Naweek van geweld
Saterdag is 'n agtjarige meisie, wat sonder toesig in 'n huis gelaat is, glo deur 'n 21-jarige man verkrag.
Tanja Bause
Een vrou is die afgelope naweek na bewering deur haar kêrel vermoor, en nog een is glo deur haar kêrel verkrag en aangerand.
Dít volgens die Namibiese polisie se misdaadverslag.
Verder is nóg 'n vrou glo vermoor en nog vier, waarvan die jongste maar agt jaar oud is, is na wat verneem word verkrag.
Die 19-jarige me. Selma Hanes is Vrydag om 19:30 glo deur haar kêrel met 'n mes doodgesteek.
MESDOOD
Die voorval het glo in die Soweto- informele nedersetting op Outjo plaasgevind.
'n Man (22) is met ernstige wonde aan sy gesig en kop in die staatshospitaal op Outjo opgeneem.
Hy het die beserings glo opgedoen toe die gemeenskap hom toegetakel het voordat die polisie op die toneel verskyn het om hom in hegtenis te neem.
Woensdag om 17:00 is me. Martha Kaaviju (35) na bewering deur 'n 68-jarige man in die Onamahoka-nedersetting aangerand.
Volgens die polisie se misdaadverslag het hy haar glo met 'n besemstok oor die kop en lyf geslaan.
Sy het Saterdagnag in die Engela-distrikshospitaal aan haar wonde beswyk.
Die man is in hegtenis geneem.
Saterdag om 15:00 is 'n agtjarige meisie in die Engoyi-nedersetting glo deur 'n 21-jarige man verkrag.
Die slagoffer en nog kinders is glo sonder toesig in 'n huis gelaat toe die voorval plaasgevind het.
Die man is in hegtenis geneem.
GESLAGSGEWELD
'n Vrou (39) is na bewering deur haar kêrel aangerand en verkrag.
Dié voorval het glo Vrydag om 22:00 op Mariental in die Oshiwanapenduka Aimablaagte-nedersetting plaasgevind.
Die verdagte (25) en die slagoffer was glo 'n maand lank in 'n verhouding. Die man is in hegtenis geneem.
Een vrou is die afgelope naweek na bewering deur haar kêrel vermoor, en nog een is glo deur haar kêrel verkrag en aangerand.
Dít volgens die Namibiese polisie se misdaadverslag.
Verder is nóg 'n vrou glo vermoor en nog vier, waarvan die jongste maar agt jaar oud is, is na wat verneem word verkrag.
Die 19-jarige me. Selma Hanes is Vrydag om 19:30 glo deur haar kêrel met 'n mes doodgesteek.
MESDOOD
Die voorval het glo in die Soweto- informele nedersetting op Outjo plaasgevind.
'n Man (22) is met ernstige wonde aan sy gesig en kop in die staatshospitaal op Outjo opgeneem.
Hy het die beserings glo opgedoen toe die gemeenskap hom toegetakel het voordat die polisie op die toneel verskyn het om hom in hegtenis te neem.
Woensdag om 17:00 is me. Martha Kaaviju (35) na bewering deur 'n 68-jarige man in die Onamahoka-nedersetting aangerand.
Volgens die polisie se misdaadverslag het hy haar glo met 'n besemstok oor die kop en lyf geslaan.
Sy het Saterdagnag in die Engela-distrikshospitaal aan haar wonde beswyk.
Die man is in hegtenis geneem.
Saterdag om 15:00 is 'n agtjarige meisie in die Engoyi-nedersetting glo deur 'n 21-jarige man verkrag.
Die slagoffer en nog kinders is glo sonder toesig in 'n huis gelaat toe die voorval plaasgevind het.
Die man is in hegtenis geneem.
GESLAGSGEWELD
'n Vrou (39) is na bewering deur haar kêrel aangerand en verkrag.
Dié voorval het glo Vrydag om 22:00 op Mariental in die Oshiwanapenduka Aimablaagte-nedersetting plaasgevind.
Die verdagte (25) en die slagoffer was glo 'n maand lank in 'n verhouding. Die man is in hegtenis geneem.
Kommentaar
Republikein
Geen kommentaar is op hierdie artikel gelaat nie