Nóg 'n hoë boom val
Dr. Zedekia Josef (Zed) Ngavirue, Namibië se spesiale gesant oor die volksmoord, akademikus en 'n voormalige ambassadeur by die Europese Unie, is vanoggend in Windhoek dood. Hy was 88 jaar oud.
Sy afsterwe is pas deur die presidensie aangekondig.
Dit is 'n reuseverlies vir die Ovaherero-gemeenskap, wat die afgelope twee weke nie net hul opperhoof, adv. Vekuii Rukoro, verloor het nie, maar ook die gerekende akademikus en politikus, prof. Mburumba Kerina.
Pres. Hage Geingob sê Namibië rou vandag oor die dood van 'n gerekende seun van Namibië. Hy het verwys na sy rol as spesiale gesant in die onderhandelinge met Duitsland oor vergoeding vir die volksmoord tussen 1904 en 1908 op die Ovaherero- en Nama-gemeenskappe in die land, en gesê dit was van sy moeilikste take die afgelope 31 jaar.
"Hy het hom met die grootste noukeurigheid hieraan gewy en ons land is hom dank verskuldig vir sy jarelange uitstekende diens in verskillende hoedanighede," het Geingob vanoggend gesê.
Hy het namens Namibië meegevoel met Ngavirue se familie betuig.
Foto: YouTube
Sy afsterwe is pas deur die presidensie aangekondig.
Dit is 'n reuseverlies vir die Ovaherero-gemeenskap, wat die afgelope twee weke nie net hul opperhoof, adv. Vekuii Rukoro, verloor het nie, maar ook die gerekende akademikus en politikus, prof. Mburumba Kerina.
Pres. Hage Geingob sê Namibië rou vandag oor die dood van 'n gerekende seun van Namibië. Hy het verwys na sy rol as spesiale gesant in die onderhandelinge met Duitsland oor vergoeding vir die volksmoord tussen 1904 en 1908 op die Ovaherero- en Nama-gemeenskappe in die land, en gesê dit was van sy moeilikste take die afgelope 31 jaar.
"Hy het hom met die grootste noukeurigheid hieraan gewy en ons land is hom dank verskuldig vir sy jarelange uitstekende diens in verskillende hoedanighede," het Geingob vanoggend gesê.
Hy het namens Namibië meegevoel met Ngavirue se familie betuig.
Foto: YouTube
Kommentaar
Republikein
Geen kommentaar is op hierdie artikel gelaat nie