Nida probeer kraaines oor geldsake ontrafel
Nóg 'n sukkelende Namibiese staatsonderneming, in beheer van nywerheidsontwikkeling, sê hy vaar sedert Mei beter met "prioriteitsbetaling" aan diensverskaffers.
Jo-Maré Duddy – Die agentskap vir nywerheidsontwikkeling in Namibië (Nida) is besig om ‘n regsmening in te win oor sy wetlike verpligting om die mediesefondsbydraes van afgetrede werknemers van die voormalige Namibia Development Corporation (NDC) en Offshore Development Corporation (ODC) te betaal.
Volgens Nida maak dié begunstigdes 30% van Nida se totale begunstigdes, hul weduwees of wewenaars en hul afhanklikes uit wat vir mediesefondsvoordele kwalifiseer.
“Dié situasie is finansieel onvolhoubaar,” sê mnr. Wessel !Nanuseb, Nida se senior bestuurder van korporatiewe dienste en menslike hulpbronne.
!Nanuseb het reageer op vrae oor Nida se geldelike verknorsing wat aan die agentskap se uitvoerende hoof, mnr. Mihe Gaomab, gestuur is. Die mediesefondsdekking van Nida se sowat 270 werknemers en pensioenarisse hang in die weegskaal.
Namibia Health Plan (NHP) het vroeër die maand Nida se mediesefondsvoordele opgeskort omdat dié SOE se bydraes twee maande agterstallig is. Ná Nida Augustus se bydraes kon oorbetaal, het NHP die opskorting opgehef – maar net tot 20 September. Verlede Maandag het Nida opnuut uitstel gevra en is die sperdatum tot 12:00 Vrydag verleng.
Volgens !Nanuseb het Nida Vrydag ‘n ooreenkoms met NHP bereik om 65% van September se bydraes te betaal en die res teen maandeinde. !Nanuseb wou egter nie sê wat die bedrag beloop wat Nida veronderstel is om maandeliks aan die mediese fonds oor te betaal nie.
WETLIK VERPLIG
Hy het wel bevestig dat Nida weens kontantvloeiprobleme nie kon byhou met die betaling van mediesefondsbydraes nie. Sedert Mei vanjaar het Nida egter pogings verbeter om “prioriteitsbetalings” aan derde partye soos mediese fondse te verseker en is Nida tans net twee maande agterstallig met sy mediesefondsbydraes, aldus !Nanuseb.
Volgens hom is die las “uniek” wat mediesefondsbydraes op Nida se geldlike posisie plaas. Die agentskap is nie net verantwoordelik vir die voordele van bestaande permanente werknemers nie, maar is kontraktueel ook verbind om die mediesefondsbydraes van NDC- en ODC-werknemers vóór April 2008 te betaal.
Nida is in 2018 gestig en inkorporeer die voormalige NDC en ODC. Dit ressorteer onder die ministerie van nywerheid en handel.
Seksies 30 en 31 van die Nida-wet bepaal dat die agentskap vir “alle bates, regte, laste en verpligtinge” van die NDC en ODC verantwoordelik is.
Volgens !Nanuseb is Nida besig om met sy prokureurs oor dié seksies en die pad vorentoe te beraadslaag. “Ons bly egter bewus van die heersende Covid-19-pandemie en die behoefte om ons mediese verpligtings met die finansiële volhoubaarheid van die agentskap te balanseer,” sê hy.
Republikein het onlangs berig dat Nida ook agterstallig met belasting is, terwyl die koerant ook op antwoorde wag oor beweringe dat watertoevoer onlangs by die David Shikomba-sakepark in Ongwediva gesny is weens agterstallige skuld van N$800 000 aan die dorpsraad.
Volgens Nida maak dié begunstigdes 30% van Nida se totale begunstigdes, hul weduwees of wewenaars en hul afhanklikes uit wat vir mediesefondsvoordele kwalifiseer.
“Dié situasie is finansieel onvolhoubaar,” sê mnr. Wessel !Nanuseb, Nida se senior bestuurder van korporatiewe dienste en menslike hulpbronne.
!Nanuseb het reageer op vrae oor Nida se geldelike verknorsing wat aan die agentskap se uitvoerende hoof, mnr. Mihe Gaomab, gestuur is. Die mediesefondsdekking van Nida se sowat 270 werknemers en pensioenarisse hang in die weegskaal.
Namibia Health Plan (NHP) het vroeër die maand Nida se mediesefondsvoordele opgeskort omdat dié SOE se bydraes twee maande agterstallig is. Ná Nida Augustus se bydraes kon oorbetaal, het NHP die opskorting opgehef – maar net tot 20 September. Verlede Maandag het Nida opnuut uitstel gevra en is die sperdatum tot 12:00 Vrydag verleng.
Volgens !Nanuseb het Nida Vrydag ‘n ooreenkoms met NHP bereik om 65% van September se bydraes te betaal en die res teen maandeinde. !Nanuseb wou egter nie sê wat die bedrag beloop wat Nida veronderstel is om maandeliks aan die mediese fonds oor te betaal nie.
WETLIK VERPLIG
Hy het wel bevestig dat Nida weens kontantvloeiprobleme nie kon byhou met die betaling van mediesefondsbydraes nie. Sedert Mei vanjaar het Nida egter pogings verbeter om “prioriteitsbetalings” aan derde partye soos mediese fondse te verseker en is Nida tans net twee maande agterstallig met sy mediesefondsbydraes, aldus !Nanuseb.
Volgens hom is die las “uniek” wat mediesefondsbydraes op Nida se geldlike posisie plaas. Die agentskap is nie net verantwoordelik vir die voordele van bestaande permanente werknemers nie, maar is kontraktueel ook verbind om die mediesefondsbydraes van NDC- en ODC-werknemers vóór April 2008 te betaal.
Nida is in 2018 gestig en inkorporeer die voormalige NDC en ODC. Dit ressorteer onder die ministerie van nywerheid en handel.
Seksies 30 en 31 van die Nida-wet bepaal dat die agentskap vir “alle bates, regte, laste en verpligtinge” van die NDC en ODC verantwoordelik is.
Volgens !Nanuseb is Nida besig om met sy prokureurs oor dié seksies en die pad vorentoe te beraadslaag. “Ons bly egter bewus van die heersende Covid-19-pandemie en die behoefte om ons mediese verpligtings met die finansiële volhoubaarheid van die agentskap te balanseer,” sê hy.
Republikein het onlangs berig dat Nida ook agterstallig met belasting is, terwyl die koerant ook op antwoorde wag oor beweringe dat watertoevoer onlangs by die David Shikomba-sakepark in Ongwediva gesny is weens agterstallige skuld van N$800 000 aan die dorpsraad.
Kommentaar
Republikein
Geen kommentaar is op hierdie artikel gelaat nie