Nóg ’n groot geveg wag op Pacquiao

Michael Green – Manny Pacquiao het die bokswêreld aan die gons nadat hy aangekondig het dat hy volgende teen Errol Spence gaan boks.Die Filippynse bokslegende het die naweek op Instagram gesê hy en Spence gaan mekaar op 21 Augustus in Las Vegas pak.Dit maak ’n einde aan die maande lange bespiegelings oor wie Pacquiao se volgende teenstander gaan wees.Die aankondiging laat egter ook baie oë rek, want Spence word algemeen as een van die vyf beste boksers in die wêreld gereken. Die 42-jarige Pacquiao kan beslis nog nooit daarvan beskuldig word dat hy vir ’n uitdaging terugdeins nie.In sy laaste geveg in Julie 2019 het hy Keith Thurman as die Wêreldboksvereniging (WBA) se “super”-kampioen in die weltergewigklas onttroon.Spence was in Desember verlede jaar laas in aksie toe hy sy titels van die Wêreldboksraad (WBC) en Internasionale Boksfederasie (IBF) suksesvol teen Danny Garcia verdedig het.Ander kampioenvegters vir wie die 31-jarige Amerikaner die afgelope vier jaar oorheers het, sluit in Mikey Garcia, Shawn Porter, Danny Garcia, Lamont Petersen en Kell Brook.• Die swaargewigkampioen Anthony Joshua het intussen tot die einde van die maand om ’n geveg teen Oleksandr Usyk van die Oekraïne gereël te kry.Die Wêreldboksorganisasie (WBO) dreig om Joshua van sy titel te stroop as hy dit nie volgende teen Usyk, die eerste aanspraakmaker, verdedig nie.Usyk het aanvanklik ingestem om terug te staan sodat Joshua eers teen Tyson Fury boks.Ná ’n hofbevel boks Fury egter nou eers op 24 Junie in Las Vegas weer teen Deontay Wilder.Joshua se promotor, Eddie Hearn, het al verlede week laat deurskemer dat dit in elk geval sy “Plan B” was dat sy bokser nou teen Usyk gaan baklei.• Britse boksgeesdriftiges het die naweek baie gehad om oor te juig toe Josh Taylor in Las Vegas daarin geslaan het om José Ramírez van Amerika te verslaan.Danksy dié oorwinning is Taylor nou die WBC, WBA, WBO en die IBF se superliggewigkampioen.Taylor het Ramírez op pad na sy punte-oorwinning oor 12 rondes twee keer platgeslaan.– Netwerk24FOTOSo lyk die plakkaat wat Manny Pacquiao op Instagram gedeel het.

Nóg ’n groot geveg wag op Pacquiao

Kommentaar

Republikein 2025-08-25

Meld asseblief aan om kommentaar te lewer

Nóg ’n groot geveg wag op Pacquiao

Kommentaar

Republikein 2025-08-25

Meld asseblief aan om kommentaar te lewer

MELD AAN

Advertensie