 (27 balle, vier viere), terwyl Kayleen Green onoorwonne op 12 was (9 balle, 2x4).Die Namibiërs is bestem om vanmiddag hul tweede wedstryd teen die tuisspan Rwanda te speel, wat gister ewe maklik met agt paaltjies teen Botswana gewen het.FOTOVictoria Hamunyela van Namibië in aksie in ’n vorige toernooi. Sy was gister speler van die wedstryd met vier paaltjies teen Nigerië. Foto ICC

Nigerië knak voor Vroue-Eagles

Kommentaar

Republikein 2025-11-05

Meld asseblief aan om kommentaar te lewer

Nigerië knak voor Vroue-Eagles

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.