Nie te laat vir eer

Dani Booysen - Die groot skok, medelye en hulde waarmee Vrydag van oor alle grense in en buite Namibië op die tragiese heengaan van wyle Ernst van Biljon gereageer is, is ’n testament wat glashelder van hierdie besonder man se nalatenskap spreek.As dirigent, koorleier, komponis en musiekdosent was Van Biljon ’n huishoudelike naam.Beskrywings soos maestro, legende en ikoon is heeltemal van toepassing.Ontelbare Namibiërs is een of ander tyd direk of indirek deur sy werk aangeraak. Met onder meer Cantare Audire, die nasionale jeugkoor, Voices of Namibia en baie ander groepe het Van Biljon plaaslike en internasionale roem verwerf.Hy was ’n man wat deur sy werk toegewyd was om alle Namibiërs te verenig deur bande tussen mense te smee met die towerkrag van die musiekkuns uit ons diverse kulture, en te bou aan die “Namibiese Huis”, wat maar eers onlangs so ’n gewilde metafoor vir die nasie geword het. So het hy inderdaad grense versit.Met reg is in die media opgemerk dat Van Biljon in sy leeftyd nie die amptelik erkenning gegun is wat hom toegekom het nie. Dit herinner ons om helde eerder vroeër as later te bedank, hoewel die immer beskeie Van Biljon self geen groot saak van sy prestasies wou maak nie.Dit is nie te laat vir hierdie eerbied nie.Namibiërs moet in die algemeen aan die hand van dié tragiese verlies besin of ons die nodige erkenning en finansiering aan die kunste gee, gemeet aan die rol wat dit in nasiebou, begrip, maatskaplike samehang en ontwikkeling speel.Namibië het inderdaad ’n maestro verloor.Rus sag, geliefde Ernst van Biljon.So sê ander4 Julie 2016Isis se bloedigste aanval nógDie selfmoordbomaanval verlede week op die Atatürk-lughawe buite Istanbul in Turkye is nie die eerste wat aan die terreurbeweging Islamitiese Staat (Isis) toegeskryf word nie. Met die meer as 40 mense wat in die aanval gesterf het, is dit wel die bloedigste.Turkye word tans geregeer deur pres. Recep Tayyip Erdogan, ’n felle nasionalis en ’n man wat bowendien diktatoriale neigings openbaar.Hy het Koerdiese terreuraanslae reeds verskeie kere met groter geweld beantwoord. Die kanse lyk goed dat hy dit ook met Isis kan doen. Maar as dit gebeur, kan dit die aard van die konflik in en om Sirië wysig.As Turkye Isis wil help hokslaan, moet hulle hul eie rug beskerm – en dít is wat gebeur noudat hulle met die Russe en die Israeli’s ’n vriendskap sluit. Die Suid-Afrikaanse regering sal wys wees as hy sy gewone neiging onderdruk om hom met alles onder die son te bemoei. Bly weg van konflikte waarmee ons land niks te doen het nie!• NETWERK24

Nie te laat vir eer

Kommentaar

Republikein 2025-11-05

Meld asseblief aan om kommentaar te lewer

Nie te laat vir eer

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.