Nóg pryse wink vir SA se rugbysterre

Dit was selde al só maklik om te voorspel wie met die Suid-Afrikaanse Rugbyunie (Saru) se jaarlikse pryse gaan wegstap.Rassie Erasmus, die Springbok-afrigter wat die Wêreldbeker huis toe gebring het uit Japan, is saam met die Blitsbokke se breier, Neil Powell, en die Cheetahs se voormalige breier Franco Smith as Afrigter van die Jaar benoem.’n Mens hoef ook nie slim te wees om sommer nou al te weet dat die Bokke die Blitsbokke en Cheetahs om die prys van Span van die Jaar gaan uitstof nie.As Pieter-Steph du Toit Wêreldrugby se Speler van die Jaar is, behoort hy seker ook as Suid-Afrika se beste gereken te word. Of gaan een van Cheslin Kolbe, Damian de Allende, Makazole Mapimpi of Duane Vermeulen hom onverwags troef?Du Toit is ook saam met Vermeulen en Handré Pollard vir Suid-Afrika se Superrugby-speler van die Jaar benoem.Vir die prys van Jong Speler van die Jaar kan dit interessant raak. Daar baklei Curwin Bosch, Herschel Jantjies, Sbu Nkosi, JJ van der Mescht en Damian Willemse sake uit. Jantjies is waarskynlik in die binnebaan ná die groot indruk wat hy agter die Bokke en Stormers se oonde gemaak het vanjaar.“Ons kan terugkyk op ’n wonderlike jaar met die Bokke se briljante vertonings met die verowering van die Wêreldbeker en Rugbykampioenskapstitel, wat die kroon daarop gespan het,” het Saru se president, Mark Alexander, gister in ’n nuusverklaring gesê.“Die Bokke se oplewing onder Rassie Erasmus en sy afrigtingspan het uitgeloop op die welslae in Japan en hul benoemings spreek as getuienis daarvan.“Ons is ook baie trots op die Blitsbokke en Neil Powell. Hulle was in ’n herboufase en selfs al het hulle nie die Wêreldreeks gewen nie, het hulle vir 2020 se Olimpiese Spele in Tokio gekwalifiseer. Ons glo hulle sal die Bokke se prestasie daar nadoen.”Die wenners sal vroeg in die nuwe jaar aangekondig word.BENOEMINGSSpeler van die Jaar: Damian de Allende, Pieter-Steph du Toit, Cheslin Kolbe, Makazole Mapimpi, Duane Vermeulen.Jong Speler van die Jaar: Curwin Bosch, Herschel Jantjies, Sbu Nkosi, JJ van der Mescht, Damian Willemse.Span van die Jaar: Springbokke, Blitsbokke, Cheetahs.Afrigter van die Jaar: Rassie Erasmus, Neil Powell, Franco Smith.Junior Springbok van die Jaar: Phendulani Buthelezi, Jaden Hendrikse, JJ van der Mescht.Blitsbok van die Jaar: Kurt-Lee Arendse, Selvyn Davids, Werner Kok, Siviwe Soyizwapi.Superrugby-speler van die Jaar: Pieter-Steph du Toit, Handré Pollard, Duane Vermeulen.Curriebeker-speler van die Jaar (Premierliga): Joseph Dweba, Tyrone Green, Ruan Pienaar.Curriebeker-speler van die Jaar (Eerste Liga): Cody-Anthony Basson, Athenkosi Mayinje, Domingo Miotti, Robbie Petzer.SuperSport-uitdaagreeks se Speler van die Jaar: Jamba Ulengo, Anthony Volmink, George Whitehead. – Netwerk24

Nóg pryse wink vir SA se rugbysterre

Kommentaar

Republikein 2025-07-16

Meld asseblief aan om kommentaar te lewer

Nóg pryse wink vir SA se rugbysterre

Kommentaar

Republikein 2025-07-16

Meld asseblief aan om kommentaar te lewer

MELD AAN

Advertensie