Nóg ’n knewel in Lesotho gevind

Nog ’n reus van ’n diamant is opgediep uit Gem Diamonds se Letseng-myn in Lesotho.Die diamant van 149 karaat is gekategoriseer as ’n D-kleur-tipe IIa-diamant. Dit is die vierde diamant van meer as 100 karaat en van hoë gehalte wat die afgelope jaar al uit die myn ontgin is. Dit volg kort op die spore van die diamant van 910 karaat wat op 15 Januarie aangekondig is.Gem Diamonds is op die Londense beurs genoteer, en besit volgens sy webruimte 70% van die Letseng-myn in Lesotho en 100% van die Ghaghoo-myn in Botswana. Die Letseng-myn word gereken as die kimberliet-diamantmyn wat die hoogste dollar per karaat vir sy diamante behaal.Die myn produseer telkens groot en buitengewone wit diamante wat rekordpryse in die internasionale diamantmark haal.Die diamant van 910 karaat wat verlede week aangekondig is, is op vier na die grootste diamant wat nóg ontgin is. Dit is omtrent die grootte van twee gholfballe.Die jongste diamantvonds is ’n tipe IIa-diamant, wat beteken dit bevat baie min of geen stikstofatome en is die duurste soort diamant.Vroeër in Januarie is reeds twee tipe IIa-diamante ontdek wat onderskeidelik 117 en 110 karaat was.Die vier ontdekkings sover vanjaar sal Gem Diamonds fluks help aangesien sy waarde in Desember tot ’n laagtepunt gedaal het nadat hy in die afgelope paar jaar gesukkel het om groot vondse te maak.Gem Diamonds het die Letseng-myn in 2006 gekoop.In 2015 het die maatskappy ’n diamant van 357 karaat – die Letseng Dynasty – vir US$19,3 miljoen verkoop.Sy eerste groot vonds was in 2006 toe die Lesotho Promise van 603 karaat gevind is. - Netwerk24

Nóg ’n knewel in Lesotho gevind

Kommentaar

Republikein 2025-06-18

Meld asseblief aan om kommentaar te lewer

Nóg ’n knewel in Lesotho gevind

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie